#خادمة_الصقر
33
في بيت نغم 🏡
حبيبة / ها فهمتي ولا اقول كمان
نغم في اللحظة دي دموعها بدات تنزل علي خدها / ايه مراة مين .. اكيد في حاجة غلط
و بدات تبص لكل اللي موجودين / انتوا مصدقينها
دي كدابة ، ماتبصليش كدة انتي اه كدابة
خالد مستحيل يعمل فيا كدة
حبيبة طلعت قسيمة الجواز / ودي تبقي ايه شايفاها ولا مش بتشوفي غير اللي علي هواكي بس
عزة قربت منها و مسكتها من ايديها / والنبي اهدي
نغم و حياتي عندك .. تعالي ندخل الاوضة
نغم قاطعتها في الكلام و زقتها بعيد عنها / اوعي .. ابعدي عني محدش يجي جمبي
نغم قربت من خالد ووقفت قدامه و دموعها لسه بتنزل / انت ساكت كدة ليه ، ما تفهمني مين دي
و ليه بتقول كدة . خالد ده في قسيمة فعلا يعني هي مش كدابة
و بدات تعيط جامد / ده انت قايلي كل اسرارك و خناقتك انت و الزفت التاني ، انا عارفة عنك كل حاااجة ..كل حااااااجة
. ليه مقلتليش انك متجوز... ليه خبيت علياا
خالد رفع عينيه و بصلها / والله العظيم الموضوع مش زي ما انتي فاهمة ، نغم ده كان ماضي
انا بحبك انتي صدقيني
حبيبة بدات تعيط جامد و حطت ايديها علي بق خالد / لا والنبي ما تقول كدة تاني ، ده انت اغلي حاجة عندي .. انا فضلت بعد الايام علشان اعرف ارجعلك تاني يا خالد خالد بصلي احنا كان بينا حياه و بيبي كمان
نغم بدات تضحك بهستيريا. / بيبي .. انتي كنتي حامل كمان ، هههههه الله بجد ، ايه المقلب اللي انا وقعت فيه ده .. ده انت قذر بجد ... يا اخي اتفووو عليك
و قربت من خالد و بعزم قوتها بدات تضربه في كتفه المتصاب / انت ايه يا اخي ليه عملت فيا كدة
ده انا وافقت عليك و انت فيك كل العبر يا واطي
خالد مسك ايد نغم بتعب و مسك وشها / نغم اسمعيني الاول و بعدين احكمي بلاش تبقي مندفعة
انا عارف انك مكسوره بس
نغم زقته / ما عاش ولا كان اللي يكسرني يا ابن الحديدي .. لا انت ولا عشره زيك ، الي بيتكسر و يخاف و يستخبي هو انت مش أنا.
و مسكته من القميص / محدش ينزلوا من هنا غير لما تجيبه الماذون علشان يطلقني
رامز / ما تخفيش يا نغم ..انا هكلمه حالا يجي
و هطلبله البوليس كمان
خالد و هو بيبص في عيون نغم/ مستحيل اعملها يانغم ، ده انا ماصدقت انك تتكتبي علي اسمي ..
تعالي معايا احنا لازم نتكلم مع بعض شوية ..
......و حاول يمسك ايديها علشان يدخلها الاوضة بس هي كانت بتزقه بكل قوتها و فاجاه ضربته قلم بعزم قوتها و كل اللي موجود اتصدم و اولهم خالد
