خيبة امل

البارت الثاني

نفس، ببچيه: تقرب مني و راد يشگ الثوب الي چنت لابسته و ظليت اظرب بيه بس هو مثل الحايط ما يهمو
و حط راسه برگبتي و انه ايديه چنت اظرب بيه و ارتخن و و گعن على گزازه چبيرة و لمساته اتجرأت اكثر  😭😭😭
.
.
امي: حظنتيني و گامت تمسح على شعري و تگول يمه بعد عيني انتي كافي كافي انسي و لا تحچين
سهام: نفس خوماا🥺😳
.
.
نفس: مسحت دموعي و گلت: چان يمي خيارين
يا أما  اضعف و استسلم و اشوف دمي و يظل راسي بالگاع طول العمر هذا اذا خلوني عايشه . او .. او اشوف دمو و يضيع مستقبلي و تضيع كل احلامي
.
.
نفس: بهذيچ اللحظه ما تحملت ما تحملت فكرة امووت و انه عاار عليهم و سحبت الگزازه و بقوه حطيتها بنص گلبو و ظل يشاهگ فوگي فوگي و سمعت نفسو الاخير بأذاني 🥺 والله مچنت ناويه اقتلو بس هو هو اعتدى
.
.
شگد حاولت بس ما گدرت ابعدو عني غير بهاي الطريقة
بهذيج اللحظه كل جسمي دم بس الي خلاني افرح هذا
.
.
مو دمي دم هذاك الحقيير
سهام: حظنتني و گالت و هيه فرحانه والله مو انه جنت اعرفچ قويه و ما تستسلمين
.
.
امي : يمه رفعت راس انتي والله چاا ليش الحزن بعيونچ يووم هو اخذ جزاته على ايدچ هذا حق كل واحد ينتهك حرمة غيره
نفس: حظنتهن و گلت لو تدرين شسوو بيه اهلي او الي چان اسمهم اهلي
امي و سهام گالن بصدمه : چاا شنو سوو
امي : رفعتي راسهم هم ظل الهم عين يحچون بيها
.
.
نفس: بهذيج اللحظه الي ضربتو بيها بالگزازه بعدتو عني و ظليت صافنه عليه لحد ما مات و لمست رگبتو ماكو نبض و فجأة سمعت صوت سيارات الشرطه
.
.
و طلعت من باب الغرفه و انه ما بچيت دمعه وحده لگيت بوجهي رجال چبير  و اثنين يمه وهو چان عميد بالجيش اسموو علي
.
.
من شافني حسبالو انه المضروبه گلت الو و انه اضحك
نفس : كتلتو كتلتو بيديه
العميد علي: بنتي اهدأي اعرفج مصدومه بس گولي شبيچ شصاير معاج
.
.
نفس: هو انتبه على ثيابي مجرجره و مكشومه فتحت الحلگ و گبل نزع سترته و حطها عليه و سدها و گال للجنود طبو للغرفه الي انه چنت بيها
.
.
الجندي: سيدي الرجال مييت
نفس: بصيااح: لا تگول رجال لا تگول رجاااال هذا مو رجال فهمت گمت اصيح و اضرب حظني العميد و گالي العميد علي: بنتي اهدئي اهدئي الحقير هذا مو رجال .تمام
.
نفس: بعد ما هدئت و اخذو الجثه و اخذوني على القسم مال الشرطة
گبل اخذو افادتي گلت الهم كل شي صار معاي بالحرف الواحد سئلوني اذا اغتصبني و گلت الهم لا ما صدگو لاني چنت بسن ال 17 وگالو احتمال متوهمه من الصدمه نادو عمي 😭😭
.
.
سهام: شسوا عمج اهدي و كملي الله يخليچ
نفس: سكتت شويه لاني حسيت گلبي يريد يطگ اختنگت كلش. و گلت: تبرأ مني يکول احنه سوينه فاتحتها هاي مو بنتنه العميد گالو انو انه كتلت الي چان يريد يغتصبني .
.
.
بس هو ما اقتنع و لا اخوتي كلهم محد صدگني و ابن عمي گايل الهم انه رحت بأرادتي و خاب املي بيهم كلهم كلهم رخصوني و گالو چذابه بس العميد علي .صدگني و بعدها بساعتين من المحاولات باقناع عمي
.
يرجعني معا و لج مچان يقبل ارجع تصدگين هذا الشي
بعدها الجندي گال
الحندي: العفو سيدي ممكن انطي رأيي ولو مالي حق
العميد علي: اي تفضل ابني
.
.
الجندي: انه اسف بس انتو لزوم تصدگون بنتكم وهيه بعدها صغيرة مو من صالحها تكذب عليكم وانه اگولن لو تاخذوها لدكتورة هم تتطمنون على صحتها هم تتأكدون انها بنت
.
.
نفس، ببچيه : بهذيچ اللحظه تمنيت لو ميته لو كاتله روحي ولا هيجي يصير الناس تترجا بيهم على مود بس ياخذني مع اخوتي العجز و قلة الحيلة وخيبة الامل الي حسيت بيهم بهذاك اليوم لحد هسه مجاي اگدر انساهم
.
.
چذبوني بالرغم من انو چتلت نفس على ايدي على مود احمي اسمهم و سمعتهم و بهذاك العمر الي چان المفروض ما اعرف اي شي من هاي الاشياء بيه
امي،، ببچيه: يمه الله يعين گلبج حبيبه
.
.
سهام: والله الي صار معاچ ما ادري شلون تحملتيه
نفس: الي صار معاي چان بداية لكل الاحزان الي راح تصير بعد ما حچه الجندي،
العميد گال :ولو ما يصير الي جاي تسوونه بنتكم و هيه بهالعمر دافعت عن نفسها و قتلت ذاك الخسيس الي
.
.
چان سبب باغتصاب اكثر من 14 بنت و هيه الوحيدة الي گدرت تدافع عن نفسها جانت اصغر وحده بيهن عمرها 22 اما بنتكم 17 بالرغم من كل هذا البنات المغتصبات اهلهن و كفو معاهن على مود بس ينسوهن الي صار و انتو جاي تتبرون منها والله لو اگدر اتبنى هاي البنت چان تبنيتها 😠😠
.
.
بعد حچي العميد اخذوني للدكتورة فحصتني و طلعت لسعني بنت و القاضي فرح كلش بيه و سجلها دفاع عن النفس و بعد التحقيق لگو بهذاك البيت فيديوهات الحقير چان يصور كل البنات الي يغتصبهن
.
.
بس الفيديو مالي شلون بعدتو عني و قتلتو خلا القضيه تنسد مباشرة لان چان كل شي مبين شلون ابتعدت و مافاد بس كل هذا ما غيرهم عليه و لا خلاهم يرحمون بحالي بالعكس
.
.
بعدها بشي شهر جوزوني لواحد غصب عقد محكمه ما سوه لان القاضي خلاهم يكتبون تعهد ما يجبروني ولا يضربونبس ما فاد رحت لبيتو و جان يوميه يصحيني بدفرة  و امو اخواتي بس يگولن سولفت شي يكتلني الحمدلله ما تقرب مني لانه چان يقرف مني
.
.
فرحت كلش بس فوگ كل الضيم و الالم الي تحملتو و الضرب امو و اختو حطني بالمطبخ مع اخوه حتى يعتدي عليه و ظليت احاول ابعدو هم ما ابتعد چانت عيني على السچين بس تعوذت الشيطان گلت خوما كل من يجي يمي اكتلو
.
.
بس هو ما ابتعد و سحبتها و ...
سهام,بشهگه: يااا خو ما قتلتيه هم
امي: يا گلبي بس لا ....
نفس: ابتسمت و گلت لا جانت مجرد طعنه گمت اعرف وين اضرب 😅
.
.
سهام و امي: والله كفو منج 🙂🙂
سهام: اييي وشصار بعدين
نفس، جريت حسرة و گلت: بعدها اجه زوجي المصون
.
.
و ضربني راشديين بعد تعودت صارن زلاطه يمي
و الله خلاه يطلگني ب 3 و چان يرفع ايدو حتى يضربني و چلبت بأيدو و گلت
.
.
نفس: شنو. شتريد
زوج نفس: وچ ابعدي خليني اموتچ زولي ايدچ
نفس ، بضحكه: بعد انته مالك حق تضربني انه صرت مو مرتك 🙂🙂
سهام: والله العظيم انتي تستاهلين بوسه على هالقوة الي يمچ شو تعاي😅😅
.
.
نفس: باستني من خدي قوي و گالت يلا كملي
ايييه وين وصلت
سهام: من گضبتي ايده حتى لا يضربچ
.
.
نفس : اي بعدها لميت هدومي لاني چنت عايشه بالمخزن و اخذتهن و طلعت رحت عليهم و رادو يرجعوني عليه و اجو حتى يتفاهمون مع بالرغم من انو
.
.
حچيت الهم كل الي صار بس هم ما صدگوني بعد صارت عاده بيهم ظل اخويه محمد  يمي وانه عندي رقم العميد علي و هو. گالي ايمت ما تحتاجيني بس رمشي راح اجاوب دگيت عليه و رحنه انه و اخوي لانه شويه منكسر عليه عكس هذاك الچبير احمد
.
.
ظليت يمو يومين و حتى ولدو طلعهم من البيت على مود عمامي ما يلگون عليه حجه لاني قررت ارفع عليهم قضية حتى اتبرأ منهم
سهام: يوووم من اگلول لكم قويه بس ما تصدگوني
.
.
امي: بعد عيني بنيتي والله
نفس، ابتسمت : و گلت اييه وصار وقت المحكمه و
القاضي يعرفني و من شافني گال
.
.
القاضي: هاا بنيتي شنو جيتچ هنا اليوم
نفس: يا حضرة القاضي انه مليت منهم و حچيت اله كل الي صار معاي و گالي
القاضي : بس احنه چنه ندز عليچ لجنه حتى تشوفچ مرتاحه او لا چانو يگولون انتي جاي تتونسين يم خوالچ او اعمامچ
.
.
نفس: انه خوال ما يمي اصلا و همه زوجوني عقد لواحد غصب عني من خلصت السالفه
بعدها القاضي حكم الي لانهم اتهموني بشرفي مرة
.
.
أخرى گدام القاضي و انطاني ورثي بالكامل و هم خلاهم يدفعون حگ انتهاكهم لعرضي و السب و القذف
للعميد لانهم كالو هاي مع واحد من ولده مگوده
.
.
سهاام: يااا والعميد شگال
نفس: العميد طول الفترة الي گعدت بيها يمه و الي صارت تقريبا شهر چان ما يخلي احد من اولاده يطب البيت و دزهم على عمهم و ما يظل بالبيت غير انه و
.
.
زوجته و بناته ال2 حتى ابنه المتزوج يخلي يم عمو و بعد ما سمعو الشهود كتبو عدم تعرض اليه و اسافر براحتي لاي مكان اريده بس انه اكتفيت بعيشتي بغداد و من يومها و انه ساكنه بوحدي بشقه هنا اشتريته من الورث الي صار من حقي
.
.عمر: بيوم چنت امشي مع صديق اليه چان اكو اوراق بالجامعه نقص يمنه و رحنه ناخذهن و شفت بنت تشبه اخيتي هاله بالضبط و كأنها التؤم مالها بس الفرق بينهن كم شهر حتى العمر نفسه
.
.
انه ما صحيت على نفسي و كل ظني هذي اخيتي الي راحت من ايدي و صار الي صار بس بعدها استوعبت الموضوع و طلبت منها نتعرف عليها و نظل نتراجع
و هيه فكرت و قبلت بهذا الشي چنت دائما احس
.
.
عيونها حزينه و سألت عليه بالجامعه يگولون ما عدها اي صداقه لا بنت و لا ولد و بصراحه استغربت من هذا الشي  يعني البنات بهالعمر يكونن عدهن على القليله 40 صديقه بس نفس ما يمها احد و كل ما نسألها انه او سهام عيونها تمتلي دموع و تغير الموضوع و ما تحچي
.
.
لحد ما بيوم بعد شي 4 اشهر من معرفتنه الها و هيه صارت وحده منه و بينه اعتبرناها مثل هاله بالضبط
رجعنه انه و ابوي من وقت من الشركه و سمعناها
.تحاول تحچي عن قصتها چان ظهرها منطيته للباب
.
.
ومشافتنه ابوي راد يحچي حتى ما تنحرج منه و تسكت  بس انه ما خليته چنت اريدن اعرف هالغموض البيها و الحزن الي بعيونها شنو اسبابهن
.
.
بعدها گامت حتى تغسل وجها الي چان مليان حزن و قهر و دموع وشافتنه واگفين بالباب الي سمعته منها خلاني انقهر و حتى گمت ابچي بدموع صامته و من شافتنه فتحت الها ايديه و چان......
.
.
.
يتبع........