" بسم الله الرحمٰـن الرحيم "
ـــــــــــــــــــــــــــــــــــــــ
فَي هَـٰذا ألمَكَان حَيثُ وَصايا ألرَسول
ستُفتح نوافذ ذٰلك البيت نافذةٌ تلو الأُخرىٰ ٫ اسرارٌ ٫ وحقائقُ مخفية ٫ هنا سوف نتحدث عـن قوة واتِحاد قوارير ال عُثمان .
ــــــــــــــــــــــــــــــــــــ
" المـشهـد الاول "
ــــــــــــــــــــــــــــــــــــــــــ
- ليمت ترجعين؟
- ياهو گالچ ارد ارجع؟
- بس غلط تضلين هنا !!
- ليش غلط بالله؟
- انــتِ اسكتي باچر اجيب ابوي يجي ياخذچ .
- افهمي أنـا ارد انتضرة يجوز يرجع؟
- بالله بلا هالكلاوات گال يرجع گال ٫ ارجعي لبيت اهلچ معززة مكرمة .
- واذا رجع وما لگاني؟!
- اذا رجع لكُل حادثٌ حديث ٫ بس هسة انــتِ ارجعي وياي ويصير خير .
- ضليت ساكتة ما عرفت ارد عليها وكلامة هـمَ بي وجهه نظر ...
ــــــــــــــــــــــــــــــــ
" المـشهـد الثـاني "
- چنت اغسل ؏ الحوض وسمعت صوت چيلات ثارن سرعان ما انطلق الصوت طلع ابوي ووراة بـان وهجران ٫ وصانة ما نطلع وطلع يركض طببت البنات جوة وضلينة وحدة تباوع للثانية ٫ ما اتحملت انتضر اكثر عدلت شيلتي وردت اطلع وركضت بان وراي .
- شهزنان هيدي لا تسويلنة مُصيبة .
- بس اشوف ابوي وين راح شصار علي .
- لا ابوي ولا شي اگعدي هسة يرجع ونشوف شصاير .
- فلتت روحي منها وطلعت اركض للشارع رحت علىٰ مصدر الصوت واتلفت منا ومنا ما حسيت الا ...
ــــــــــــــــــــــــــــــــــــــ
" مشـهد من عُمق المُنتصف "
- مُمكن أنـا مو الزوجة اللي راح تحققلك حلمك وتترسلك البيت اطفال ٫ فَ لا تحرم نفسك من هالشيء واذا تريد اتزوج ماعندي مُشكلة .
- افهميني أنـا اطفال ومن غيرچ ما اريدهُم ٫ يا منچ يا ما اريد أبداً .
- بـس ...
- لا بس ولا شي ٫ أنـا ظني بالله چبير وحاس هالظن ما راح يخيب والله راح يعوضنة عن ڪُلشـي بس ثقي ٫ وهالموضوع ما اريد ينفتح بعد خلص هاي هـيَ لهنا وينغلق .
- هاي هـيَ تمام .
ــــــــــــــــــــــــــــــــــــــــــــــــــ
هـا يبعدي ♥♥♥♥😔
رجعتلكُم بعد غياب طوووويل
وقُصة من الطُراز اللي يحبة گلبكُم هالمرة القُصة تختلف جذرياً عن اي قُصة كتبتها قصة ما مطروقة بيها هواية اشياء" قُصة تحمل في طياتها الكثير من العِبر والحكم "
شدوا حزاماتكُم هالمرة غيررررر
مبدئياً القُصة حبلش بيها بعد الامتِحانات ان شاء الله حتى ما اشلع گلبكُم واحمسكُم واسحب عليها .
الغلاف من تصميم مُبدعتي saja_husseiin
" قواريرٌ متينة "
بِـقلمي انـا :- زهـراء الـغـزي .
٢٠٢٤/١/٣
الأربِـعاءهـاية قناة التـلي، نتناقش بيها بخصوص القُصة ومواعيد التنـزيل 👇🏻
ـــــــــــــــــــــــــ
أنت تقرأ
قواريرٌ متينة
Random- تحمل أرق قلب تحيطه بسياج قوي بفكرها وصلابة مواقفها، هي صاحبة مبدأ تعيش عليه وتحارب من أجله، مرنة بثباتها وثقتها، تعرف نفسها وتسعى بدأب نحو الأفضل، متمكنة من قدراتها، تحمي قلبها وروحها بإيمانها بالله، وتحفظ جوارحها من الكيد والضغينة .