انقلاب الموازين

البارت الثاني

سلام عليكم
البارت : الثاني
بقلم : ليلى محمد
القصة :انقلاب الموازين

كلشي بيدك
حتى هاي الضحكة ..
تكدر انت ترسمهة على شفتي
حتى حزني بچلمة منك
ينچفي وتصغر دمعتي ..
يا عزيز الگطع مو عادت كليبك؟

سما : عفته وطلعت كعدت ب حديقة والله تحبه اي اني اعرف تحبه كل مره اشوفه توكف على شبابك مال غرفتنه لان يطل على باب البيت الخارجي دائماً اشوفه واكفه هناك تنتضره يجي وقبل لا يروح هم تروح توكف هناك علمود تشوفه لوو ضحكاته الي تخفيه من يتغازل بيها ومرات بليل اشوفه تكتب ب دفتر مذكرات تسوي قلب وتحط اسمها و اسمه لو اشوف تكتب إشعار وتضحك كل هذا اني اعرفه وهيه ماتدري دائماً أكول انتِ تحبي هيه ماتسمع مني ليش تخفي حبها إله مادري لكل تنتضر رونق تحب سرمد بس هما مايعرفون هيه تحبه بس لو اعرف شنو الي باله وليش ما تعترف مرات يجي بالي اخذ دفتره واشوفه سرمد بس ابطل ما اريد اختي تنحط موقف تافه من وراي لو من يتغازل بيها وهيه تفشله من تفشله هيه تروح ضل تبجي تشبع بجي لان فلشته نوب تروح تعتذر من عده هاي كل تصرفاته يعني معقوله ما تحبه اختي واعرفه ودائما احجي ريحانة اختي متزوجه من تجي علينه اضل احجي الها وهيه هم تكول تحبه بس مانعرف ليش تخفي حبها شويه دخل مصعب من باب هذا هم شلع كلبي ليش يريد يتزوج هوه بعده يحب هذيج شلون صحت إله اني شايله هموم اخواني على راسي لو واحد انثغ بيهم اموت ما اريد شي بس اشوف ضحكتهم

_مصعب

_هاااا

_تعال اكعد يمي خلي نحجي اني وياك مشتاكتلك

_حتى أنه مشتاكتلج

_ليشتاك يجي مو بس حجي لسان

_ام لسان مايكدر ألج بس والله ماتشوفين من مضيف للبيت من بيت للمضيف وخاصة هاي لأيام صايرة طلابه بين عشيرتين تعال صلاح بينهم

_اللّٰه يساعدك تعال اكعد

... كعد جار راسي وباسني

_هاي يابه بست راسج خما بعدج زعلانه

... بسته من خده

_اني ازعل على اخوي كبر لمني إذا ازعل عليك

_اسم الله عليج لا تحجين هيج ياروح أخوج

_مصعب احجي وياك بموضوع

_احجي اكو شي

_لا ماكو شي انشالله

_ايي احجي شنو موضوعج

_باوع انتَ شلون راح تزوج بعدك تحبه

_مني هيه الي احبه

_لا تغشم نفسك ترة اعرفك كلش زين

_لا ما اغشم نفسي بس شنو الي منع ان اتزوج