" بسـم الله الرحمـٰن الـرحـيـم "
قـواريرٌ مَـتينة
الكاتبة :-" زهراء الغزي "
ـــــــــــــــــــــــــــــــــ
شهـزِنان :- الـراح اسوي هـوَ آخـذ اخـواتي ونروح يم أُمـي، لان ما مستعدين نخسر وجودها بحياتنة اكثر من اللي خسرناة .
عُـثمان :- مُـستحيل، بألاحلام ما راح يصير هالشيء .
- انــتَ تشوفة مُستحيل بوية، بس انـا اگدر اسوي وبسرعة، بس انـا اجيتلك وحچيت وياك اريد نرجع مثل گـبُل ما اريد تخرب حياتنة بسبـب اشياء تافهة .
- شوفي بنيتي شغلة تروحن يم أُمـچن طلعيها من راسچ، خوش؟ وان شاءالله انـا افكر وادانش عقلي، وما يصير الا ڪل خير .
حَـب راسي وطـلع، وگعـدت مثل اللي مكتفة ايدي ومايگدر يتحرك، ما ادري شسوي، گـلت ما دام تانيت هالخمس سنوات خل اتاني هالشكم يوم بلكي يحن گـلبة ويرجعها لان صدگ حياتنة عـدم بعدهـا، وانـا حتى من گلتلـة آخـذ اخـواتي ونروح يم أُمـي ادري بروحي ما راح اسويها لان انـا هـمَ من سابع المستحيلات اعيش بدون ابوي، هـوَ مصدر قوتي، هـوَ السند اللي اتكي علي بوكت اللي الدنيا تميل وياي، ما اتخيل اعيش بدون ابوي وبدون تعزيزاتة الي، ما انسى بڪل شيء اسوي شلون يحسسني هـوَ مفتخر باللي اسوي ورافع راسة ووين ما گعـد يحچي بأفعالي، مُستحيل اعوف ڪلشي وراي وادير ظهري، بس هـمَ ما اگدر اعيش بدون أُمـي !
گـمت اشوف البنات واحچيلهن، شفتهن بالمطبخ هـجران تخبز، وبان ومَـيان يسون عشة، وگفت يمهـن وحچيتلهن ڪلشـي حچيتة لابوي، طفرت هجـران وگالت ..
- تخبلتي انــتِ؟، شنو تگليلة آخـذهن ونروح؟، حتى يگول يردن ينهزمن مني .
- عليچ بالله انــتِ شنو من عقل عنـدچ؟
أولاً احنة ما سوينها مجرد حچي حچيتة، ثانياً اكثر بشر يدري بية ابوي لو ما اريد اعيش هنا چان من زمـان رحت وجدامة هـمَ، بس هـوَ يدري ڪلش زين هالسوالف ما تخطر علىٰ بالي، وبما إنُ انـا مسؤولـة عنچن معناها انتن هـمَ ما تفكرن بهالشيء .
مَـيان :- اي ڪلش صح، احنة لو نريد چـان من زمان رحنة .
- بالضبـط، المُهم انتن ممنوع منعاً باتـاً تبوحن بأي شيء من اللي حچيناة، حتى لو ابوي قرر يجيب أُمـي خل يجيبها بعدهـا يدرون، سمعتن؟ حتى لا الحبايب يشتغلنا علىٰ البارد .
بـان :- ما فهمت شيسون يعني؟!
شهـزِنان :- يسون افعال قبيحة بقباحة ارواحهـن .
أنت تقرأ
قواريرٌ متينة
Random- تحمل أرق قلب تحيطه بسياج قوي بفكرها وصلابة مواقفها، هي صاحبة مبدأ تعيش عليه وتحارب من أجله، مرنة بثباتها وثقتها، تعرف نفسها وتسعى بدأب نحو الأفضل، متمكنة من قدراتها، تحمي قلبها وروحها بإيمانها بالله، وتحفظ جوارحها من الكيد والضغينة .
