Part- 24
" ဒါ မင်းတို့၂ယောက်တည်းအတူနေရမယ့်အိမ်ပဲဥဒါန်း... "
အိမ်အသစ်ကြီးရှေ့ရောက်တာနဲ့ သာမဏိကိုစကားတစ်ခွန်းမှမပြောဘဲ ဥဒါန်းကိုသာဦးစားပေးစကားပြောနေခဲ့သူ ဒေါ်ငုဝါ...။
" ဟုတ်ကဲ့...ကြီးကြီး... "
တစ်ယောက်ကပြော တစ်ယောက်ကပြန်ဖြေနှင့်အလုပ်ဖြစ်နေသော ဒေါ်ငုဝါနှင့် ဥဒါန်းကိုကြည့်ကာ သာမဏိ မဲ့ပြုံးတစ်ချက်ပြုံးလိုက်မိသည်။
တစ်ရက်တစ်မနက်တည်းနဲ့ ဒီလို ဆက်ဆံရေးမျိုးဖြစ်သွားကြပုံထောက်ရင် မနေ့ညနေက ဥဒါန်းကို အခန်းတံခါးဖွင့်ပေးလိုက်တာလဲ သူ့ကြီးကြီးဒေါ်ငုဝါပဲနေမှာ...။
ဘယ်လိုတောင်အဆင်ပြေနေမှု့ကြီးလဲ... မဟုတ်မှ ဥဒါန်းထိန်သာကပဲ လူတွေရဲ့စိတ်ကိုညှို့ယူနိုင်နေတာလား...။ သူ့ကိုမချစ်တဲ့သူတွေကိုချစ်သွားအောင်လို့လေ...။
ဥဒါန်းမှာအဲ့ဒီလိုအစွမ်းမျိုးရှိနေခဲ့ရင်တောင် ဥဒါန်းမညို့နိုင်တဲ့သူတွေထဲမှာ သူကထိပ်ဆုံးကပါမည်ထင်သည်။
အခုချိန်ထိ မုန်းလို့ကိုမဝနိုင်တာ... ချစ်မိလာဖို့ဆိုအဝေးကြီးပဲ...။
" ကြီးကြီးလည်းနော် တူအရင်းနဲ့သူစိမ်းကို အမှတ်မှားနေပြီထင်တယ်...အဟင်း... "
အမြင်ကပ်စွာရွဲ့ပြောလိုက်မိခြင်း...။
ဒေါ်ငုဝါဂရုမစိုက်...။ ဥဒါန်းလက်ကိုသာဆွဲကာ သူကိုယ်တိုင်ဒီဇိုင်းဆွဲပြီးဆောက်ထားတဲ့ နန်းတော်ကြီးတမျှခန်းနားသော အိမ်ကြီးထဲသို့ခေါ်ဆောင်သွားခဲ့သည်။
" သူပြောတာတွေအာရုံစိုက်မနေနဲ့... ဒီအိမ်မှာရှိတဲ့အရာတွေ အခန်းတွေငါအကုန်လိုက်ပြပေးမယ်... သေချာမှတ်ထားပေါ့... "
" ဟုတ်... ဟုတ်ကဲ့ ကြီးကြီး... "
ဥဒါန်းဒေါ်ငုဝါလက်ထဲကမရုန်းရဲ... သူရုန်းလိုက်ရင်စိတ်ဆိုးသွားမှာလည်းစိုးသည် ထို့ကြောင့်ဒေါ်ငုဝါခေါ်ဆောင်ရာကို အလိုက်သင့်လေးလိုက်ပါလာခဲ့လိုက်သည်။ သိပ်မကြာလိုက် အားကစားပစ္စည်းတွေအစုံအလင်ရှိနေသည့်ခန်းမကြီးတစ်ခုအတွင်းသို့သူရောက်လာခဲ့သည်။
ESTÁS LEYENDO
ကြွေ...ရင်း (Completed)
Fantasíaတကယ်တော့ အချစ်ဆိုတာ... ခန့်မှန်းလို့မရတဲ့အရာပါပဲ...။ သူ့အပေါ်ချစ်မိသမျှ... ကြွေဆင်း... ကြွေရင်း... အကြိမ်ကြိမ်အခါခါသေရင်း...။
