هلاَ باللي عجزت ألقى عذاريبه هلا بالليِ تحبه كل أسبابي

البارت التاسع

مها : يلا خلينا نهجول احنا بعد
ساره : يلا
ركبت مها ووراها ساره
: والي يعافيك مها لا تسرعين
مها لفت عليها : آسفه لك بس مأدرش يعني
ساره : اجل بنزل انا اخاف !
مها بكذب : افا خلاص خلك مارح اسرع
ساره : ياويلك يا مهيو ان كانك تكذبين علي
مها : افا عليك
ودعست باقوى ما عندها على الدباب وطارت معها وهي تصرخ :
اوههههههههه
وساره وراها طاير قلبها من السرعه
: الله ياخذ بليسك وقفي
مها وهي حدها مستانسه
: اقول احنا بنات الـجسار ماعندنا احد يخاف
ساره وهي بيغمى عليها من السرعه
: وانا وش دخلني فيكم ؟
مها هدت السرعه وبضحكه
: يمكن تصيرين منهم !!!!!
ساره بعدم اهتمام : انتي استخفيتي تراك
مها دعست : انا اوريك المستخفه عدل
ساره تصارخ وبطلب من مها توقف وهي معانده وكل ما قالت وقفي زادت السرعه

عند العيال
هتان بضحكه : شوفو الي هناك جننتها مسكينه
شاهين ضحك : مها جننت البنت حرام
سيف اول ما سمع اسمها لف يناظر في الدباب والي راكبين عليه
: هذي اختك
شاهين بعدم مبالا : اي
فهد : رحمت الي راكبها معها
مطلق : ولله ذي شكلها مو من بناتنا
فهد : اجل من ؟؟
سيف : اظن خويتهم راعيت الدوج
فهد بضحكه : افاا دوج وتخاف من الدباب هههه
.......................••................................
عند نعيمه ومنيره في الدباب
لحقهم شاهين بالدباب
: شرايكم نتسابق
نعيمه : انت احين شعندك ؟؟؟ وبعدين مابي اتسابق
شاهين بتسليك عشان مايروحون الجهه الي فيه رجال كان واقف
: افااا مو واثقه من نفسك
نعيمه : اعقب انا نعيمه مطلق الـجسار اكيد اني واثقه من نفسي
منيره بطفش منهم : فكونا انتي وياه
ولفت على شاهين : انت مانبي نتسابق ولا شي دز
شاهين : براحتكم
وعشان يستفزهم : يا خوافات
نعيمه : اقول مو على كيفتس انا ابي اتسابق !!
منيره : اجل انا بنزل بعد تبين تموتيني وتوني بعز شبابي
نعيمه : انزلي خليني اتفاهم مع اخوتس
منيره نزلت ووقفت نعيمه وشاهين يم بعض
: بعد لين الثلاثه وانطلقو والي يوصل عند اللوح هناك يفوز
نعيمه : تم
شاهين : يلا
بدت منيره عد واحد .... اثنين ..... ثلاثه انطلقوووووووو !!!!
وانطلقت نعيمه ووراها شاهين
............................••..........................
بالجهه الثانيه
ساره : مها تكفين وقفي
مها : وراك خوافههههه
ساره بصراخخ : انتي بتوقفين ولا اتفاهم معك
مها رحمتها وخففت السرعه ولسوء الحظ وهي تخفف السرعه طاحت هي وساره بالارض
واول ماطاحو غمضت ساره عيونها : ياربي اني احلم
لفت عليها مها وفقعت ضحك : ههههههههههههههههههههههههههههههههههههههههههههههههههههههههههههههههه اويلي كنا بنروح فيها
ساره فتحت عيونها وتلفت اعصابها يوم شافت مها تضحك ماخذت ثواني الا وفقعت ضحك معها : ههههههههههههههههههههههههههههههههههههههههههههههههههههههههههههههههه
الله ياخذ بليسك بغينا نودعععع
مها : الحمدالله اني خففت
ساره عدلت جلستها : اف ملابسي رمل
........................••...........................
سيف كان يراقبها وانتبه لطحيتهم من على دباب
: ياويلي راح الحلال !!!!
وراح بيركض
فهد : وين رايح ؟؟
سيف يأشر : طاحو من الدباب
فهد بخوف ركض ووراه سيف يركض معه
وصلو عندهم لكن الصدمه انهم فاقعين ضحك
فهد بخوف : فيكم شي ؟؟
انتبهت ساره وقامت بسرعه تعدل نفسها وهي الي حست بفشيله
وعند مها الي شافت سيف واقف يم عمه قامت بسرعه
: مافينا شي طيحه خفيفه
فهد : مخبوله انتي لو صاير لكم شي !!
مها بضحكه : افاااا ماعاش الدباب يؤذي بنت سالم
فهد بتعزيز : وانا اشهد !!!
مها : هههههههههههههههههههههه يلا ساره ركبي نكمل جولتنا
ساره عطت مها ذيك النظرات
مها : ولله ماعد اسرع حلفت !!
ساره : طيب
وراحت ركبت وراها
فهد : افاااا تخافين
ساره ردت بسرعه : لا
مها بضحكه : كذابه !!
ساره قرصتها عشان تسكت
: ما اخاف بس يعني ما اظمن نفسي مع المتهوره
مها ناظرتها بطرف عين : اذا انا متهوره انتي وش ؟
ساره فهمتها وبضحكه : اقول امشي بس
فهد : اشوي اشوي يا مها لا تتطيرين الرزق
مها بضحكه : ابشر
ومشت وساره من هول الصدمه ماتكلمت وماتدري وش يقصد بكلمه
الرزق !!!!!!!!؟؟؟؟؟؟
سيف لف على عمه وبضحكه
: رزق اجل
فهد : اص !!!
سيف غمز : علمني شعندك ؟؟؟؟؟ تحب ؟؟
فهد : تدري لو ما تسكت وش بسوي
سيف : وش بتسوي ؟
وقرص خدوده بخفه : اموت على العشقان !!!
وخر فهد يده ونزل يفصخ الزبيريه حقته
ورجع نظره لسيف وشافه راح يركض ولحقه بالزبيريه
: وقف يا قليل الادب
سيف وهو يركض وفاقع ضحك
: ياعيال عمي يحب !!!
فهد : اص يا بزر لحد يسمعك
سيف وهو يركض
: اذا ما وقفت بقول لهم
فهد وقف : وين بتروح مني
..................................••................................
طبعا فازت نعيمه بالسباق
: لا تتحدى مره ثانيه
شاهين : غش !
نعيمه : اقول توكل
منيره : افاااا يا ولد سالم تفوز عليك بنت !!
نعيمه بضحكه : ومو اي بنت !!
منيره : صح بنت مطلق تفوز عليك
شاهين بقهر : اقول انا بروح ما اتسابق مع غشاشات
وراح
نعيمه : هههههههههههه امبيه تحسسس اخوك
منيره : تلاقينه انقهر فشيله
نعيمه : محد قاله يتحداني
منيره : بذي معك حقه مع اني نصحته مالي دخل
نعيمه : اقول ركبي ركبي
منيره : يلا
وركبت ومشو في الدباب
............................••.........................
وقفت مها عند الخيمه ونزلو من الدباب
: يلا الي بعدو
ركبت فاطمه ووراها جود ومشو
وجات نعيمه ومنيره ووقفو وركبو خلود وكادي
.............................••.................................
طفى الدباب عليهم
فاطمه : وش بلاه ذا ؟؟
جود : يوههه تونا ماتهنينا
ولفت شافتهم ابعاد عنهم
: ياربي مالي خلق امشي كل ذا المسافه
ولحسن الحظ كان مازن قريب منهم جاء عندهم
: انزلو خليني اعدله
لفت فاطمه وبتشميقه من وراء النقاب
: مشكور مانبي
جود قرصتها
: معليك منها تمزح اذا ماعليك امر يعني ساعدنا
مازن ابتسم لها
: ابشري
فاطمه تهمس ل جود
: وع
جود : حرام عليك يهبل شوفي
فاطمه : ياربي صبرك روحي نطي بحضنه بعد
جود بسرحان : يا ليت
فاطمه ضربتها : اقول استحي على وجهك
جود : مقدر شوفيه شلون رافع ثوبه والعصبه الي عليه مقدرررر ورموشه الاطوال وعيونه العسليين
فاطمه : ياربي صبرك
ولفت عليه  : ماخلصت
مازن بقهر وبصوت شبه عالي
: اصبري مارح ناكلك ترا
فاطمه : احترم نفسك بس
مازن وهو الي تلفت اعصابه من اسلوبها معه وطالع فيها
: اتحمدي ربك حاشمك والا اعرف كيف اربيك
فاطمه اشتغلت النار عندها من القهر
: تخسى وتعقب مابقى الا ابو البنات يربيني
مازن بعصبيه : انتي للحين ما تخطيتي شكلك
فاطمه : اقول اخلص شوف شغلك وطس عن وجهي
جود كانت تتابع بصمت وصدمه من كلامهم وهي الي مافهمت شي
.........................••............................
كانو يمشون بامان الله ولا جاهم واحد في الدباب والواضح انه طايش
: ياحلو الكتاكيت
خلود لفت عليه : هذا الي كان ناقصنا
كادي : هذا الي يبيني افقش عينه
الرجال غمز : فديت المعصبين
خلود : اقول توكل
الرجال : بتوكل بس بشرط تجون معي
خلود : ذي تصير في احلامك
كادي : رح ولا احين الحجره بتجي بنص خشتك
وماحس الا بواحد وراه وماسكه من رقبته
: شرايك اتوكل معك واوريك شغلك
الرجال : من انت وخر عني
هتان والنار تشتغل بجوفه : شوف بعطيك فرصه تتوكل ولا ولله لندمك على اليوم الي نولدت فيه
كادي بخوف : هتان اتركه لا تورط نفسك مع ذا الاشكال
الرجال فهم انهم اهله ومشى قبل هتان يتوطى ببطنه
لف هتان عليهم وبعصبيه
: بسرعه رجعو
كادي : طيب
ومشت خلود بخوف من عصبيته وماتوقعته لهدرجه عصبي بس تذكرت انه لواء وبنفسها
: لواء شتبينه يكون الله يهديك
ورجعو للخيمه
...................................••..................................
شغل مازن الدباب لهم وركبو وبعدو عنه
جود : وقفي بسرعه وفهميني وش صاير بينك وبينه ؟؟
فاطمه بتوتر : ما صار شي
جود : بتوقفين ولا ولله ارجع له وخليه يقول لي كل شي
وقفت فاطمه : وش تبيني اقول !؟
جود : نطقي بسرعه
فاطمه : وش تبين اقول انه ابو البنات وبكل ثقة جاي ويقول يحبني ويبيني وانه تغير ويبيني اصدقه ياخي مايفهم ماحبه ولا ابيه وهو متعلق فيني وكل ما جات خالتي عندنا تجلس تحن فوق راسي خلاص لاعت جبدي منه وكل ماشوفه اتنرفز
جود بصدمه : طيب حرام يمكن صدق تغير
فاطمه : ماصدقه وحتى لو صار وكان صادق بكلامه مارح احبه ولا رح اكون له وانتهى واحين بمشي
جود : طيب
ومشو راجعين للخيمه
...................................••..................................
مرت الساعات لين جات الساعه ١٠ الليل
فاطمه : احس اني دخت وابي البيت
مها : حتى انا بس حلاتها لين ١٢
فاطمه : مقدر
خلود : بتصل على عمي عشان نمشي
واتصلت عليه وخبرته انهم يبون يمشون
شالو اغراضهم وحطوهم بالسيارات
وهتان قال لخواته يرجعون بيتهم
بحيث انه اهلهم راجعين بكره عشان يحصلونهم
هناك ومايهاوشونهم انهم مو جالسين في بيتهم
و نزلو ساره بيتها
...................................••..................................
الظهر الساعه ١
بيت ابو هتان
صحت منيره وشافت الساعه دخلت الحمام ( اكرمكم الله )
توضت وصلت وبعد ماخلصت
دخلت المطبخ سوت لها قهوه
وطلعت جلست في الصاله
تمت نص ساعه تقريبا جالسه على الجوال بعدها نزلت مها
: متى صحيتي انتي ؟؟
منيره : توني من نص ساعه
مها : اي ما جاو امي وابوي ؟؟
منيره : لا قال هتان بيتعشون هناك ويجون
مها : اي زين
منيره تذكرت ان مابقى لهم شي ويداومون : يوههه عاد مالي خلق الدوام !!
تنهدت ورجعت تكلمت : هانت اخر ترم
مها : اي شعليك بتتخرجين
منيره : واخيراااا يعني
مها : متى تداومون؟؟
منيره : الاحد بقى ثلاث ايام
مها : زين يمدي تقضون للمدرسه
منيره : اي نروح كلنا مع بعض بكره
مها : بكره جمعه مزرعه نسيتي
منيره : صح بعد بكره اجل
مها : تم
...................................••..................................
بيت الجد حامد
عند نعيمه صحت وراسها مصدع نزلت تدور لها حبوب راس
: اف مو قته ذا اخخخ مصدعه
دخل عليها فارس شافها حاطه يدها على راسها
: فيك شي
لفت نعيمه عليه : راسي مصدع
فارس : اخذي لك حبوب راس
نعيمه : لا خلاص بسوي قهوه احين يروق اعرفه انا
فارس ضحك : اي بكيفتس
وخذ دلت الشاي وطلع المجلس
...................................••..................................
بيت ابو سيف
صحت خلود على ازعاج سيف ومطلق نزلت لهم
: انتو شوضعكم الناس نايمه
مطلق : هلا هلا بالحب !!
سيف : الحب ذي حق حاجته معليك منه
لفت خلود عليه : اي داريه اكيد يبي ياكل !
مطلق : اموت على الي يفهمني
ولف على سيف : مفروض تقوم تسوي لي بس ماش
سيف : هذا الي ناقص !!
مطلق : بشوفك عند ام مهيار وش بتسوي ؟؟
سيف تذكر مها وبضحكه : اي عاد قلتها ام مهيار ذي
مطلق : ياربي ذا الخروف !!
سيف : طالع منها عاد بشوفك اذا تزوجت
خلود : اقول يا ابو مهيار قم المطبخ
سيف بصدمه : افاا احين انا اروح المطبخ !!
خلود : بجي اساعدك بس لازم نحللك قبل لا تتزوج
ولفت على مطلق وغمزت له : صح
مطلق : صح
جاتهم جود : اوووو صاحيين
خلود : صحيت توي بس انتي باين صاحيه من زمان
جود : من الساعه ١٠ صاحيه وجلست اسولف مع فاطمه
خلود : اييي وعلى ذا السرير بس
جود : ولله كنت تعبانه المهم مافي اكل جعت
سيف : يلا جات الثانيه
جود : اي دام الثانيه اجل مطلق المشفوح يبي اكل
مطلق بتمثيل للزعل : احين انا مشفوح ؟؟
جود : لا لا تكفى مو انت ان ولله المشفوحه
الكل : ههههههههههههههههههههههههههههههههههههههههههههههههههههههههههههههههه
...................................••..................................
بيت ابو هتان
نزلت كادي الصاله
: الحلوين صاحيين
منيره : اي والست فاطمه ماصحت
كادي : تهذر مع جود
مها : اف مايخلصون هذره ذول
كادي : ولا رح يخلصون
منيره : اييي ايش الجدول
مها : البيت
منيره : اف
مها : ترا الدوام بعد ثلاث ايام وبعدين خلاص كل واحد بتخلص اجازته
دخل عليهم هتان وشاف منيره مكتئبه :
شفيه الحلو زعلان
منيره : الدوام وانا اختك وش بيكون غيره
هتان : اي ما شبعتي من الاجازه ؟؟
منيره : الصدق لا
هتان : ولله اخذت اجازه عشانكم لان كنتو مأجزين بس خلاص بعد يومين برجع اداوم
مها بضحكه : بقى اشوي واحب رجولك عشان تاخذها هههههه
( هتان كان ما وده ياخذ اجازه بس بعد اصرار من البنات وافق عشانهم )
هتان : بس يعني بالاخير خذتها
مها : الحمدالله
...................................••..................................
الساعه ٩ الليل ارجعو اهلهم وكل واحد في بيته روتين طبيعي
خيال تحوس في البيت بطفش دخلت على جود
: يارب طفشت !!!
جود : وش تبيني اسوي ؟؟؟
خيال : اف وبنرجع للدوام كذا كثير علي
جود : ترا اخر ترم
خيال : مابي
جود : اقول طلعي بره وصكي الباب
خيال : ما منك فايده
طلعت وصكت الباب
وراحت غرفة خلود
: هلا باللي يفهمني
خلود بطرف عين : شعندها ؟؟
خيال : افاا
خلود : لا افاااا ولا بطيخ حافظتك ترا
: رطمي
خيال : قومي جلسي معي سوي لي فعاليات
خلود : اقول انا وحده مصدعه واذا جلست معك بصدع زياده
خيال : اف انتي اساسا متى صرتي عدله !!
طلعت وخلت الباب مفتوح
خلود بصراخ : صكيييي الباب !!!!!
رجعت خيال
: ول فقعتي طبلت اذني بسم الله
صكت الباب وراحت غرفتها
...................................••..................................
عند مها كانت جالسه بغرفتها تتابع فجاة تذكرت
ان سيف عطاها التويتر حقه فتحت جوالها ودخلت وشافت
اخر تغريده منزلها من ساعه :
" انا لو اوجعتك بكلام وفعل
عمري ماخنتك بالشعور "
فهمت انه يقصدها وعطاها تويتر حقه عشان تشوف
وفي نفسها
: شقصده بالشعور
وكملت تكلم نفسها
: مها هو سوااا شي ماينغفر له بذا السهوله ياويلك ياويلك تزعلين عليه ....
ما كملت كلامها الا ودخلت منيره باستغراب
: انتي مين تكلمين ؟؟
مها بتوتر : محد
منيره : شكلتس انجنيتي !!
مها : احين انتي وش فيتس جايه
منيره : وش بتلبسين بكره ؟؟
مها : حق ايش ؟
منيره : انتي اليوم مب بعقلتس وشفيتس نسيتي بكره الجمعه
مها : اهاااا معليش المزرعه 
منيره : توني الظهر قايله لك
مها : طيب نسيت الواحد ماينسى
منيره : المهم نرجع للسوال وش بتلبسين ؟؟
مها : مدري بشوف الي عندي
منيره بتمييع : طيب موها حبي امممم امممم
مها بنرفزه : اممممم خلصي علينا وش تبين ؟؟؟
منيره : ابي بلوزتك الزرقاء !
مها : والبلوزه تودع
منيره بضحكه : لا ولله برجعها
مها : طيب خلاص في الدولاب خذيها
منيره طمرت فوق سريرها وجلست تبوس فيها من خدها
: يالبيه الي مايرفض لي طلب !!!!
مها وخرتها : بس بس كل ذا عشان بلوزه شكول الله
راحت منيره فتحت الدولاب وخذتها صكت الباب وطلعت
بعد بخمس دقايق دخلت كادي
مها تكلمت على طول : الدولاب هذا هو اخذي الي تبين
كادي : زين عرفتي وش ابي
وراحت عند الدولاب تختار
دخلت عليهم فاطمه
مها : لا ياربي انتو مو طبيعين
فاطمه : هاي
مها ماردت
فاطمه : شكلهم طفوشك معاملينك معامله شي ان
مها : خليني ساكته بس
فاطمه : المهم ماما تقول قومو تعشو
مها تركت الي بيدها وقامت لفت على فاطمه
: ياويلك ارجع واشوف الدولاب عفسه
فاطمه : اوك
دخلت مها وفاطمه المقلط
: هلا بـ ابو هتان هلا
وحبت راسه
ابو هتان : هلا هلا
وجت بعدها فاطمه وحبت راسه
مها : اي ان شاء الله انبسطتو بالديره !؟
ابو هتان : اي رجعنا ذكرياتنا ولله بس كنت اتمنى انكم جلستو
مها : ماش ماحبيت الاجواء الصدق
ابو هتان : ايييي ورعان هالجيل !!!
مها بطرف عين : افااا مب عاجبينك ؟!
فاطمه : صرنا ورعان بعد هههههههههه
ابو هتان بضحكه : اي توكم صغيرات
فاطمه : اذكرك بس عمري ٢١
ابو هتان : صغيره !!!!
فاطمه ضحكت : اذا صغار اجل الكبيره كم بتكون بنظرك !؟
ابو هتان : حتى لو صارت اعماركم ٥٠ بتضلون بنظري صغار
فاطمه راحت وحضنته : الله يديمك لنا يارب
مها : امين امين ويديم ذا الدلع
دخلت منيره وكادي يفرشون السفره ويحطون الاكل
وتجمعو كلهم على السفره ياكلون
...................................••..................................
نفس الشي في بيت ابو سيف
الكل جالس على السفره وياكل
مطلق : يعطيك العافيه يا ام سيف لذه
ام سيف : بالعافيه
مطلق : الله يعافيك
ولف على البنات
: ليت يتعلمون منك بس
خيال ناظرته بطرف عين
: اكل وانت ساكت ولا قم !!
خلود : خل عنك الهرج
سيف : الصدق خلود طبخها بعد في المخ
مطلق : صادق خلود اما الباقي اذا تبي تتسمم اكل من طباخهم
جود بتشميقه وبتقليد لكلامه : اذا تبي تتسمم اكل من طباخهم
: اقول وراء ماتاكل وانت ساكت
سيف : انا اقول اسكت ولا عاد كيفك من يفكك من جود
مطلق بخوف : خلاص بسكت الا ذي عاد
...................................••..................................
خلصو تعشو وجالسين في المجلس يلعبون جاكارو وكان معهم فهد بحيث انهم ساكنين في بيت جدهم الي هو ابوه
نعيمه : نواف نايف عن الغش
ريوف : كيف كذا الحظ ماطلعت ولا وحده اف واذا طلعت نتفتوني
نواف بضحكه : اقول بس اتركو اللعبه لاهلها !
ولف على نايف وبغمزه
: صح ولا
نايف : اكيد اكيد !!!
نعيمه : لا تسولف انت وياه كله بالغش
فهد وهو يتفرج عليهم
: الصدق انا شايف نايف يسحب ورقه
ريوف : ذول مايعرفون يلعبون الا بالغش
نايف : ظلم ظلم
نواف : نفس العذر كل مره
نعيمه قامت
: انا مارح العب
نواف بضحكه : دام انسحبتي يعني فزنااااا ومافي حواسه ولا قهوه
ريوف بزعل : نواف بليز قهوه
نواف : انسحبتو مالي دخل
نعيمه : شوف الي بتطبخ لك وتسوي لك اكل مره ثانيه
نايف زعل عليهم : خلاص قومو انا بوديكم
نطت ريوف ونعيمه بحماس : عاششششششش
نواف : خير احنا قلنا اذا فازو وديناهم !!
نايف : رحمتهم مساكين وبعدين تراك بالغش تلعب !!
نعيمه بضحكه : ها صدتكم يا الغشاشين
نواف ضحك : وراك فضحتنا الله يصلحك
نايف : اقول بتروح معنا ولا ؟؟؟
نواف : بروح بروح
ولف على فهد : وش رايك تخاوينا
فهد بتعب : مقدر فيني النوم المره الثانيه
نايف : براحتك يلا لبسو وطلعو
طارو ريوف ونعيمه يلبسون
...................................••..................................
بيت ابو هتان
خلصو عشاء وكلهم متجمعين في غرفة
مها : ايييي بنات وش احين نجلس كذا
منيره : طفشششش
فاطمه : ماعندي اي فكره الصدق !!!
كادي : نروح السطح
منيره : فكره نفرش ونجلس نتقهوى ونسولف وش رايكم
مها : تم
منيره : خلاص كدكد فطوم روحو فرشو واحنا بنجيب اشياء من المطبخ
فاطمه : طيب وبشوف هتان وشاهينوه
مها : هتان نام عشان دوامه بس شاهين اظن جالس
فاطمه : طيب بشوفه
وراحت كادي فرشت فوق السطح وجاتها فاطمه بعد ما نادت شاهين ورتبو الجلسه وجلسو
...................................••..................................
جالسين في المقلط البنات ومعهم مطلق وسيف
خلود وهي تتابع التلفزيون : ولله ذا الاتراك ماعندهم سالفه
سيف : ماش
خيال : ماحبهم الصدق كل شي معيود شاب غني وبنت فقيره وقصة حب مستحيله 
جود بضحكه : اقول لا تسمعك موها !!!!!!
خيال : عاد عشق عندها ذا الاتراك
سيف بفهاوه : موها وش ؟؟!؟
جود : مها اقصد
سيف اول ماسمع اسمها لف عليهم وبضحكه وهو يحك دقنه
: موها اجل
خيال : مهوسه فيهم وبكل مكان حاطه لي ذاك وش اسمه الممثل ؟؟
جود : نسيت وش اسمه كان
وبتفكير : ايييي تذكرت بوراك
خيال : اي ذا فكل مكان حاطته يوهههه ازعجتنا فيه وفيه واحد ثاني اونور تونا اسمه اظن
جود : اي ابو عيون خضر مدري زرق
خلود : اييي والثالث تولغا عاد ذا ما الومها
وبتمثيل للاغماء: يدوخخخ
سيف بقهر وغيره : وش بقى بعد تحب حشى ماتوفر
خلود : عادي طيب مادرو عنها ترا وبعدين مدري وش تبي فيهم !!!!
جود : اهون منك اجل احد يتابع كوري
خلود : اي انااا
سيف : لا ذا ولاذا حلوين كلهم وع
جود : معليش بس الكوريين وع بس الاتراك يجي منهم
ونست نفسها ونطقت : جمال اعيالهم اف يدوخخخخ !!!!!!!!!!!!!
مطلق رمى المخده عليها : استحي يمك اخوانك !
جود بتلعثم : وش فيك اقصد بشكل عام حلوين
مطلق : الي اهو عاد كلهم كفار وما منهم خير
جود تبي تسكر الموضوع : اي صح
...................................••.................................
عند نعيمه وريوف بالسياره طلب لهم نايف من ستاربكس وخذو الطلب وجلسو يتمشون بالسياره
نواف وهو يغني بصوت عالي  ويتميلح ويتمايل مع الاغنيه  وبغمزه :
"يا ابن الاوادم ترا مليت المح لك "
نعيمه بضحكه وتدندن :
"انا اعزك واحبك واعشق ترابك"
وجلسو يتمايلون مع الاغنيه ويدندنون معها
نعيمه ضحكة : نواف شكلك في البدايات !!!!!
نواف وهو يحط يده على قلبه : اخخخخ احبهااااا
نعيمه وريوف بصراخ : مين مين ؟؟؟
نواف وهو يتبوسم ويدندن : سر ما اعلم !!!!
ريوف : اويلي اخوي عشقان وولهان وتوني انتبه
نعيمه : أخص نواف
وبغمزه : لازم تعرفني عليها يمكن تقص عليك بعد
نواف : اذا خطبتها تعرفونها
نعيمه بشهقه : وصلنا للخطبه شكل الموضوع جد
نواف : اي جد
نايف : خلاص نخطب انا وياك مع بعض
نواف ضحك : تم
...................................••..................................
في السطح ضحك وسوالف ويسترجعون ذاكرياتهم وهم صغار
مها : شاهينوه ولله ماخليك !!!!
شاهين بضحكه : ولله كنت صغير مالي دخل اكيد اني بغار منك
مها ضحكة : حرام عليك كنت تشوفني اصيح وتطلع سواتك انت
شاهين : شسوي بعد كنتي دلوعه ومغروره
مها شهقت : اناااا ؟؟؟؟
شاهين : اييي كان ابوي مايرفض لك طلب وانا انقهرت
منيره بضحكه : شاهين حيوان حراممم عليك
فاطمه : صادق هو مهوي كانت المحبوبه مدري وش السر
كادي : دام شاهين اعترف انا عندي اعتراف بعد
مها تعدلت : اعترفي وش ؟؟
كادي : تذكرون ذاك اليوم في رمضان صحت ماما الساعه ٩ الصباح
منيره : ايييييي !!!!
كادي : ودخلت عليكم المطبخ وكنتو مفطرين و تاكلون
فاطمه فتحت فمها بصدمه : ليكون انتي ؟؟
كادي فقعت ضحك : ولله قهرتوني قلت لكم بنزل معكم قلتو نامي !!
شاهين ضحك : لو نزلتي معنا كان اليوم الثاني قلتي لها
كنتي ام علوم ما تخبين عنها شي
كادي بضحكه : اي اساسا شفتكم ورحت صعدت عند ماما وقلت لها
مها : وانا اقول ماما وش يجلسها ذا الوقت
منيره : كلبه كنا تونا بدايات المتوسط هههههههه
كادي : ولا رحت فوق وكملت نومي ولا كاني سويت شي
شاهين ضحك : الصدق ماشكينا انك انتي لان شفناك بسابع نومه
مها : اف التوبه ذاك اليوم ماما خلتنا نغسل الحوش والسجاد
منيره ضربت كادي بخفه : اح ياحماره ولله يدي راحت فيها ذاك اليوم
كادي : اسفه !!!!! هههههه
...................................••..................................
عند خلود : بنات قومو نروح الغرفه ونحط لنا فلم عدل ونتابع
خيال : يلا يجيب سناكات واجيكم
خلود : طيب يلا امشي جود
وراحو الغرفه
مطلق : اييي وش احين سحبو علينا
سيف : انا بروح اخمد
مطلق : يلا حتى انا بقوم انام
وقامو كل واحد غرفته ينام
في غرفة جود البنات حاطين فلم يتابعون وياكلون سناكات
...................................••..................................
الساعه ١١ الظهر الكل يجهز للمزرعه والعيال في المسجد يصلون
بعد ماخلصو اتجهه الكل للمزرعه وتجمعو هناك
جهزو الغداء وحطوه وبدا الكل يتغداء الرجال في الخيمه بره والحريم داخل
في المجلس الصغير عند البنات بعد ما خلصو غداء
خيال : بنات ماصدق الدوام بعد يوم
منيره : اخخخ لاتذكريني
نعيمه : اف
مها : بيصير عندنا خريجات
خيال : واخيرااا بتخرج
( ريوف تخصص ادارة اعمال وهذا السنه الثالثه لها )
( خلود وفاطمة داخلين قانون وهذا ثالث سنه لهم )
( جود مهندسه وهذي السنه الثانيه لها )
( منيره ونعيمه وخيال اخر سنه ثانوي ويتخرجون )
( كادي السنه الجايه اول سنه بتكون لها في الجامعه لانها جلست سنه كامله تذاكر عشان تجيب المعدل الي تبيه )
( مها داخله معهد رسم )
منيره : بنات بكره لازم نروح نتقضى حق الدوام
خلود : خلاص تم نروح كلنا بكره
...................................••.................................
الساعه ٥ المغرب
في الخيمه جالسين يتقهون وسوالف
سيف : هتان متى بداوم ؟؟
هتان : كنت بداوم اليوم بس خلاص بكره
سيف : اي
نواف يسولف مع مطلق : انت للحين ما لقيت لك مشروع تشتغل عليه
مطلق : ولله كلمني خويي وقال في شركة يبون مهندس جديد بشوف ان شاء الله لي نصيب فيها !
نواف : ان شاء الله تفائل انت بس
...................................••..................................
عند البنات كل وحده جالسه على جوالها
مها لفت على البنات : مين تروح معي عند الخيول
جود : انا بروح اشوف النادره
مها : والباقي محد بيروح ؟!
الكل : لا
مها :  مشينا جود
جود : يلا
وراحو عند الاسطبل
جود : اف نسيت جوالي !!
مها : شتبين في جوالك
جود : ابي اصور النادره
مها : بعدين صوري
جود : لا احين ابي بروح اجيبه واجي
مها : طيب
راحت تجيب الجوال
...................................••.................................
عند سيف طلع من الخيمة يتمشى في المزرعه مر من عند الاسطبل ووقف اول ماسمع صوتها
كانت تكلم ليل ببراءة : ما اشتقت لي مثل ما اشتقت لك
وترفع راسه وتمسح عليه : ها ياحلو ما اشتقت لي !؟
ميز صوتها رغم معرفته انها موجوده وما تحل له راح وهو يراقبها ويتأملها وهي تتغزل بـ ليل
كانت لابسه فستان ريفي احمر ناعم علاقي تحت الركبة منقش بالورود البيضاء وكنادر لونهم ابيض وشعرها مفتوح ستريت كانت في قمة الكياته !
ماحس على نفسه الا وهو داخل الاسطبل وجاء من وراها وحاوط يده على خصرها ونزل راسه يسنده على كتفها
اول ماحست بيده دفته بسرعه ولفت عليه وبخوف : وش تسوي انت ؟؟
سيف بعجز : مو قادر ارحميني
مها بارتباك : سيف رح بتجي جود احين وبتشوفنا
سيف : اسمعي وش بقول طيب ؟؟
مها : ما ابي اسمع رح
سيف قرب ومسك كف يدها 
حاولت تشيلها بس ماقدرت وبعصبيه : سيف انت ماكنت كذا وش غيرك
وخر عني
سيف بانفعال : وانتي ماكنتي كذا ليش تسوين فيني كذا وتقهريني ليش
وكمل بـ غصه وقهر وصراخ : انت تدرين وش صار فيني يوم شفتك كاشفه قدام خلق الله الرايح والجاي يناظر فيك نار تشتغل بجوفي نار
وترك كفها وهو يرجع وراء : قلت مستحيل تكون هي بس للاسف انتي ماتوقعتها منك ومن القهر ما ادري وش سويت ماكنت شايف قدامي من العصبيه
مها وهي الي حست بتصيح من صراخهه عليها وزعل من كلامه بس مستحيل تبين لاحد ضعفها وبكل برود وراسها مرفوع وبطريقه تقدر تقهره
بـ اسلوبها ونطقت : انت وش دخلك فيني ؟؟ ابي افهم انت......
قاطعهااا بكلمههههههه !!!!!! حست وكان ماي بارده انكبت فوقها  وبدا صدرها ينزل ويصعد من التوتر ونبضات قلبها تزيد وبتعابير الصدمه على وجهها نطقت بتقطيع
: ك كي كيف
سيف : اي احبككككك !!!!!!!!
وعيونه تجمعت بالدموع : احبككك ولله ويشهد علي ربي اني احبك !!!!
مها حطت يدها على راسها من الصدمه وبصعوبه تكلمت : هذا مو حب
لا لا مو حب اعجاب وانت تقنع نفسك انه حب لا لا
سيف تكلم بانفعال : انتي الي تكابرين على نفسك وماتبين تصدقين الا نفسك وغرورك
انتي ماتبين تطلعين الغلطانه انتِ تبين نفسك الصح دائما ومحد يهزك ويكسرك وماخذه الحياة مهزله !!!!!!!!!!
مها فتحت فمها بصدمه وبرجفه : صدقني انت ماتدري وش تقول فـ الاحسن تروح من هينا !!!!!!!!!!!
وتأشر له يطلع !!!!!
سيف : بطلع بس كلامي ذا انا واثق انك مارح تنسينه واذا بتجلسين على غرورك هذا وعدم اهتمامك بتخسرين كل شي تحبينه صدقيني
طلع وهو مايدري وش سوى فيها ومو عارف ان كلامه جاء جرح في قلبها
دخلت جود عليها وهي الي سمعت كل حديثهم مسكتها و كانت ارجولها مو حاملتها : اجلسي اجلسي
مها والدموع بحناجرها واقفه : سمعتي صح سمعتي
جود هزت راسها بـ نعم
كملت وهي تأشر على نفسها : احين انا ماخذه الحياة مهزله ومغروره ومايهمني شي
جات بتكمل قاطعتها جود وهي تحضنها : خلاص يا امي انتي خلاص معليك منه هو ما عارف وش يقول من القهر
مها تتكلم بقهر  : صدقيني مارح انسى اي كلمه قالها ولله ليندم على كل كلمه قالها
جود : انتي بتزيدين الطين بله كذا
وكملت بقلت حيل : لا تاخذين كل شي بتحدي وتهور انتي بتخسرين كذا
مها : انا ما سويت شي غلط هو الي بيخسر
وقامت وكأن ولا شي هز فيها عكس الي بداخلها
نارررررر وقهررررررر وضيق من كلامه
طلعت ليل من الاسطبل وجود طلعت النادره
وتوجهة مها ب ليل بره المزرعه وجود وراها
: مها خلينا نرجع بيطلعون مارح يلاقونا
مها كانت تمشي بـ ليل بدون صوت ولا رد
جود : مها لا تتهورين وخلينا نرجع !!!!!!
مها : ارجعي انتي !
جود : مارح ارجع الا وانتي معي
مها : انا مارح ارجع!!