#خادمة_الصقر
في محل كبدة 💮🌸
قمر بضحك/ انت واقف كدة ليه ،ما تقعد يا صقر
هو انت قرفان ولا ايه
صقر كان قرفان جدا من المكان / اقعد فين يا قمر انتي اتهبلتي ، ده محل في الشارع ممكن يجيلك تسمـم ، قومي يلا اوديكي اي مطعم نضيف .. يلاااا
قمر بدات تضحك جامد و شدته من ايده / لا هناكل
هنا انا سمعت كلامك و جيت معاك في اماكن كتير
انت بقي هتسمع كلامي و هتاكل معايا .
صقر قعد علي الكرسي/ يا قمر البدلة اتوسخت حرام عليكي.. اففف طيب تعالي نطلب الاكل احسن حد يشوفني و يعرفني
قمر بضحك/ يا عم مين هيعرفك .. يعني بذمتك
لو حد شافك هيصدق انك صقر الحديدي و قاعد تاكل علي عربية كبدة .. صلي في قلبك بقي
و فعلا طلبوا الاكل و كان صقر مستمتع اوي بالقاعدة مع قمر و فرحان ..
_____________________________________
في المستشفى عند نغم ..
نغم و هي بتلبس البالطوا بتاع الدكتور / انا جهزت يا خالد اهوو ..يلا نهرب
خالد بضحك/ تفتكري بشكلك ده مش هنتقفش .. نغم اقلعي البالطو ده بلاش تـلف انتي جبتيه من اني داهية اصلا
نغم / يا اخي انت فصيل بجد .. اومال هنهرب ازاي
خالد / افف .. هاتي الماسك ده انا هلبسه و اخرج من المستشفى و يارب يمسكوكي
و نغم و خالد حاولوا يخرجوا من المستشفي و خروا من الباب اللي ورا ...
في الشارع . 🛤️
و خالد كان الجرح اللي في كتفه و ايده تاعبه جدا و بدا يدوخ و حط ايده علي كتف نغم .
نغم بستغراب / ايه ده مالك .. انت تعبت كدة ليه
بقولك يا حبيبي تعالي نرجع تاني المستشفي انت عرقت اوي
خالد بتعب / لا مينفعش انا وجودي في المستشفي بقي خطر .. بقولك وقفي تاكسي بسرعة علشان حاسس اني دايخ ..
و وقفت نغم تاكسي و بدات تسند خالد و اخدته عندها البيت ...
______________________________________
في بيت سهيلة ...
ياسمين بعياط / انت ايه اللي جابك هنا .. اطلع برا و ملكش دعوة بيا ، سهيلة اطلبي البوليس للبني ادم ده
كريم بستفزاز / اللي عايزين تعملوه ..اعملوه
انا مش هتحرك من هنا ، صحيح يا سهيلة معاكي رصيد تكلمي البوليس و لا تاخدي تليفوني
سهيلة اتعصبت اوي لسه هتخرج من البلكونة لقت باب الشقة بيخبط تاني ..
سهيلة / انت مين .. انت كمان
جاسر / انا جاسر الحديدي .. كريم موجود
سهيلة / لا و النبي ، بيت ابوه هو مش كدة علشان يستقبل ضيوفه
