LOHIKA 4: I See Murders [COMPLETED]

Chapter XX - A Picture-Perfect Murder

"Are you looking for someone?"

Jiwon turned and saw Chantria's barbie-like face. Her perfectly-shaped brows complimented her emerald, doe eyes. Bagay na bagay rin ang pink lipstick nito na lalong nagpaputi sa kanyang mukha. Kasama ng magandang dalaga ang malapit na kaibigang si Devika. Jiwon received a genuine smile from her.

"Table six, lunch, don't be late," sabi ni Chantria bago siya binigyan ng isang tipid na ngiti at nagpatuloy sa paglalakad kasunod si Devika.

Muli siyang naiwan mag-isa sa harap ng AI. She wasn't surprised by Chantria's sudden lunch invitation. Ang totoo ay inaasahan na niya na una itong kikibo sa kanya at gagawa ng paraan upang mapalapit. She profiled her, enough to know na hindi tipo ng dalaga ang patagalin ang utang na loob sa ibang tao. Alam niyang nanaisin nitong gantihan ang ginawa niyang pagligtas sa buhay.

She maintained a straight face as she realized she had hit two birds with one stone. Ang Madhouse Invitation at si Chantria.

***

Top Vine Apartment Complex was located along the peaceful sea side of Consolacion. Every morning and late noon the sun would spread its light over that place, creating a majestic, golden sky. Ngunit nang umagang iyon ay hindi nagpasikat ang araw. Nagtago ito sa madilim na ulap na unti-unting bumabalot sa kabuuang Consolacion. Tila nakikiramay sa babaeng natagpuang wala ng buhay sa sarili niyang apartment.

"Carol Jose, female, thirty-five," bungad ni Jiho sa kadarating lang na kapitan ng Unit One.

"Carol? 'Yung singer na kumanta ng Magkita Tayo sa Kabilang Buhay?" Naroon ang gulat sa tono at ekspresyon sa mukha ng matandang kapitan. Naalala n'yang narinig pa niya ang hit single na iyon na kinakanta ng laseng nilang kapitbahay kagabi. Muntik pa s'yang mapaaway dahil sa pagkairita sa lakas ng volume ng videoke at paulit-ulit pa ang kanta.

"Yes, Kap. S'ya nga," kumpirmasyon ni Jiho. Sinamahan niya papasok sa loob ng apartment unit ang matanda at nagpatuloy, "A week ago ni-report s'yang missing ng kaibigan niya na si Hannah Sanchez."