-شفاطه محمد
-شفاطه اما تشفط اهلك اسمي شفا طه محمد.
نظر الممرض للفتاة التي يبدوا على ملامحها الغضب الشديد حمحم الممرض وقال بامتعاض:متأسف اتفضلي للدكتوره جوه.
نهضت شفا وهى تسحب أمامها الكرسي المتحرك التي تجلس عليها فتاه جمالها طبيعي وعادي ولكن ما يميزها هو نظراتها الهادئه البشوشه تجعلك تبتسم تلقائيا دخلت شفا عند الطبيبه.
الطبيبه عندما رأتهم ابتسمت وقالت بترحاب:يا أهلا بالإستاذه شفا.
شفا بابتسامه:ازيك يا زينب اومال فين دكتوره نانسي.
زينب:جايه حالا ثم نظرت للفتاه التي تجلس على الكرسي قالت زينب ضاحكه:جه اليوم اللي شوفتك فيه قاعده على الكرسي كنت طول عمرك بتتنطتي ومش بتريحي خالص يا استاذه موده من مسابقه لمسابقة.
ضحكت موده وقالت:في تحسن كبير ان شاءالله هرجع زي الاول وهقرفك انت بالذات يا زوزو.
زينب بضحك:وانا هكون اسعد واحده بالقرف ده.
جاءت نانسي وهى تتحدث:من غيررري.
شفا:اتأخرتي كده ليه؟
نانسي وهى تأخذ الكرسي التي تجلس عليه موده من شفا وتقول:كنت بغسل أيدي...عامله ايه دلوقتي يا موده؟
موده:صراحة حاسه براحه نفسيه من ساعه ما بدأت اتحرك واحده واحده امتى هيجي اليوم اللي هرجع أمشي فيه تاني.
نانسي:قريب ان شاء الله.
موده بتردد:صراحه عايزه أشيل الجبس ده الاسبوع اللي جاى.
صممت نانسي وهى تحاول أن تمرر الكلمه على عقلها:
افندم.
موده بتكرار:عايزه اشيل الجبس الاسبوع اللي جاى.
نانسي وهى تضع يدها على خصرها:ايوه دا اللي هو ازاى.
موده بملل:زى الناس يا نانسي لازم اسافر الاسبوع اللي جاى.
نانسي بصراخ:كمااان يعني عايزه تشليه وتسافري كمان لأ دا انت اكيد بتستهبلي شهر واحد بس مش عارفه تستحملي شهر واحد وبعدين هترجعي افضل من الاول لكن معلش مينفعش انك تشليه دلوقتي خالص كده انا هكون بخاطر بيكي انت مش عارفه حالتك كانت ازاى من تلات شهور دا انت كنت جايه مدمره أوتار ومسامير دا انت رجلك كانت هتتقطع خالص كنت هتخسريها يا متخلفه ودلوقتي بعد التعب والمجهود مش عارفه تستحملي شهر.
حاولت موده التحدث لتقاطعها نانسي بغضب:انسي.
نظرت لها موده ببرود ثم تحدثت بإصرار وعناد لا يليق إلا بها:اجيلك امتى تشليلي الجبس؟
أنت تقرأ
وَلِمَا الرفض
Misteri / Thrillerجميعنا في هذه الدنيا سنلتقي بشخص لا تنساه الذاكره، والعجيب أنه لن يكون لنا ..ستعجب به، سيكون به جميع المواصفات التي قد ناقشها قلبك في عقلك، سيكون أنت في مكان آخر، ستعيش معه حياه مختلفه، لن تقدر أن تقترب ولا أن تبتعد، هو مره صديقك، ومره أخرى غريبك، و...
