هلاَ باللي عجزت ألقى عذاريبه هلا بالليِ تحبه كل أسبابي

البارت العاشر

البنات كانو فاتحين مكالمه جماعيه
خلود : بنات صدمه ولله !!!!
منيره : انتو متاكدين ؟؟؟
خيال : اقولك كنا معهم جالسين !!
منيره : مدري احس مايصلح
مها : وش الي مايصلح ؟؟
منيره : اقصد يعني عمي مدري غيور كيف وهي متفتحه
ضحكت نعيمه : ايه عادي وش بيسوي يعني بالنهايه هو الي طلبها ويبيها
منيره : صح
جود : عاد ابوي قال له بيروحون ويطلبونها بكره !
خلود : تحسون بتوافق ؟؟
البنات سكتو
ريوف شهقت : تخيلو ما توافق ؟!
كادي : لا ان شاء الله
فاطمه : ولله بيكسر خاطري عمي اذا رفضت
مها : تفائلو بالخير انتو شفيكم
منيره : من جد
......................••.....................
تحت في المقلط
ابو هتان بفرح : جهزي نفسك يا ام هتان بكره بنروح ونطلب بنت الحلال لـ فهد
ام هتان بفرحه : واخيرا قرر يتزوج
ابو هتان : اي ولله واخيرا توه مكلمني جاسم وقايل له انه يبي بنت مزنه
ام هتان : ما شاء الله تهبل البنت خلاص بكره نروح ونطلبها وان شاء الله خير
.....................••......................
طلع بعد ما قال لـ اخوه انه يبي يخطب ركب سيارته وحرك
وفي نفسه ( بتوافق ولا ... اذا بترفض وش السبب ... هي متفتحه بزياده ... )
ومن فكر مجرد تفكير انها تبي واحد متفتح : يخسى وبعدين من ذا المخبول الي يخلي الناس تشوف محارمه !!!!
وصل البيت ونزل وكانو جالسين في المقلط وبس البنات يدرون انه بيخطب
دخل عليهم وجلس والابتسامه شاقه وجهه
نايف كان جالس على التلفزيون وبيده الريموت ومن شاف عمه يتبوسم
طفى التلفزيون ولف عليه وبغمزه : شعندك ؟؟
فهد : شتبي انت
نايف : امانه قول شعندك ؟؟!
ضحك فهد : مني بقايل لك كمل تابع
نعيمه : انا اعرف وش فيه
لف عليها فهد : اييي مير البنات قالو لكم اكيددد
ريوف ضحكت : اييي
فهد : ما شاء الله ينتشر الخبرعندكم بسرعه
نايف : خلاص وقفو الغاز وقولو وش صاير
فهد عدل نفسه : جهز نفسك عشان تزفني
فز نايف عنده : في ذمتك !؟
فهد ضحك : ولله
نايف بصراخ : واخيرا واخيرا بتتزوج
ورفع يده يدعي : ياربي انه مو حلم يارب
ضربه فهد : وجععع تدور الفكه مني
قاطعهم دخوليت نواف : وش فيكم ؟؟
نايف راح وحضنه ويأشر على عمه : شفت ذا بنفتك منه بيتزوج
نواف فتح عيونه بصدمه : احلف ؟؟؟
نايف : وربي
وقفو بنص المقلط وبدو يغنون له بفرحه ويرقصـون :
" ويا فرحة العيله جوزنا الغالي يافرحة العيله "
ونعيمه وريوف يصفقون ويعززون لهم !!!!!!!!
( الكل كان فرحان ومستانس لان العم الاحب لقلبهم بيتزوج وبيفرحون فيه )
.......................••.........................
جاء المغرب والبنات كانو دايخين تقريبا من الدوام
منيره وخيال ونعيمه وخلود و ريوف و فاطمه نامو كلهم لانهم كانو مداومين يريحون لهم ساعتين
جود كانت جالسه في غرفتها وتتابع لحد مادخل عليها مطلق
: زين لقيت وحده جالسه
جود : تعال
جلس يمها : شوفو في ايميل جايني ماعرفت افتحه
جود خذت التابلت منه : اشوف
وفتحت الايميل وكان طلب من شركه انه يجيهم عشان شغل
نقزت جود بفرحه : ماصدق
مطلق : وش فيك ؟؟
جود : هذي شركه يبونك تجي عندهم عشان تهندس مشروعهم الجديد
مطلق بفرحه : احلفي
جود : ولله
وتوها تنتبه لـ اسم الشركه وصرخت
مطلق : هااا شصار اكيد غلطانين وراسلينه لي وهو لواحد ثاني صح
جود : لا لا توقع من شركته
مطلق : مين ؟؟
جود : شركات آلـ زايد بكبرها طالبتك !!!!!!!!!
مطلق بصدمه : مستحيل
جود قريت التابلت عنده : شوف
وجلس يقرأ وهو للحين مصدوم وماتوقع ابدا انه بيشتغل بشركة كبيره مثل شركات آلـ زايد
...........................••........................
مها كانت طفشانه نزلت تحت وكانت في غرفه مخصصه لها كانت ترسم فيها دخلت وسكرت الباب وافتحت التكييف وطلعت لوحه جديده وبدت ترسم
وهذا الشي الوحيد الي كانت تسويه اذا تضايقت او كانت فاضيه
...........................••.............................
الساعه ٨ الليل
في المطبخ يسون العشاء لاخوانهم
كانت تسولف
نعيمه : وعاد ولله عضيتها عض عشان تعرف تقول لي زباله
ريوف شهقت : ول حـرام عليك
نعيمه : اجل انا نعيمه بنت مطلـق تقولي زباله
ريوف : تقولين لها سوسه وماتبينها ترد
نعيمه : احين انتي معها ولا معي مافهمت
ريوف : قطعي قطعي الطمام بس !!!!
دخلو عليهم نواف ونايف
نواف ضحك : وش فيك فصلتي عليها
نعيمه طلعت عند باب المطبخ تراقب فارس : زين مو موجود
رجعت عندهم وقالت بهياط : فاتـكم دجينا بـنت دج !!!
نواف : اح !!
نايف بصدمه : شسويتي فيها !؟
نعيمه : عضيت لحمها المعفن عض !!!
نواف حط يده على فمـه : راحت فيها مسكينه
نايف تحمس : قولي لي السالفه بالتفاصيل
وبدت تقول لهم السالفه من اول مادخلو من المدرسه لحد ماطلعو منها
: اي ومنور كملت عليها باظافرها حفّرت فيها وخيال تمشي وتلطخ فيها ولله بردو قلـبي فـيها اجل انا تقول لي زباله
نواف يطالع بصدمه : انتي متاكده ان منور ضربتها
نعيمه : اي اقولك ما خلت فيها لحم وما حفرت فيه
نواف سكت وبعدها فقـع ضحك
نايف : ووراها خيال تمشي وتصفع فيها
نعيمه : ذا عاد من الفطره اي احد يعصبها مشت والطخته ( صفعته )
نايف بضحكه : ياويلي !!
نعيمه بغباء : انت شدخلك ؟؟
نايف بورطه : اقصد ياويل الي يقرب منها
نعيمه : اي
نواف بحنيه : اهم شي يد منور ما صار لها شي
نعيمه رفعت حواجبها : منور !!!! خير تمون يا الاخ
وبعدين شدخلك بيدها
نواف حك راسه بتصريفه : لا شفتك تقولين منور قلت اقول زيك
وبعدين مسكينه يدها فهمتي
نعيمه : اقول توكل انتي وياه خلصت سالفتي
نواف ونايف قامو وطلعو وهم للحين مصدومين واول ماوصلو المقلط فقعو ضحك وهم يتخيلون البنات وهم يضربونها
...........................••..........................
في بيت ابو هتان خلصت ام هتان العشى ونادت البنات يرتبون السفره عشان يبدون ياكلون
شاهين : مها وين ؟؟
ام هتان : في غرفتها
شاهين : مافي احد
ام هتان : اكيد انها ترسم في الغرفه الثانيه
شاهين : طيب بروح لها
وراح شاهين وفتح الباب وحصلها : يا الفنانه قومي اتعشي
مها : يلا بس دقيقه !!
قرب شاهين منها ووقف عندها وهو يشوف رسمتها : ما شاء الله 
مها حطت الفرشاة على الطاوله ومسحت يدها : وش رايك !؟
شاهين ببتسامه  : تهبـل
مها تتفحص في الرسمه : يجي مني!!
يلا مشينا نتعشى
..............................••..........................
نفس الشي في بيت ابو سيف جالسين ويتعشون
ابوسيف : ها يا ام سيف قلتي حق مزنه ان بنجي ونطلب بنتها !!!
ام سيف : اي قلت لها وقالت حياكم الله 
ابو سيف : زين
مطلق الي مايدري عن شي : تطلبونها لـ مين ؟
ابو سيف : لـ عمك فهد
مطلق ضحك : ماعرفته يبي راعية الدوج اجل ها
خلود : اجل ها يليق له ولله
.............................••...........................
في بيت مزنه
بعد اتصال ام سيف عليها وهي توها ماعطت ساره خبر
راحت لغرفتها وطقت الباب
ساره : تعالي
دخلت مزنه : ورا مانزلتي تعشيتي
ساره وهي تتطقطق في الجوال : مو مشتهيه
مزنه : طيب في موضوع بناقشك فيه
ساره رفعت عيونها تطالع بامها ومن شافت جديتها بالموضوع طفت الجوال وتربعت
: صاير شي
مزنه :  مافي الا كل خير ان شاء الله
ساره ساكته
كملت مزنه : كلمتني ام سيف
ساره : اي
مزنه : وقالت انه جايين بكره عشان يخطبونك !!!
ساره للحين ساكته وتطالع امها وكانها مو مصدقه : ت تخ تخطب مين !؟
مزنه : وش فيك بسم عليك اقولك يبون يخطبونك لـ فهد ولد حامد الصغير
ساره بدون تفكير ونطقت بسرعه : مستحيل مستحيل ماما لا
مزنه بحده : نعم !؟ وليه مستحيل شايفه على الولد شي انتي !؟
ساره : لا مافيه شي بس انا مابي
مزنه بعصبيه : مب على كيفك ماتبين
( مزنه كانت خايفه على بنتها لانها مالها الا هي وابوها متوفي وماعندهم احد الا خالها واساسا نادر يجي عندهم وهي تبي تزوج بنتها عشان اذا صار شي لا سمح الله لها تكون مطمنه عليها وبين ايادي امينه )
ساره قامت من على السرير ووقفت قدام امها  : ماما والي يعافيك اسمعي
انا وحده متفتحه تعرفين وش يعني متفتحه ؟؟؟؟!!!!!! مقدر مقدر اخذه هم ناس مافيهم الا كل خير ويشهد ربي علي اني احبهم واحترمهم واعزهم بس مستحيل اخذ منهم لا !!!!!!
مزنه بحده : معليه مب قايلين لك شي هم
ساره : لا لا انا اعرف ولدهم متشدد ومايحب العبايات الي البسها ولازم نقاب
مزنه : اساسا هذا الرجال العدل ومن يبي الناس يشوفون محارمه صاحيه انتي
ساره : ياربي ماما انتي بس فهميني والي يعافيك انا قلت لا يعني لا
مزنه بزعل وعيونها تلمع من الدموع  : اذا كنتي تدورين رضاي وتبين تريحين قلبي وافقي !!!!!!!!!
وبالنهايه القرار الاول والاخير لك وطلعت وسكرت الباب وراها
وخلت ساره لحالها تحت تأثير الصدمه
: ياربي انا وش اسوي احين !!!!!!!
........................••..........................
في قصر الـ زايد
كانت حصه في غرفتها وتلعب مع ميلا ( قطوتها )
لحد ماجاتها وحده من الخدم الي يشتغلون بالقصر : مدام حصه في ينزل عشى انتَ
حصه كانت متنرفزه من ناصر وماتبي تشوفه
: خلي يجيبون لي الاكل باكل في غرفتي
الخادمه : تمام مدام
وطلعت تجيب لها الاكل
نزلت عندهم الخادمه وكان الكل على الطاوله ينتظر حصه
بدر : حصه وين !؟
الخادمه : مدام قول جيب اكل غرفه
بدر مستغرب : هي قالت لك كذا
الخادمه : اي
بدر : خلاص ودي الاكل لها فوق
الخادمه هزت راسها بـ طيب
لف بدر على ناصر وبحده : مسوي لها شي انت
ناصر : افا يا عمي وش بسوي لها يعني
بدر : انا احذرك الا بنتي خط احمر فاهم !!
ابو ناصر : هد يا بدر اذا هي بنتك وذا ولدي ومارضى عليه
ولف على ولده : متاكد ما ضايقتها بشي !!
ناصر بكذب : ماسويت شي
بهاج : لا تكذب !!!!
لف عليه ناصر وبحده : اسكت
بهاج لف على ابوه وبدا يقول له وش صار
ابو ناصر ضرب الطاوله بيده : وتكذب علي بعد
ناصر بخوف : يبا انا بس
سكته ابو ناصر وطرده من على الطاوله
راح ناصر غرفته وهو ميت من القهر
: انا يطردني عشانها ولله ماخليها لها
...........................••.......................
جات الساعه ١٢ والكل نايم من دون استثناء من تعب الدوامات
يوم جديد الساعه ٣ الفجر قام الكل عشان يصلون الفجر
العيال توضو وطلعو للمسجد صلو ورجعو نامو ونفس الشي عند البنات
صلو ورجعو نامو لحد الساعه خمسه
جات الساعه خمسه والكل صحى يجهز نفسه للدوام