انقلاب الموازين

البارت الثالث

السلام عليكم
البارت : الثالث
من قصة : انقلاب الموازين
بقلم :ليلى محمد

مشاهدة ممتعة

شماته وليل....غربه
وجلمة الياحيف
يلتمن دمع ويطيحن بخدي
واحد كلت تجوه افتر عليه البين
خله الماله بيها ولملم العندي
انهجم بيتج يروحي
اشكد صبر عندي

... ضليت افكر بحجي سما راسي داخ شنو اندم زين اذا أكول إله حقيقة يتقبلني لو لا
بس هو ليحب لازم يحب محبوبه بكل عيوبه مو بس اني هيج كومه مثلي خما اني لوحيده اكو بنات مثلي وأكثر واكو هم مايدرن إله من يتزوجن يمكن اني ربي خلني اعرف نفسي قبل لا اتزوج علمود لا انحط موقف مو حلو ويعيروني زين أكول إله اني ما اتحمل اشوفه متزوج وكدامي وأهلي يروحون يخطبون إله ايي أكول
هو ليحب يحب محبوبه بكل عيوبه خما يحبه حب كلاوات زين أكول لأمي اني راح اعترف اله اي هيج احسن اشوف امي شتكول يله اروح أكول بس هسه امي نايمه خليها على باجر لا باجر يروح على بغداد يجوز مايجي إله بعد يومين راح أكول إله هسه شنو يعني سري راح يضل مدفون يجي يوم وينكشف إذا مو ليوم باجر اذا مو باجر بعد سنه سنتين بس بل اخير انكشف ما يبقى هذا سر مدفون يجي يوم وينكشف ذبيت حسره واني حايره شسوي مابقى غير حل واحد هوه أكول إله كلشي كافي دفنت هذا سنين صار لوكت الي ينكشف بس اتمنى سرمد يكتم سري ما يطلعه لحد

... باوعت على ساعه بـ ١٠ إله خمسه يعني بعدهم كاعدين بـ استقبال همه لولد يضلون كاعدين ١٠ ونص يله ينامون كمت من فراشي فتحت لباب سما سألتني وين طالعة كتلها اريد اشرب ماي رحت على مطبخ سمعت صوتهم ب استقبال يعني بعدهم ضليت انتضره لما يطلع من استقبال

.

.. ضليت بقلق متررده بين اي بين لا كلبي صار يدك سريع متوتره جسمي صار يرجفي هوه من اخاف من أي شي او اتوتر جسمي يكوم يرجف وكلبي يصير يدك سريع احس بي رجفة
ما اعرف الي اسوي صح خطأ بس كل الي بالي اريد اكوله إله علمود لا يتزوج اخاف من هاي لحظه كل مايجي بالي يريدون يزوجونه احس كلبي ينعصر مو بيدي الي كاعد يصير ماكو غير حل واحد ماخلي يتزوج هو اعترف إله بكلشي أكول اله اني احبك بس ما أكول حقيقتي لا من نتزوج راح يكشفني ويذبون بيه صوج لان ماكلت شسوي مابقى حل واحد هوه اعترف إله بكلشي

... شفته طلع من استقبال طلعت من مطبخ وصحت عليه

_سرمد اوكف

_هاا

_تعال

_رايده شي

... توترت حيل بلكوه كمت اطلع لكلمه
_لا كلشي ما اريد بس تكدر تجي على مطبخ احجي وياك بموضوع