#لاتتركي_يدي
البارت_السابع عشر
شمس..فتح عيونه ع وسعهن
ابوي:-هاي ليش هيج؟؟
ورد..حجتله كلشي
ابوي:-دائما اكلج يابابا خليج صريحه وياي شنو حاجيتيهه؟؟
ورد:-كتلهه اني مو ام عيون شيرازية ماقبل احد يكولي هيج
ابوي:-تمام اروح للمدرسه واشوف الحقيقه
ورد.تغير لون وجهه ..لا بابا لحظة
ورد:-اني عليت صوتي عليهه وهي عصبت
ابوي:- وليش تعلين صوتج؟؟؟
ورد:-بدون قصد
ابوي:-متدرين انتي هل شي غلط وحتى لو المعلمه اسلوبهه موزين هي الشاطر تحبه والكسلان متحبه
ورد:-يعني اني كسلانة
ابوي:-لا بنيتي انتي عليتي صوتج اكيد تكون رده فعلهه هيج ميصير ياحبيبتي بعدين نتفاهم خلي اروح هسه للمدرسه
ورد:-شراح تسوي
ابوي:-اكييد اعتذر منهم تصرفج غلط مايصير ..وماريد هذا الغلط يتكرر رجاءً يعني
ورد:-حاظر..طلع من الغرفه وهي كعدت تبجي
ورد:-ولله مسويت شي هيه الغلطت وياي
شمس:-بعد ماحاجيج!!! .. ماتوقعتج هيج تسوين ويه الاكبر منج هسه شيكولون تدرين من تسوين غلط انتي تجيبين الحجي لاهلج مو الج .
ورد:-اني اسفة ماعيدهه
شمس:-نشوف ..خاف بس حجي؟؟
ورد:-لاوداعتج
شمس:-ماشي نشوف.. رحت حظرت الغدة. رجعت لورد لكيتهه تدرس
شمس:-عفيه درسي درسي
ورد..خزرتني
شمس:-تادبي ولجج
.......
قمر..حسيت مي يجي ع وجهي
رعد:-كعدي يولي شبيج
قمر:-عزااا شفتتتهاا طلعت من المراية
رعد:-منوووو
قمر:-شبيهتيييي..جانت تشبهني ووتحولت جانت عيونهه اسود ببيض و.. اختنكت ماكدرت اكمل
رعد:-اخذي نفس.
قمر:-طلعني منا طلعنييي
رعد:-ماطلعج باحلامج
قمر:-شتريد تسوي بعد ماكفاك. السويته
رعد:-باعي هاي...
قمر:-عزااا هاي وييين ويمتهه
رعد:-تم الارسال والنشر
قمر:-لككك. شسويتتتتت لييييشششششش..
رعد:-يلا ولي من يمي
قمر:-عزاااا شسوي هسه شسوييييي
.....
شمس..كاعدة يم ورد ...دقائق وسمعت صوت صياح وغلط ..طلعت شفت اخواني وابوي واحد يركع بالثاني.. شصايرر
ابوي:-لكككك انييي اعلمه اذا مامسكته الشرطة تمسكه..وهاااي الي تتسمى بنتنه صوجي لفيتهه بيتي ماترجع لبيتنه لو مدري شيصير..
......
..
رعد:-كتلج ولي دبري روحج بسيارة وروحي لبيت اهلج يلااا
..طلعت من البيت دنيا نهار
الساعه 2:30 الظهر.
-خوية شنو هذا حالج بشنو اساعدج؟
-وين الشارع العام؟؟
-ع ايدج اليسرة ترحين بعدين ع تلكين محل كدامج تكملين كله كدام تمشين تلكينه
..رجعت امشي وصلت للشارع العام
-خوية شكد كروتك؟؟..باوعلي شافني مستعجله طلب كروة غاليه بس طبعا واكيد ماتمشي عليه خليت ومشيت مهما كانت ضروفي مستحيل اخلي ناس تستغلني باصعب اوقاتي..
رجعت اجرت تكسي الحمدلله كروتة مو غاليه..
وصلت للبيت..نزلت من سيارة خايفة لايكونون مصدكينه..دكيت الباب..مرة ومرتين ثلاثة..طلعلي ولد صغير غريب ماعرفه..
..يتبع
اتمنى محد ياخذ اسلوب ورد ع انه اسلوب زين هل اسلوب موزين واني داتحدث بالقصه عن بنات هل وكت الي يتجاوزن ع استاذاتهن وبنفس وقت اتكلم ع المعلمات الي يعنفن الطالبات بلا سبب واخيرا أن شاء الله البارت الجاي نودع القصة..🦋💜
لاتنسوون
⭐⭐⭐⭐⭐
أنت تقرأ
لاتتركي يدي
Romansaفتاة تواجه مصاعب الحياة لوحدها تحوم الذئاب حولها لتأكلها ف هل تنجو ؟ تابعو واستكشفو 💜🦋؟؟؟
