الكتابة نور محمد...
Noor222233#خيبة_امل
الكتابة نور محمد...#البارت6
.
.
نفس: عمو انته مو گلت ما يمك احد
علي: اي بنيتي ماكو احد غريب هذا اسد ابني
نفس،بصدمه: ابنكككك😳🤦
أسد: 🤨اي انه ابنه بس انتي شنو موقعچ من الاعراب ما اعرف
.
.
.
علي بضحكه: اسد ابني شجاي تحچي عيب هاي بنتنه اكثر منكم
سهيلة: والله يا نفوسه احبنچ و اعزنچ اكثر من بناتي
نفس: الله يخليكم ليه يارب
اسد: هاي شني شو تبريتو منا بلحظه
.
.
علي: فوت ابني خوما نظل بالباب واگفين😂
اسد، بضحكه: ماكو طبه.لحد ما اعرفن السالفه شني
نفس, بتوتر: چاا اذا هيچ انه ارجعن احسن
اسد: لا يمعودة شو صدگتي دا اتشاقه تفضلو تفضلو
.
.
نفس: بعد الي صار ظليت گاعده و حاظنتني خاله سهيله بعدها اسد گال
اسد،بضحكه: يووم مو ترا خنگتيها خليها ترتاح شويه😂
.
.
علي: اي والله چاا هو الحب اذا يخنگ شو ما خنگتيني
سهيلة: ياا هاي بنيتي ولك مشتاگه الها گد رحمة الله لا تتدخلون انتو😂
.
.
نفس : انه گاعده و فارطه ضحك عليهم بس بالاخير گلت' اسفه يوم بس لزوم اروحن اصلي اذا تسمحين😂
سهيلة: اي يمه امشي اروحن معاچ هم ارتب الغرفه و هم اصلي معاچ
نفس: تمام امشي ماما🙂 باستني و گالت
.
.
سهيله: وعلي مشتاگه لماما من هالحلگ الحلو چنه فستقه
اسد: اباوع الها شلون حچيها هادئ و خجوله عكس .
.
.
جعفر الي طلع بوجهي😂و ابتسامتها شلت حالي شل و انوبه تگول الها امي الحلگ فستقه و تبوس بيها و تحظن احسن ناار و شبت بيه تعوذت الشيطان شمالك اسد حتى ولا حلوة 😌بس العيون وساع و
.
.
.
بلون الگهوة و الوجه ابيض مثل الگيمر و الشامات يابووووي على الشامات ماخذات موقع خرافي دوخني و الشفه تموت وعلي 🤤هي هي اسد وين وصلت ولك انته مستحيل تحب من جديد كافي ولك
راحن يصلن باوعت على ابويه و گلت
.
.
اسد،بحدة:نخلص صلاة ولزوم اعرفن السالفه شني
علي: السالفه مو يمي بايد البنية واذا انته ماشاءالله من أول يوم تعاملك هيچ معاها ما اظن تقبل احد يحچي الك
.
.
اسد، بعصبيه: بوويه شنو انه طفل و ما تحچي الي اريدن اعرف شنو الي رابطكم
علي: خلينه نگوم نصلي احسن
.
.
نفس؛ خلصنه صلاة و انطتني غرفه حلوة كلش مبين مالت وحده لسعها صغيرة سألتها و گالت
سهيلة: هاي الغرفه لورد اخت اسد يحبها اكثر من روحه و يخاف عليها من الهوا و چانت اغلب مشاكله گبل لخاطر عيونها
.
.
نفس: استغربت وين اكو اخ يحب اخته هيچ بس ما سألتها اكثر بدلت و لبست جينز عريض و مريح و فوگه تيشيرت شويه ضيگ لونهن ازرگ و لبست شال سمائي
و نزلت للمطبخ و ساعدت خاله سهيله بصب الغدا
.
.
چانت مسويه قوزي وانه ما احبه ومن عرفانه انه الي راح اجي مسويه كبه لسعها مثل گبل الشي الي ما احبه تسوي غيره لخاطري
.
.
المهم چنه نتغدا و گال عمو علي
علي: بنتي لسه ما تاكلين القوزي
نفس: اييه عمو و ما اظن تتصلح علاقتي بيه😂
.
.
.
اسد: چااا منو الي يگدر ما يحب القوزي
نفس: انه🙂
سهيلة : اي ماكا مبين من شكلچ بعدچ مخسبگه شني لا لحمه لا شي
نفس,بخجل: ياا خاله كافي ☺️
.
.
علي: اي بنيتي شلون تعرفتي على ابو عمر
نفس: والله القصة طويله عمو اسوي الچاي و بعيوني احچيها🙂
اسد: لا بلسانچ احچيها حتى نفهم😂😂
سهيله، بضحكه: يوليدي شمالك ويا البنيه😂
.
.
نفس؛ هههههههههه والله ضحكتني يالعصبي ما بعمري احد محشش على كلامي 😂
اسد: يا ويللللي على الضحكه تموت وعلي 🤤: وليش بالله خايفين منچ مثلا
.
.
نفس: ما ادري ليش ضحكت يجوز لان هاي اول مرة احد ما يهتم لمركزي و لا لقوتي الخارجيه صفنت بعيونه و لاول مرة حسيت گلبي ينبض مو خوف و لا حزن لاا ينبض حبا حسيت بالامان بالرغم من الخوف
.
.
الي حسيته الصبح منه فركت عيوني حتى ابطل هالتفكير لان الي سوا الصبح لهسه ما ناسيته
خلصنه غدا و حطيت الچاي على النار و بديت اغسل مواعين چانن قليلات اجت خاله سهيله و زعلت لاني غسلتهن و ساعدتني و رحنه للصاله و بديت احچي
.
.
.
لعمو علي شلون تعرفت على عمر و اهله و مرات اباوع لاسد مركز تركيز فضيع معاي و مع كل كلمه احچيها و كأنه يريد يعرف شي بس ما جبت طاري احد من الماضي و گال اسد
.
.
أسد: يعني انتي ساكنه يمهم و اهلچ وين لعد؟؟
علي: ابني اس...
توترت وگبل لا يكمل عمو قاطعته و گلت
نفس، بحزن: ماتوو
أسد: اسف يعني مچنت اعرف
.
.
نفس: لا عادي
اسد: بس مع ذلك عمام خوال ماكو يمچ حتى تگعدين يم غرب
نفس: مگطوعه من شجرة وبعدين انه يمي بيتي
.
.
الخاص بيه بس اروحن الهم لاني احبهم اكثر من اهلي وهم يحبوني
علي: ابني شلك بهالاسئله ترا البنية ماهي معتقله يمك
.
.
.
أسد: ههههه اعذرني بويه بس صرت اعرف المجرمين
و احاسب الكل مثلهم
نفس: من گال هيچ اختنگت و شرگت بالچاي و حسيت انه يعرف اي يعرف بس منو گاله معقوله ابوه يجوز
.
.
اسد: ظلت بگلبي سالفتها هيه سوت چاي و اجت تحچي لابوي عن تعرفها على عمر و اهله وانه اشتعلت نار من گالت شلون حظنها عمر بس ارد و اگول انه شنو دخلني و هنه كلهن متشابهات امهات السحورة😂🤦
.
.
سألتها عن اهلها و حسيت بتوترها و اجاباتها القصيرة بس اشو من گلت لابوي اني گمت اعامل الناس مثل المجرمين شرگت و نوت تختنگ طفرت انه عليها و
.
.
شربتها ماي و هي عيونها البنيه دمعت وحسيت بلمعتهن و صفنت بيها هاي عدسات لو من صدگ عيونها چان بعيونها حزن و الم الدنيا كلها وهذا الشي زاد غموضها عندي
.
.
نفس: بعد الي صار ما گدرت اظلن گاعده بس وين اروح بالنهايه الدنيا لسعها ب2 الظهر ما راح يسمحون لي بالروحه دگت عليه سهام
نفس: من رخصتكم شويه
.
.
.
الكل: مرخوصه
نفس: الو سهام شلونچ
سهام: انه زينه بس انتي شلونچ احسچ مو على بعضچ
نفس،بخنگه:ما بيه ايي شلونكم امي شلونها
.
.
سهام: ولو ما مقتنعه بجوابچ بس يلا من تجين اخذچ استجواب😂
نفس :ههههه اي تمام لعد لا تسأليني هسه
.
.
سهام : والله ما اگدر ظلت بگلبي شني سالفة العميد
نفس:حچيت الها شلون التقينا مع العميد و گالت
سهام: بس انتي گلتي بحفلة تخرجچ اجه و احنه چنه هناك شلون ما عرفنا
.
.
نفس: ولچ مو ما عرفتو هو اصلا للقاعه ما دخل مجرد سلم عليه و انطاني هديتي و راح و انتو چنتو جوا
سهام: اهاا مو انه حچيت لعمر يگول لي متوهمه لو جاي چان عرفناه
.
.
نفس: خلصت مكالمتي مع سهام وطبعا ما خلت من الضحك و الشقه شگد احبنها بوجودها و خوفها عليه احسن يمي اخت و صديقه و ما احتاج احد
رجعت للصاله لگيت المتعجرف مو هنا صار المغرب
.
.
واحنه كاعدين نحچي و نسولف مع بعض و چان يحاچيني واحد من الشغل نسيت اكول الكم انه رئيست قسم الجراحين بمستشفى...... فه اتصل عليه و گال اكو
.
.
اوراق لزوم اوقعها ضروري حتى تمشي العملية و من گلت ما اگدر اجي هو گال انه اجي دزيت اله الموقع وقبل لا يجي اجه المتعجرف,😒 و گعد بالحديقة و جان يخابرني الولد و رحت برا بسرعه حتى اشوفه
.
.
أسد: بعد ما غصت حسيتها تحولت لكتلة حزن شگد حاولت اخفف.من التوتر الي صار بس ما گدرت,,اجاها اتصال و طلعت و انه اتصل بيه صديقي چنت احاول اسأل ابوي بس ما ينطي جواب مباشر اعرفه من يريد
.
.
يتخطى الموضوع دائما هيچ يسوي المهم طلعت مع صديقي رجعت ب6 للبيت جنت بالحديقة اتصفح بالفيس و جان اشوفنها تمشي بسرعه و گبل ما تطلع عدلت شالها و طلعت ظليت گاعد شويه و بعدها سمعت
.
.
صوتها صار عالي تمشيت بأتجاها و صار كلامها واضح و سمعتها تگول
نفس، بعصبيه: شنو تستغبيني انته هااا😠😠
.
.
الولد: بس دكتورة مو ...
نفس: ولا كلمه الي اگوله يصير انته منو و تلعب هيچ من وراي😠
.
.
الولد: اي بس دكتور سامي گال
نفس: بببس منو المدير انه لو سامي هااا😒😠
شوف هاي اخر مرة تلعب هيج من ورايه هسه هسه تروح تصلح عملتك هاي ولا والله ما تظل بالمستشفى و بعد تحلم تكون بيها
.
.
.الولد: انه ما سويت غير الي انطلب مني
نفس: وتضيع حياة الناس من ينطلب منك هم تقبل هاا تقبل 😠😠
.
.اسد: ما تدخلت بس حيل تعصبت هاي نبرتها و قوتها انه ظابط ما اسوي سواتها شلون متصلطه هاي بس دخلت هيه چانت عاگده حواجبها و انه شفت الرجال چبير و هيه زعطوطه ترزل بيه گلت الها
.
.
اسد، بعصبيه: ولچ انتي شصلافتچ هااا
نفس، بحده: ابعد عني ترى مالي خلگك بعد 😒😠
اسد: جريتها من زندها و گلت هاي صلافتچ ما تمشي عليه رجال بعمر ابوچ و هيچ تهيني شلووون شنو هالجرأة 😡😡
.
.
نفس: من عصر زندي متت من الخوف اي الخوف انه بهذي اللحظه تخيلتو هذاك الحقير ما وعيت على نفسي و ما عرفت شنو احچي و يبعد عني تهسترت و بس اصيح اترك ايدي اترك ايدي و حاولت امنع دمعتي ما تنزل بس نزلت اجه عمو علي و من شاف اسد گاضب
.
.
ايدي صااح بيه و بعد عني اسد و انه گمت ارجف رحت ركض لغرفتي حتى ما فهمت شنو چانو يحچون رحت حظنت مخدتي و ظليت ابچي حسيت اليوم ما راح ينتهي على خير حيل خايفه و الرجفه ما زالت من گلبي
.
.
.
اسد: چنت اصيح عليها و البنت القويه گبالي انهارت و نزلت دمعتها استغربت من نفسي لهدرجه و جعت ايدها و اجه ابويه و ظل يحچي عليه حتى محاول يفهم
.
.
الموضوع و چان الخوف مبين بعيونه عليها هديت ايدها و راحت تركض يمكن للغرفه مالتها انه من هديت حسيت اني غلطت بحگها لو مهما يكون انه شنو دخلني .
.
.
.
بيها اوووف هذي ثاني مرة اتجاوز عليها شمالي انه و گلبي گام يوجعني من شفت دمعاتها بسببي اي بسببي الصبح قاومت البچي گبالي بس هسه نزلت دمعتها
ابوي سألني عن السبب و حچيت اله و گال هيه تعرف تتصرف مالك حق تتدخل بيها
.
.
.
.
صار العشا و هيه ما قبلت تنزل و هنا ظليت الومن بنفسي اااه يا نفس يومين بس يومين لعبتي بحالي الأول من شفتچ بالطيارة و هسه الثاني بعد شنو ضام قدرنه يا ترى صارت ب11 ونص چنه گاعدين و الكل زعلان ما نحچي مجرد نباوع لبعض وسمعناا......
.
.يتبع
الكتابة نور محمد...ابقَى وياي ڪَلش مو قَوي بلياك .💔
.
.
يُعانقني الألم بشدة كصديقٍ قديم.😞💔
أنت تقرأ
خيبة امل
Romanceالقصه تتحدث عن فتاة تتعرض لخيبة الامل من اقرب الاشخاص لها و عجزها في الدفاع عن صدقها مما يحطم قلبها الصغير في اول ايامه ليغلق ابوابه على نفسه في تلك الغرفة المظلمه التي تتكون من اضلعها فتخبئ تلك الجروح التي لا زالت تنزف و كأنها للتو بدأت ولكن هناك...