الكاتبه زهراء علاء
••••••••••••••••••••••
سامر ـ من بعد هذيج اليله كلبنه الامه ماكو مريم بس شكينه بجدي ضلينه مراقبينه يعني مريم ختفت فجئه الي يكتلني ولا واحد من عمامي دور ويانه بس ابوي يوصي يكول حاولو تلكونها هاي عرضنه مايصير ذابينها
دورنه بكل مكان المراكز المستشفيات جثث ماكو البنيه مالكينالها اثر هذا الكلام صار شهر حسيت بهذا الشهر فهد انكلب شكله من اباعله يعني جان يضحك ويسولف هسه ابد ماكو بس معبس وجهه والجكاره ماتفارك حلكه شكد دور على مريم جان اكثر شخص يطلع يدور عليها ويسحلني ويا ادور يوميه نسئل نروح للمستشفيات للمراكز المهم مثل ما كلتلكم شهر ضلينه ندور اخر شي كال فهد خلي نطبع صوره مريم و اسمها وننطي مبلغ معين للي يلكاها
اني عجبتني الفكره فورا وصينه مكتيتين يطبعولنه صوره المريم علمود يخلصن بأقرب وقت
جانت عباره عن ورقه وبيها صوره مريم واسمها ورقمي حتى الي يلكاها يخابرني
••••
طبعا هسه تكولون ليش ما شكيتو بيها مخطوفه لو مخطوفه جان الخاطف هدد لو طلب عليها مبلغ اما اذا عداوه ويانه فلا الكل تخاف من جدي
••••
سامر ـ خذنه الصور وخليناهم بالمدارس والمستشفيات وحتى الشوارع واعمده الكهرباء والصيدليات حتى الكوفيات والمطاعم
بحيث ضلينه يومين نوزع بالصور على الاماكن
رجعنه بيت جدي كعدنه يعني لمه عائليه لكل موجود عدا جدي طالع ابو المصايب فأحنه جاي نحجي بمواضيع عامه
جان جدي يدفر الباب ويطب معصبب ويصيح على ابوي
مجيد ـ ولدددكك المخانيث نزلوو راسيي الخايسين فضحونه كدام خلك الله
احمد ـ شصاير
طلع جدي ورقه من جيبه طلعت هاي الي ناسخينها احنه
مجيد ـ هاك شوف زعاطيطك شمصخمين بالشوارع حفيده مجيد ابن العمران مخطوفه منو خطفها والله محد يعرف شسوو بيها محد يعرف تلعبووونن من ورا ضهرييي يعني واحدكم بكد التيل عبالكم تفكرون بعقل زعااطييط
سامر ـ احنه مو زعاطيـ...
مجيد ـ اانججببب لابارك الله بيك وخلقتك راح تدخل بالثلاثين شطولك بعد تصير مبارك بس طول الطول طول النخله والعقل عقل الصخله جا وجهك وجه النعال ما فكرت الناس شيحجون على جدي من تخلي صوره هاي الكح به ورقمك حتى لو رجعتوها ما دوس هذا البت لو على جثتي وابرئ منها اليوم الدين وطلعها من العشيره ما اريد اي صله تربطنه بيها
انوار ـ اي بويه خوش سويت
احمد ـ بويه كول يا الله البنيه شمسويه ليش نتبرئ منها ضاعت عود شسوو الولد غير يدورون على عرضهم مريم بت عمهم وعرضهم
مجيد ـ ماريد عرض ملعوب بيه
فهد ـ جدي هواي محترمك بس لا تجيب طاري شرف مريم
مجيد ـ خاب والله يا فهيدان على سوايتكم هاي كون واحد يكطع النعال على راسك وراس اخيك
وهنا الكل سكت بس انوار تحجي ومبتسمه
انوار ـ كلتلكم هاي على امها كح اب اكص ايدي اذا مطلعت طافره ويا حبيبها
أنت تقرأ
عندما يموت قلب طفله
Misteri / Thrillerحقيقيه نبذه عن قصة مريم ذات 10عام ماتت امها ومات ابوها ويلقي ابن عمها نهوه عليها اليغضب الجد ويرميها في وسط الصحراء باكيه حتى يعثر عليها ذالك الضابط صدفه عند بيت امرئه عجوز شنطاء كادت تحطم مستقبلها بقلمي الكاتبه زهراء علاء
