هلاَ باللي عجزت ألقى عذاريبه هلا بالليِ تحبه كل أسبابي

البارت الثاني

وفي اليوم التالي
يوم السبت
في بيت ابو هتان الظهر
الكل جالس يجهز (كادي ، منيره ، فاطمه )  للشاليه وطبعا خذو شاليه قسمين للرجال والحريم ويطل على البحر
عند فاطمه متحمسه وجالسه تجهز نزلت عند ام هتان في المطبخ :
ماما ابي عوامه ( فواشه عشان تسبح )
ام هتان : من وين اجيب لك عوامه احين وبعدين بزر انتي
فاطمه : مالي دخل ابي عوامه !!
ام هتان : مدري ولله روحي عند مها سأليها يمكن عندها
فاطمه : واذا ما عندها وش اسوي انا ؟؟
ام هتان : وش اسوي لك انا يعني روحي بتلاقين عندها
فاطمه : طيب
وصعدت الدور الثاني دخلت غرفة مها ولقتها نايمه
فاطمه : وي وذي للحين نايمه
راحت طفت المكيف وشغلت الانوار وقامت تصرخ:
مهااااا مهااا يلا الظهر قومي جهزي يلا
مها صحت على صراخها وهي تفرك عيونها: 
وقسم بالله يا فطيم لو ما تطلعين بره الغرفه بتشوفين نفسك بالمقبره 
فاطمه : مقبره وش اقولك الشاليه تقولين مقبره غبيه انتي !!!
مها صرخت بصوت عالي حتى الجيران سمعوه:
انا اقولك اطلعي بره
فاطمه : ول يلعن ابو صوتك ذا صفارة انذار وبعدين اذا  ماطلعت وش بيصير يعني
مها : انا اوريك وش بيصير احين وقامت الحقتها
فاطمه انحاشت ودخلت غرفتها وقفلت الباب
مها : صبري علي بس ولله ما اخليك افتحي الباب
فاطمه تضحك : اي كذا اعرف اقومك
مها : ولله ما اخليها لك وراحت نزلت عند امها وهي تصرخ
ام هتان : وش صاير ليه الصراخ بسم الله فيك شي
مها : اي فيني جاتني الامراض كلها من بنتك ولله لو
ماتروحين لها وقسم اني لادفنها وهي حيه
ام هتان :بسم على بنتي وليه ؟؟؟
مها : انا كم مره اقول اذا كنت نايمه غرفتي لا تدخلها بنتك
ام هتان :انا قلت لها وبعدين شوفي كم الساعه متى بنروح يعني روحي جهزي بس
مها : اوك بروح بس ولله ما اخليها تصبر وصعدت غرفتها تجهز للشاليه

في بيت ابو سيف
نفس الشي يجهزون للشاليه
وطبعا جود متحمسه للشاليه وانه بتشوف بنات عمها
جود : خيال كم لبس اخذ ؟؟
خيال: مدري اخذي ثلاثه !!
جود : غبيه انتي بنجلس يومين بس ثلاثه اخذ ؟؟
خيال : اول شي انتي الغبيه وبعدين كل ساعه بتغيرين يعني
جود : انتي وش يفهمك ؟!
خيال :اجل ليه تسالين انقلعي مو رايقت لك
جود : اقول بزر انقلعي بس برا غرفتي
خيال : مالت عليك وعلى غرفتك من زينها
جود : اوكي انقلعي !!
خيال : اقلعك الله بطلععع
طلعت من الغرفه وشافت سيف طالع من غرفته اركضت له :
سيف
سيف : هلا
خيال : اهلين
سيف : ها وش فيك ؟؟
خيال : ابيك توديني بيت جدي عند نعيمه وريوف
سيف : ليه بتشوفون بعض في الشاليه
خيال : اي ادري بس احنا متفقين قبل مانروح الشاليه نروح السوبر ماركت
سيف : طيب اذا طلعنا نروح !!
خيال : لا تكفى ابي اروح احين وبعدين حتى كادي و منيره بنات عمي بيروحون  ابيك تمرهم  يلا تكفى
سيف : ياربي ضروري يعني تروحين ؟
خيال : تكفى تكفى بروح
سيف : اوك خلاص ازعجتيني يلا
جات خلود : على وين ؟؟
خيال : بيت جدو عند نعيمه وريوف
خلود : وليه انشالله ؟؟
خيال : يوههه تحقيق هو بس كذا نبي نروح السوبر ماركت مع بعض
خلود : قلتي سوبرماركت اجل حتى انا بروح
خيال : لا
خلود : انا جالسه اقولك بروح ما خذت رايك
خيال : ليه تعزمين نفس....
جات جود : وانا بعد بروح !!!
سيف : خمس دقايق بره ما تطلعون بمشي
خيال وخلود وجود  راحو ركض يلبسون عبايتهم