المُطر ، والغيم ، والحَبيته ، والمُوت
المّرض .. والشوگ ذاك المُو بگدّي
النَسمه الباردَه الـ تتعَده بالصَيف
الشيب الگبل وَكته بكيّفه يبدي
مَزاجيات فجأه الگاهن وياي!
ومِن يعجبهّن يتركَني وَحدي .
بقلمي (رزان علي)
〰️〰️〰️〰️〰️〰️〰️〰️〰️〰️〰️〰️〰️
بارت (4)
رحت بسرعه للمرام واستبرق لكيتهن
كاعدات يسولفن وي مرت عمي ام عباس
ايفا :مرام استبرق اني حہ اروح وي ام عقيل
وحسناء للصبار وباجر ارجع بسرعه فزت
استبرق وسحبتني من ايدي وطلعتني
للطارمه
استبرق: ما ترحين هاي ام عقيل كلشي
اتسويلج وعمتي وصتني عليج ما اخليج
ترحين لأي مكان غير يمي
ايفا: حاجيت بابا وقبݪ وباجر ارجع
بقت تلح ما ترحين بلاخير ملت من شافتني
ما اقتنع وكالت
استبرق: امداج روحي
رحت بسرعه صارت بوجهي ام عقيل
ام عقيل: ها قبل ابوج
ايفا: اي
ام عقيل: يلا تعالي اصعدي انتي وحسناء
واني جايه وراكم صعدنه وشويه واجت
جايبه سجاد وجايه زفرت بقلة صبر
صعد سجاد واني حته نفسي كتمته وهو
طول الطريق يباوع بالمرايه عليه وكل
شوي مسوي نفسه يسولف وي حسناء
ويباوعلي ويرجع يسوق كرصت حسناء
حسناء: يما كرصتني دوده
ام عقيل: ياا وين ولج خاف عقرب
بسرعه صرخت تقربت يمها وكرصتها مره
ثانيه وهمست
ايفا:وجع اي والله لج اني كرصتج علمود
هذاا اخوج شنو ستوه شايفج شنو؟
حسناء: مو ايد يما وخيه وصلتج الفكره هو
ما ميت عليه هزيت ايدي ورجعت للمكاني
وحجت
ام عقيل: ها ولج ما شفتي شنو كرصج
حسناء: ﻼ ماما مو كرصه هاي الغراض وراي
وعبالي انكرصت
ام عقيل: ها خوش
وصلنه ونزلنه باوعت ؏ المكان جانت
موجوده غرفه صغيره ويمها مطبخ من
طين ما اعرف شلون مسوينها ومقابيلهن
مثل الجربايه وهم من طين وصاير بوسط
الاشجار المنظر كلش حلو سحبت حسناء
من ايدها ورحت استكشف المكان صرنه
بعيدين عن الغرفه
ايفا: لج يلا اركضي وياي شبيج
حسناء: تعبت بعد ما اكدر
ايفا: حقج جنج هايشه
حسناء: تعبت وكعدت بالكاع
عفتها وكمت اركض بوسط الاشجار وساعه
اشلع بيهم وساعه اختل وراهم تعبت
ورجعت لكيتها نفس مكانها
ايفا: ها ولج جبتي شنو بعدج هناه؟
حسناء: يا عزا ولج منتظرتج
ايفا: ها يلا امشي نرجع
رجعنه وشفت سجاد راح يم امه بالغرفه
رحت دخلت للمطبخ واجت وراي حسناء
حسناء: يا ولج تعالي هناك نكعد
ايفا: وين اكعد وهذا اخوج العفطي
حسناء: شعليج بيه امشي نكعد
ايفا: والله لْـۆ شنو خلينه هناه ينكلع
(يعني يروح) يلا اروح بالغرفه
حسناء: تمام نسوي شاميه؟
ايفا: اي يلا سوت شاميه وخلت الها بصحن
والي هم وطلعنه كعدنه ؏ الجربايه الي من
طين ونسولف شوي واجت ام عقيل
ام عقيل: ايفا تردين عصير؟
ايفا :ها اي
خلتلي بكلاص
حسناء: واني
ام عقيل: انتي انجبي وخلتها وراحت
شربته وكمت رحت للزرع الي مقابيل
الغرفه وشفت سجاد طلع وراح يسرح
(يعني يفتر بالحيوانات) صرت شويه بعيده
عن الغرفه وحسيت ........
〰️〰️〰️〰️〰️〰️〰️〰️〰️〰️〰️〰️〰️
متابعه +تفاعلو بين الفقرات وعلقو
كلما اشوف تفاعل انزل بارت
❤️
أنت تقرأ
لٱ اخشئ ناركم
Ficción Generalقصه حقيقيه واقعيه تتحدث عن فتاه مراهقه مرحه جدا لا يهمها شياء الئ ان اتته. اليوم الذي قلبه حياتها. بسبب صديقتها. فماذا ستغعل ؟ تابعو معنا القصه الكي نتعرف اكثر اليها احيانأ تكون المُعاناة فقط مُعاناة لا تجعلك أقوى ولا تقوم ببناء شخصيتك ولكن فقط ت...
