معلمات في سن المراهقه🔞..

PART11

رشاش : اسمعيني ياخاله انا احب شذى والمح لها بس تستغبي علي على اساس انها ماهي فاهمه
منيرة : هاذي حركاتها ماتحب تعطي قلبها لرايح والجاي بقولك بس بدون زعل شذى كانت تحب واحد من زمان وكان يقولها انه بيتزوجها اذا كبرت ومن ذا الكلام وسحب عليها وتزوج وحده يحبها عرفت ليش تستغبي
رشاش : فهد صح؟
منيرة : ايه بس كيف عرفت
رشاش : سمعتها مره كانت تبكي وتقول انا سحب علي وتزوج عايده ولا عنده ولد منها بعد انا ليش ابكي عليه هو الخسران واكثر من مره شفتها تبكي دون سبب ولا لما تغني تبكي لين تاكل تبن
منيرة : انت صدق ناوي تتزوجها؟
رشاش : اي والله اي والله بس ضروفي الحين ماتسمح تعرفين مطارد وزي كذا بس بعدين يمكن نهج لليمن انا والعيال بجي اطلبها قبل باسبوع
منيرة : والله ان كانك صادق لثبت اسمك فراسها ما اخليها تفكر الا فيك ليل نهار
*رجعو *
رشاش : يعيال مشينا ياعم معنا
عادل : بجلس عند البنات
مصلح : جلسة حريم تجلس بينهم؟
راحو العيال وجلسو البنات لحالهم
منيرة : ياحليلك يالمى صرتي تحبين
لمى : توك ماشفتي شي
منيرة : هههه ، من البنوتات ذولا ماتعرفنا
عرفتها شذى على كل البنات
منيرة : سبحان من خلقكم يابنات سهام قلوبكم بيضاء عكس امكم
اخذتهم السوالف وسالفه ورا سالفه لين جو العيال
منيرة : شذيه يابنتي تعالي ابيك
شذى : هلا
منيرة : بينك شي وبين رشاش قوليلي عشان نقدر نقوي العلاقه😂
شذى : ههههه
منيرة : تدرين انه يحبك؟
شذى : ادري ادري بس انتي ادرى الناس بالي صار لي واني معاد اثق في احد لويحلف من هنا لابكره
منيرة : ادري ياروحي ادري وادري انك تحبينه بس تبين تشوفين قد ايش يحبك
شذى : هههه تقفطيني دايم
منيرة : تربيتي واعرفك ، بتكسرينه بتكسرينه واذا نشب لك اكثر بتعترفين
شذى : هذا الي بسويه
منيرة : اسمعي بنات سهام ماني متطمنه لهن مافيه ادمي امه حيه وبيطلع مثل الملاك خليك حذره بذات على عمر ورشاش لانهن بيتقربن منهم لين يفرقون بينكم وقولي خالتي ماقالت
شذى : تهقين يسونها؟
منيرة : ايه يسوونها
رشاش : ياعمر فيه عنزه منحاشه من القطيع تعال جرها بذنها ( ميده شذى )
شذى :هه سخيف
رشاش : بكت بكت البكايه
منيرة : كنكم ورعان قسم بالله
شذى : ياماما انتي تشوفينه يذب علي
منيرة : بس والله انه صادق كنكم قطيع صدق ههه
رشاش : ههههه
*الساعه (12:30)*
رشاش : يلا تعشو وروحو رقدو لني بصحيكم الصباح
شذى : ليش
رشاش : بس كذا
شذى : ياخي دامنا ماورانا شي مقعين فهالبران كنا جعر ولا نسوي شي خلنا نضيع وقت وننام
رشاش : معترفه انك جعري؟
شذى : ماقصدي بس رفعت ضغطي كليوم مصحينا الصباح عشان نعاين فوجيه بعض
لمى : سبحان الله رشاش مخلوق عشان ينكد علينا
ساره : اييي شفتي شلون حاط دوبه مندوبنا كنا طباينه
وريف : معتوه معتوه
رشاش : قامن علي خوات ابليس
لمى : والله ابليس انت ووجهك عن الغلط
رشاش : خلاص ياورعه انتي وياها قلت بصحيكم الصباح يعني بصحيكم الصباح
تعشو وكلهم نامو الا التوام
الساعه ( 2:38 )
سلمى : خواتي نمتو؟
سمية : لا صاحين
سلمى : امشو نطلع
ألين : شعندك
سلمى : بنات ملاحضين شذى ورشاش من جت منيره ذي وهي تحاول تقربهم من بعض
ارياف : ايي قهرتني الله يقهرها
لين : ولا لمى ذي الي تتلصق بعمر الله ياخذها
سمية : ولا مصلح الي عينه على وريف طول الجلسه
سلمى : لازم نسوي شي لهن غير كذا امي دقت تقول ابدو نفذو الخطه
ألين : اليوم؟
سلمى : الحين
لين : بس من وين لنا؟
ارياف : عاني السيارات ناخذ من اي وحده
سمية : معي جراكن امشو نعبيها
راحو ياخذون الجراكن ويعبونها بنزين من السيارات لين عبو ٣
ألين : وش بنسوي فيها الحين
ارياف : وش بنسوي يعني بنكبها على خيمتنا ونولعها وندخل نصرخ على اساس تونا صاحين
راحو يكبون البنزين على الخيمه ودخلو وسوو نفسهم نيام وقامت ارياف وشبت ف الخيمه ورجعت سوت نفسها نايمه
ألين : حريييق
قامو البنات منخرشين وشافو النار وبدو يصرخون طلعو كلهم الا شذى الي مالحقت تطلع الا النار وصلت لباب الخيمه صحو العيال على صوت الصراخ وراحو لهم
لمى بصوت عالي : شذىى شذى جوا تكفووون
عادل : شذىى
كان عادل بيدخل بس مسكوه ودخل رشاش وهو مغطي وجهه بيده
*فنفس الوقت جوا الخيمه *
شذى : كنت اسمعهم يصرخون بس ماكان بيدي شي الا الاذكار والدعاء وانا اقراء قرآن بديت اشوف الدنيا تشوش واقدرت اتنفس بسبب الدخان ومعاد ادري شصار
رشاش : دخلت لقيت شذى تبكي وهي طايحه عللى الارض مغمى عليها وشلتها وطلعت
لمى : شذىى
عمر : يعيال هاتو جراكن
راحو كلهم يطفون النار بالتراب الا رشاش ومنيره الي كانت تحاول تهدي لمى عشان ماتوتر الي حولها
طفو النار وراحو لشذى
مرت دقايق وصحت شذى وماكان احد منبه لوجه رشاش الي كان كله دم
شذى : صحيت حصلتهم كلهم متجمعين حولي وما انتبهت لحد الا رشاش الي وجهه كله دم
وريف : هاتو ماء بارد
شذى : فزيت من مكاني زي المجنونه ومسكت وجهه وكانو كلهم مصدومين ، شفيه وجهك ليش كذا!!
انتبهو لوجهه واخذتة منيره على جنب عشان تمسح وجهه وتكمده وكانت شذى تناضر بيدينها مو حول الي ينادونها
شذى : بسببي ، الي صارلك بسببي
رشاش وهو معصب من كلامها : لاتقولين كذا انتي مالك دخل بشي
شذى : ليش دخلت جوا الخيمه لييش! شوف وجهك شلون صار كله دم وتقول مالك دخل!!
رشاش : ارجع واعيد واقول انتي مالك دخل بشي انا الي بغيت ادخل سط النار
منيرة : خلاص روحو نامو انا بضل واعيه
لمى : لا انا بضل جمب شذى
منيرة : لا ياحياتي روحي نامي
لمى : بس مافيه مكان ننام
رشاش : يطلع عمك من خيمته الله لايهينه وانتم انحشرو فيها وهو ينام مع واحد من العيال.
عمر : خلاص يجي عندي
شذى : فسحولي يابنات بجي انا معكم
منيرة : لا انتي بتنامين فخيمه رشاش معاه عشان اقدر انتبهلكم الاثنين مره وحده
شذى : طيب ياماما تقدرين تجين هنا وتجين هنا
منيرة : لا عشان لو جيتك بصحي البنات كلهم معك بالنور عشان ماننكد على احد بتنامين بخيمته وانا معكم لاتخافين
ارياف : ياخاله انتي روحي نامي انا انتبه لهم
منيرة : ياحبيبتي والله مافيني نوم خلاص اذا بتجلسين معاي اجلسي
وريف : دامكم بتجلسون انا بجلس بعد طار النوم
شذى : اي تكفون اجلسو والله طفش
منيرة : ايش فيه عندكم شي بارد
رشاش : العصاير والموايات دايم ندفنها هنا عند الجلسه
وريف : بقوم اجيبها شتبون؟
ارياف : خليك حبيبي انا اقوم اجيبها شتبون
منيرة : ماء
شذى : سفن
رشاش : حبه على الفحم وتبي سفن ، ببسي
شذى : هيي مايضحك
منيرة وهي ماسكه ضحكتها : خلاص ياولد وانتي انسدحي لايطيح المنديل من وجهك
ارياف : وانتي وريف؟
وريف : سفن
ارياف : يوو يابرد العصاير توقت برودتها عاديه ، والله على طول جمدت يديني
جلست ارياف عند راس رشاش على اساس انها بتبدل الكمادات وحطت يدينها على وجهه
ارياف : ياويلي وجهك حار
شذى وعينها بعين ارياف وشوي وتطق عيونها شرار من الغيره : ترا منتو لحالكم حبايبي اذا صرتو لحالكم سوو الي تبونه
*بين شذى ووريف*
وريف : 🎶انا وحده الغيره بدمها🎶
شذى : قومي قوميها تكفين وبعديها عنه قلبي جالس يحترق مو وجهي
وريف : ابشري
شذى : ياروحي
وريف : ارياف ارتاحي انا اكمل عنك
ماقدرت تقول شي وتبين لهم انها تبي تجلس عنده
ارياف : مشكوره ياقلبي
وريف : ياخاله ماودك نوديهم للخيمه عشان الهواء لا يلفحهم فوجيهم
منيرة : لاتقوليلي ياخاله انتي بحسبه بنتي ، صدق والله
دمعت عيون وريف لما قالت لها انتي بحسبه بنتي
قام رشاش وشال شذى جلس يركض بها وهم يحاولون يوقفونه
شذى : ولدد شتسويي
رشاش : بعدين تفهمين
شذى : ياممريييض😂
وقف ورا خيامهم لاكن بعيد شوي
رشاش : ايه انا مريض ف...
قاطعه صوت ارياف ووريف
وريف : ياورع ليش تسوي كذا
ارياف : افترض ان الهواء لافحك فوجهك
رشاش : الله يقطع رزقك انتي وياها مثل ماقاطعتوني💔
وريف : امش امش بس
رشاش : خلاص بجي بس دقايق طسو انتم اءاء قصدي روحو انتم
عرفت وريف انه بيعترف لها وشافت شذى من وراه تترجاها بصمت انها تروح وابتسمت ابتسامه خبيثه
وريف : لا يلا امشو قدامي
رشاش : وريف لاترفعين ضغطي ترا ما احب الي يتامر علي
وريف : تمام انت خلك هنا وشذى تعالي معي
سكتت شذى وراحت عشان ماتبين انها تبي رشاش يعترف لها
شذى بهمس : والله للعن جدفك بس استني علي
ارياف وهي تبي تفضحها قدام رشاش : اءاء شذى ليش كنتي بتجلسين وماكنتي تبين تجين
شذى : من قال لو اني ابي الجلسه هناك كان ماجيت
ارياف : مدري بس حسيتك ماتبين تجين من حركاتك ورا رشاش لما كنتي تترجين وريف انها تروح
رشاش : يليت الي تتكلم تسكت عشان راسي مصدع
شذى : لا ماترجيتها ولاشي
منيرة : شرفت ؟
رشاش : حليانه تصدقين
منيرة : لايشيخ ترا ماتمشي معي ذي الحركات
ارياف : انا بروح انام تصبحون على خير
منيرة : وانتي من اهله حبيبتي ، وانت روح لخيمتك وانتي الحقيه انا جايتكم ، وريف يامي تعالي قولي لي صار بينهم
وريف : كان رشاش بيعترف لها بس قاطعته وماخليته يكمل
منيرة : وشذى كانت تبيه يعترف صح؟
وريف : ايه
منيرة : استسلمت له على طول بس كفو عليك ماخليتيهم وخلي عينك عليهم اذا شفتيهم مجتمعين خربي عليه ،بنتناوب عليهم انا وياك وساره ولمى
وريف : افا عليك اعجبك ، وحنى نسولف هنا تلقينها اغتنمت الفرصه داخل
منيرة : امشي ندخل
رشاش : كيف حالك ياخاله شخبارك طمنيني عنك
منيرة : احلف؟ بحاسبك ترا على الي سويته
رشاش : اف اف ليش
منيرة : وجهك انت وياها كله مويه ووتروح تركض فالهواء؟
رشاش :خلاص اخر مره معاد اعيدها
منيرة : جاني النوم منكم
وريف : خلاص يا امي روحي نامي انا انتبه لهم
منيرة : تمام يروحي وزي ماوصيتك ها
وريف : افا عليك عندي
شذى بدلع : وريفتي ابي عصير تكفين
رشاش : دامك طالعه طالعه عطيني ولاعتي فخيمه مصلح عند راسه
وريف : يليل منكم ، طيب
شذى : تعال
رشاش : هلا
شذى : عانها ولاعتك ليش تبي الي عند مصلح
رشاش : قصري صوتك وريف لاتسمعك ، ادري بس ابي وريف تروح عنا شوي
شذى : حبيت تفكيرك
رشاش : اسمعي ان....
قاطعه صوت وريف
وريف : شذى وش العصير الي تبينه
شذى : اي شي
رشاش : اسمعي زي ماقلت انا....
وريف : خذي جبت لك تفاح اعرفك تحبينه
شذى : شكراً
رشاش : يالييل ذي ، اءاء ..
وريف : رشاش مصلح جاء خذها منه
رشاش بصوت واطي : بذبحك انتي ومصلح
مصلح : يالله صباح خير عسى ماتونسون شي
رشاش : لا خفيفه الحمدلله
مصلح : الحمدلله وانتي ياشذيه عسى ماهي قويه؟
شذى : لا الحمدلله خفيفه
*انتبه مصلح لنظرات رشاش *
رشاش : سمعت مصلح والنار في قلبي بس ماقدرت اقول شي
مصلح : كم الساعه
وريف : (5:27)
رشاش : الجوع طاقني
مصلح : بنسوي فطور بس نحسب الي رقود ولا لا؟
رشاش : ايه بنصحيهم
وريف : لا يرشاش حرام خلهم ينامون انا اقول اننا نشوف الي صاحي ونسوي فطور على قدنا وهذولاك متى ماصحو يسوون لهم
شذى : اي والله
رشاش : اجل خلاص شوفو الي صاحي وسوو فطور على قدنا
*بين مصلح ووريف*
وريف : عاد كلامي
مصلح : ههه حركاته
وريف : اسمع انا بروح اسوي الفطور انت خلك عندهم ولاتطلع لو وش
مصلح : ليش
وريف : بعدين افهمك
راحت وريف تسوي فطور ومصلح استقعد لرشاش
جهز الفطور وافطرو
وريف : فيني نوم
رشاش : روحي لخيمتك ونامي
وريف : لا ههه معنفسك
شذى : خلاص قصرو اصواتكم بنام
نامو شذى رشاش ووريف وماضل احد لا مصلح
طلع يتمشى ووقف ورا خيمة البنات
*فنفس الوقت فخيمة البنات*
لين : خواتي احد صاحي
سمية : ايه
لين : قومي نطلع
*كان يسمعم مصلح بعد ماطلعو*
سمية : الجوع ذابحنييي
لين : اي والله ، طبيعي حبيبتي بنجوع بعد الي سويناه
سمية : بس والله عدمنا وجه شذى عدم
لين : والله تستاهل
سمية : اخاف اذا انقفطنا مصلح يكرهني
لين : على اساس يحبك يعني
سمية : ادري انه مايحبني بس اقدر اغسل دماغه بس لو ابعد ذالوريف عن وجهي
لين : معليك مابمنقفط ووريف انا ابعدها عن وجهك معليك
*كان مصلح يسمع كل شي *
مصلح : اثر الي حرق الخيمه انتن يبنات الكلاب انا اوريكم
طلع مصلح يمشي وكانه ماسمع شي
سمية : انت صاحي
مصلح : ايه من متى صاحين انتم
لين : من الساعه 6 ماجانا النوم من خوفنا على شذى
مصلح : لاتطمنن مافيها شي شذيه خفيفه وجالس اكمدها ومنتبه لها
لين : الله يعطيك عافيه حنا بنسوي فطور تبي نحسبك معنا
مصلح : لا سوت وريف فطور يفتح النفس تسلم يدينها
لين : زين
رجع مصلح يتمشى وراحن البنات يسوون فطور
سمية : شذيه وريف مايطفش مايطفش الله يحرقهن ويفكني منهن
لين : امين ولمى وساره معهن وخالتهم بعد
مر الوقت و صحو كلهم
سلطان : كم الساعه
ساره : (2:46)
مهل : شذيه وينها غريبه ماصحت بالعاده هي الي تصحينا دايم
وريف : فخيمه رشاش مايقدرون يطلعون الي يبيهم يروح لهم
قحص : ان شاء الله حالتها احسن؟
وريف : اي الحمدلله بس فيه جروح ووعيان
سلطان : حاطين عسل؟
وريف : ايه
سلطان : بروح اشوفها
مهل : حتى انا
عمر : معكم معكم
وريف : يمه بسمالله وش ذا الحب الي طاح عليكم فجأه
——————————————————-
1904 كلمه استمتعو♥️
ذي الفتره ضغط اختبارات مو طبيعي هذا غير الواجبات والبحوث والمشاريع فا اعذروني ان تأخرت بالبارت الي بعد ذا يمكن اغير جدول التنزيل كان يومياً بارت بس من ضغط الدراسه ماقدرت فا احتمال يصير كل جمعه 🤍
تيك : .5p_top
انستا : 5p__top