معلمات في سن المراهقه🔞..

Part10

اخذتهم السوالف وسالفه ورا سالفه لين طلعت الشمس
رشاش : ياااووك الشمس مسرعها
مصلح : اي مسرعها من اليوم وحنا نسولف
رشاش : انا بروح اشوف شذى كان نامت بشيلها وابيك تفتح خيمه البنات
مصلح : خلنا نتبادل
رشاش : دز بس
راح رشاش يشيك عليها حصلها نايمة
شال عنها البطانيه الا وتصحى مفجوعه
رشاش : بسمالله عليك شفيك يالمقروصه؟
شذى : فجعتني ، كم الساعه
رشاش : حول ٤-٥
صحت شذى وراحت لخيمتها ونامت ومصلح ورشاش رجعو يسولفون وصحى عمر وجلس يسولف معهم
رشاش : اذا هدت الاوضاع بنروح نخطف لنا وحده
عمر : ليه تبي تكملهم عشرة؟
رشاش : لا بنروح نجيب خالة البنات اسبوع ونرجعها او اننا نكلم رجالها يجيبها كل اسبوع يومين عشان البنات
مصلح : وانت ليش مهتم
رشاش : كسرو خاطري اليوم لو تشوف حالتهم بذات لمى الي خافت على اختها وتبكي تقولها انتي الي بقيتي لي من امي ، البنات مالهن احد غير خالتهن ورجالها
مصلح : البنات يدرن؟
رشاش : عن وش
مصلح : انك بتجيب خالتهن
رشاش : لا جتني شذى اليوم تقول تبي تروح لها كم يوم وعييت مبيهم يدرون بشي
عمر : والثانيات؟
رشاش : بيجلسون ماحنا مسوين شي
عمر : ليش
رشاش : يقولن مالهن ذنب مانبي نصير زي امهن
مصلح : طيبة الارض حلت في وقت صح
مر الوقت وصحو كلهم وسوو غدا وتغدو
*الساعه (3:47)*
رشاش : شذى  قومي اركبي السياره
شذى : ليش
رشاش : فيه مشوار مستعجل ابيك تجين معي
ركبو السياره ومشو
شذى : وين موديني!؟
رشاش بخباثه : اسمعي انا طفشت من هالحياة
شذى : نعم !! نزلني وراي حياه اعيشها مبي اموت
رشاش : امزح امزح 😂 تعرفين موقع بيت خالتك
شذى : بنروح لها!
رشاش : ايه بتروحين تتفاهمين مع عمك زي الناس العاقله وانا جنبك ان صار شي ولاشي
مر الوقت ووصلو للبيت
رشاش : طقي الباب
شذى : خايفه
رشاش : خايفه من وش طقي الباب ومعليك انا معك
*كانت لابسه كمام*
*صوت جرس*
عادل : يلا جاي ، من انتم
رشاش : قبل لاتعرف من حنا فيه موضوع مهم مره ولازم نتكلم فيه
عادل : حياكم ادخلو
رشاش : تعرف تؤام اساميهم شذى و ولمى
دمعت عيون عادل وقال : ايه اعرفهم بناتي💔
*كانت شذى متغيره 180 درجه عن اخر مره شافوها عشان كذا ماعرفها*
عورها قلبها لما شافت دموعه وقال بناتي بنبره مكسوره وكانت بتقوم تحضنه بس مسكها رشاش
رشاش : بناتك؟ وينهن الحين بناتك؟
عادل : اخخ وانا عمك بناتي سودو وجهي قدم الخلق
رشاش : ليش عسى ماشر
عادل : طلعو يتعاطون ولو المدرسه ماقفطتهن كان ودونا فداهيه
منيرة : من جاء؟
رشاش بينه وبين شذى : قومي ادخلي لخالتك وخليها تشوفك
شذى : طيب
منيرة : هلا هلا تو مانور البيت بضيفتنا
شذى وجهها احمر من الكتمان : انا ضيفه؟
منيرة : ايه يابنيتي ، سلامتك عسى ماشر ليش تبكين
شذى : انا ضيفه يا امي؟
منيرة : يا امي؟
شذى : لهدرجه شكلي متغير معاد عرفتي بنت اختك شذى؟
صرخت منيره بأعلى صوت وهي تبكي من الفرحه
منيرة بحرقه : هلا بالغاليه بنت الغالية
شذى : ليش معاد سئلتي عنا انا ولمى ؟ ليش عفتونا وحنا مالنا ذنب ليش ياريحه امي
منيرة : والله ماعفتك بس شسوي من طلعتو من هالبيت وحنا مثل المجنه زينه البيت راحت وزينه حياتي راحت وادري انكم مالكم دخل بالحبوب وانه تبلي وكذب بس عمك مو راضي يصدق والله انه كل يوم مع صلاة الفجر يبكي بكى مايعلم فيه الا رب العالمين من كثر ماهو مشتاق لكم وين اختك يروحي
شذى : تركتها عند حبيب القلب حقها
منيرة : ياحيلها صارت تحب
شذى : ايه لو تشوفينهم كنهم عصافير
*فنفس الوقت ف الحوش*
عادل : ابي اعرف انت من ومن البنت الي دخلت
رشاش : خلني اخلص كلامي الحين بعدين انت بتعرف بنفسك ، طيب تعرف من يحميهن من يوكلهن ويشربهن ويصرف عليهن ولا لا هاملهن ثم تقول بناتي
عادل : لا واحر ماعلى قلبي اعرف اليوم قبل بكره
رشاش : ا.... ( كان بيقول انا )
قاطعه صوت الصرخه
فز عادل يبي يشوف وش فيه بس مسكه رشاش
عادل : الحريم !!!
رشاش : اقعد اقعد مابهم بلا ، انت عارف ان شذى هي الي تصرف وتكرف واكله تبن من الحياه عشان تجمع كم ريال تسدد فيه فواتيرها وتلبس وتعيش هي واختها وما يحتاجون لحد ومع ذالك احتاجو ومن شدة الفقر الي جاهم هي واختها والي عايشين معها راحو يبيعون اساورهم وخواتمهم وبعد احتاجو لين حدهم الفقر يشتغلن شغالات فبيوت الخلق وليته مبلغ يستاهل ( يقصد بيته ) بيت ثلاث ادوار وسطح وست غرف و٨ حمامات (وانتم بكرامة )ومستودع ومطبخ كبير وصاله كبيره ومجلسين كبار وحوش واسع نضفوه بـ 150 ريال بس
كان كلام رشاش مثل السم على عادل وكان يسمعه وهو يبكي بحرقه عليهن
رشاش : ضلمتهن فبل لاتسمعن ولا تخليهن يبررن لك حتى وللحين تسميهن بناتك؟
عادل : شسوي انا لما قالو لي انهم لقو بملابسهم حبوب ماتحملت وطردتهم
رشاش : طيب تدري ان الحبوب حقت وحده وحاطتها في ملابسها عشان تنتقم منهم عشانها تكره امهم ؟ تدري انهم دخلو السجن وطاحو بيد واحد حارمهم الاكل ويجلدهم يومياً اسبوع كامل
عادل وهو منفجر بكى : امانتك تعلمني وينهن انت ماقلت لي هالكلام الا انك تعرف وينهن
رشاش : عندي انا واخوياي
عادل : شلون عندكم وش تسوي عندكم
رشاش : نسوي شي انت عاجز عنه ، عاجز تحميهن وتسعدهن وتحسسهم انك سند لهم حتى وان كانو على خطأ اتحداك الحين لو ارجع البنات ويقولن لك كل شي زي قبل حتى مارح يقولن لك انهم مع شله عيال بيخافون تسوي نفس الشي معهن وتطردهم مره ثانيه وبتحرمهن خالتهن
عادل : تكفى خذني لهن
رشاش : بشرط
عادل : امرني
رشاش :  كل اسبوع بتجيب خالتهن تحطها عند المحطه يوم الاحد والاثنين والثلاثاء تجي تاخذها من نفس المحطه
عادل : ابشر بس اي محطة
رشاش : *******
عادل : طيب ، خذني لهم تكفى
رشاش : ناد حرمتك تجي معك وناد لي نوره من داخل
*داخل البيت *
شذى : يامي اذا جا عمي لاتقولين له شي طيب؟
منيرة : ابشري ياعيوني
عادل : نورة يابنتي رجالك يبيك برا
شذى فداخلها : رجالك؟ وش قايله رشاش هالمره الله يستر منه هو وخططه
عادل : البشاره يامنيرة
منيرة : وش فيك
عادل : الرجال الي برا يعرف مكان لمى وشذى وهو الي يصرف عليهن ويحميهم الله يجزاه خير وبيودينا لهم اللبسي عباتك بنروح
راحو يبيكون مع بعض
*فالحوش*
رشاش : اذا مشينا ابيك تقولين لمصلح اننا جاين ولمى لاتدري ويقول للبنات يتلخبطون ببعضهم ويجلسون حول النار عشان بشوف يعرفونكم ولا لا
شذى : طيب
رشاش : وراك تبكين؟😂
شذى : مدري
رشاش : اسمعي اذا رحنا اركبي قدام لاتركبين ورا وغير كذا مبيه يعرفك الحين خلينا لين نوصل فبقعد اناديك نورة على اسم الغالية الله يرحمها وصدي وجهك عنه ماله داعي تغيرين صوتك هو رايح فيها اصلاً
شذى : الله واكبر عليك ترا مارح يعرفني خالتي ماعرفتني الا لما قلتلها ، بس خلاص ماعندك مشكله
عادل : يلا روحو وحنا وراكم
رشاش : وين ورانا تعالو بسيارتي
منيرة : خلاص امشو تكفون بشوف بنات الغاليه الله يرحمها
صدت شذى عنها وراحت تبكي بصمت ركبو كلهم
ومشو
رشاش : يانوره دقي على مصلح ولا راسليه
دخلت عشان تراسله وكانت المحادثه
شذى : الو مصلح؟
مصلح : هلا
شذى : ترانا جايين وجايبين عمي وخالتي معي لمى لاتدري وغير كذا رشاش يقولك خل البنات يتلخبطون في بعضهم ويجلسون حول النار
مصلح : طيب وصلتو للمحطه
شذى : لا ليش ؟
مصلح : نبي لنا اغراض بالله جيبوها معكم
شذى : وش اغراضك
* كتبلها لسته طويله *
مصلح : تراها اغراضنا كلنا جمعتها وكتبتها لك
شذى : رايحه اهاجر الله يهديك يامصلح😂 ، خلاص مو مشكله
شذى بصوت مبحوح من البكى : قربنا من المحطه؟
رشاش : ايه
شذى : وقف عندها يبون اغراض
رشاش : طيب ، بتنزلين ولا انزل
شذى : بنزل انا
رشاش : انزلي واخذي اغراضهم الي يبونها وشوفي كم صار وتعالي اعطيك الفلوس
شذى : طيب طيب
عادل : ياخوي انت وشسمك
رشاش : انا رشاش
عادل : انت الي خاطف البنات قبل كم يوم !!
رشاش : ايه😂
عادل : متزوج وتخطف بنات؟ ماتستحي انت؟
رشاش : عن اللغلط بناتك الي يبونهم مو انا
رجعت شذى وواضح على وجهها الصدمه
رشاش : تعالي من عندي ، كم
شذى وهي تضحك ومصدومه بنفس الوقت : والله نار
رشاش : كم؟
شذى : والله غالي 536
رشاش : عادي طيب؟ انتي تقضين ل17 نفر مو واحد ولا اثنين😂
انصدو منيرة وعادل لما سمعو 17
رشاش : خلاص مو مشكله اخذي اغراضك
شذى : طيب اسمع فيه اغراض للعيال معرفها تعال اخذها
رشاش : وش ؟
شذى : دخان يبون
رشاش : والله اني حاس جيبي لي معك نفسهم
شذى : اثنين صح؟
رشاش : ايه😂 قولي للعامل رشاش يسلم عليك هو والعيال وبيعطيك بس قولي له 14 ان كان فالح يبغا
شذى : ياليل طيب
*فالبقالة *
شذى : رشاش يسلم عليك هو والعيال
العامل : الله يسلمهم ، كم تبين؟
شذى : 14
العامل : زين
شذى : كم صار؟
العامل : 576
راحت لرشاش
رشاش : كم
شذى : 576
فتح رشاش الدرج وكان ملييان فلوس مربطه
رشاش : هاك هاذي 580 اربع ريال اشتري بها مويه مالي خلق اصرف ريالات
شذى : امش معي الأكياس شكثرها والله
رشاش : امري لله امشي
جابو الأكياس وكانت يدينهم ماتنشاف من كثرها
شذى : خلاص امش والله تأخرنا
رجعو للخيام وكان كل شي مثل ماقال رشاش البنات مختلطات ببعض وجالسين حول النار
رشاش : مصلح ناد عمر خله يجي يشيل معك
شذى : لا ناد سلطان خلو عمر بحاله
مصلح : ماتمشيني بنت على كيفها
رشاش : سو زي ماقالت وانت ساكت
راحت شذى لم البنات بدون ماينتبهون وشالت الكمام وجلست بين البنات
رشاش : امشو اجلسو عانو البنات كلهم هناك حتى شذى ولمى
شذى : لمى لاتتحركين اي حركه ولاتطلعين ردة فعل لما تشوفينهم سمعتي؟
لمى وهي تبكي بصمت : طيب
راحو وجلسو كلهم
عادل : وين بناتي يارشاش
رشاش : دورهن
عادل : ولا وحده من ذلي شذى ولا لمى
رشاش : قدم عينك ولاتشوفهن! وانتي ياخاله ماتعرفتي على احد ؟
منيرة : الا عرفتهن الثنتين
رشاش : اذا ماتدرون ترا هنا فيه توأمين زياده يعني مو بس بناتكم التوأم
عادل : رشاش لاتخليني اللعنك ولا وحده من بناتي
مصلح : احترم نفسك واعرف مع من تتكلم قلنا لك بناتك قدم عينك
منيرة : وين عمر ابي اشوف عمر
رشاش : هذا الي واقف وراهن
منيرة : انتبه لبنيتي زين وحطها بين عيونك
عمر : هي اصلاً بين عيوني
عادل بصوت عالي : بناتي وين طلعهن لاتخليني اذبحك
شذى : لهدرجه متغيرين ماعرفتنا
ركضت منيره للمى وحضنتها اما عادل ركض لشذى وحضنها وراحو يبكون كلهم 
عادل : يلا ياروحي اخذو اغراضكم وامشو نرجع لبيتنا
رشاش : لا ههه ضحكتني وانا مالي خلق البنات يجلسون هنا
عادل : بناتي بيجون معي
رشاش : كلمتي وحده قلت البنات مايروحون مكان تبي تشوفهم معك كل اسبوع الاحد والاثنين غير كذا مافيه
منيرة : ان كانو البنات بيجون يجون ان كانو بيجلسون يجلسون
عادل : بتجون معنا ولا تجلسون
*كانت منيرة تشر لهم انهم يجلسون ولا يجون*
لمى : بنجلس
عادل : وانتي ياشذيه
شذى : كلمتي وكلمه لمى وحده
عادل : الي يريحكم ماني جابركم على شي
منيرة : عن اذنكم بنجلس انا والبنات شوي
رشاش : ابيك بكلمه بيني وبينك قبل
منيرة : امش نبعد عنهم وقل الي تبي
*بعدو عن الجلسه *

——————————————————
1621 كلمه استمتعو♥️
يووهه قطعت عنكم مررههه بس بعوضكم بعوضكم معليكم بنزل بارت او اثنين اليوم
و يا { oxe7ve } تراني احببككك🤍🤍 شفت كومنتاتك قبل فتره ضحكتت بذات على كومنتك ( ذهب ولم يعد ) مو طبيعي كيف ضحكتيني
حساباتي :
تيك : .5p_top
انستا : 5p__top