الكاتبة نور محمد...
خيبة امل..
البارت 1"
نفس:مرحبا انه اسمي نفس ماما سمتني بهذا الاسم لاني من اجيت للدنيا ما تنفست لمدة 7 دقايق و الكل استغربو من شهگت نفس بقوة بعد ما گالو ماتت
طولي 160 وزني51 و شعري بني و عيوني بنيات مثل
لون الخشب و مبين من بعيد و بشرتي بيضه بس مو هواي يعني بس لان اهتميت بنفسي كلش و خاصة وقت الجامعه حسيت تغير لون بشرتي
التعريف مو هسه بعدين تعرفون ...
.
.
.....قبل 7 سنوات ......
.
.
چنت مرحلة ثانيه امشي بسرعه و اريد اروح الحگ بالمحاظرة هاي المحاظرة مثل الارشاد لجميع الطلاب بكل المراحل و بيها هواي دكاترة واصلين و اتمنى بس اشوف واحد منهم بكلية الطب العام
گبل ما اطب الجامعه سمعت شخص ينادي هاله هاله و انه ما اهتميت و شويه و انسحبت ايدي بقوة باوعت لهذا الشخص و انه احاول اسحب ايدي منه اشو هذا جرني عليه بقوة و حضني و دموعه يجرن انه اخاف
من هيچ مواقف بحكم ماضيي فه هو حاوطني بأيديه وانه صرخت و سحبت نفسي منه و ضربته راشدي وهو وگع بالگاع حتى انه تفاجأة بقوة ايدي هههه
الولد گرفص على روحه و كام يبچي و انه احتاريت .
هذا ليش يبچي معقولة من الراشدي چنت افكر و الكل واگف و مصدوم من الموقف و اجه ولد يركض و يصيح الولد: خيتي اسف اسف ،،اشو الولد باوع عليه و هم انصدم و گتلو بعصبيه
نفس: شنوووو شفت جني !! ما تگول لي شبيكم انتَ و صاحبك تخببببلتووا عليه
الولد: اسف خيتي والله اسف بس الافضل عمر يحچي الچ
نفس: ظليت اباوع لهذا فاقد من البچي و انكسر گلبي عليه و هو يصيح هاله هاله بعدها هدأ شويه و عزمني على كافتريا حتى يحچي لي القصه انه خفت و گلت
بگلبي هو انه بنص الجامعه و حضني لعد اذا اطلع معا شيخلصني منه اعتذرت منه و هو كال لعد نگعد بالحديقة رحنه للحديقة و جان يگول و هو يبچي
عمر، بحزن: تشبيهيها بالضبط
نفس, بأستغراب: مني هي ؟؟
عمر،ببچيه: اختي هاله
نفس: انكسر گلبي عليه لانه مشبه عليه گلت يجوز شبه
بسيط بس هو شوفني صور الها معا و مع مريه چبيرة
يعني لو ما متأكدة من نفسي چان گلت هاي انه الفرق
بس لون شعرها اسود و عيونها عسليات مو مثل عيوني و انه عندي شامه يم شفتي الجوا من جهة اليسار
و شامه اخرى يم خدي اليسار صايرات كبار شويه و هيَ ما يمها انه فتحت عيوني على كبرهن و عطفت على حالته بعد اكثر، شگد يحب اخته اوووف تذكرت اخوتي شگد يكرهوني و زعلت . چان يگول و هو عيونه ما بطلن دموع
أنت تقرأ
خيبة امل
Roman d'amourالقصه تتحدث عن فتاة تتعرض لخيبة الامل من اقرب الاشخاص لها و عجزها في الدفاع عن صدقها مما يحطم قلبها الصغير في اول ايامه ليغلق ابوابه على نفسه في تلك الغرفة المظلمه التي تتكون من اضلعها فتخبئ تلك الجروح التي لا زالت تنزف و كأنها للتو بدأت ولكن هناك...
