قصــة حــب خــالد ونـــدى
بــقلم الــكاتبة:𖤐.
------------------------------------------------------
في ذِمَّةِ اللهِ ما ألقَى وما أجِدُ
أهذِهِ صَخرةٌ أمْ هذِه كبِدُ
قدْ يقتُلُ الحُزنُ مَنْ أحبابهُ بَعُدوا
عنه فكيفَ بمنْ أحبابُهُ فُقِدوا
تَجري على رِسْلِها الدُنيا ويتبَعُها
رأيٌ بتعليلِ مَجراها ومُعتقَد
أعيا الفلاسفةَ الأحرارَ جهلُهمُ
ماذا يخِّبي لهمْ في دَفَّتيهِ غد
طالَ التَمحْلُ واعتاصتْ حُلولُهم
ولا تزالُ على ما كانتِ العُقَد
ليتَ الحياةَ وليت الموتَ مرَحمَةٌ
فلا الشبابُ ابنُ عشرينٍ ولا لبَد
ولا الفتاةُ بريعانِ الصِبا قُصفَتْ
"اليوم الثاني من موت ام سالم"
_فزيت من النوم على صياح يارب دخيلك منو مات بعد !!
رحت اشوف شيماء لكتيها مموجوده طلعت بسرعة من الغرفة ادور عليها وگلبي يرجف
اخاف صار الها شي لان هاي امانه عندي
رحت للحديقة واجاني نسيم الهوا
اباوع عصفوره مكسوره وكاعدة وحدها تبچي بهستيريه ....شسوت بيج الايام
احسها كبرت 20 سنه بعد وفاة امها
كعدت يمها واباوع بعيونها حمر دم
وحته ما انتبهت عليه احسها بعالم وحدها
وسرحانه بخيالها ويمكن تفكر انو بلكي الي صار حلم واكعد منه ...
مادري ....مادري شاسوي ..هل موقف صعب كلش ...تشوف شخص مكسور وهوه عزيز عليك...ومتكدر تسوي شي اله ...تحس نفسك ضعيف كلش والاحزان الي بلدنيا اكبر منك بهواي
ندى:حبيبتي شيماء كافي تبچين لسوين بنفسج هيج دتأذين كل الي ايحبوچ هم
ادري انتي ظايجة ومقهوره بس خلص هل شي صار وما نگدر انغيره ولله سبحانه كاتبة الج ولازم تصبرين وامچ تره ما رايحة بعيد بعدها موجودة بقلب كلشخص ايحبها..كومي يله كافيي رايحه اجيبلج ملابس من بيتكم
شيماء:مسحت دموعها....لا اصلا كافي اليوم عندج دوام وما رحتي علمودي دور اجيبين ملابسي
ندى:شنوو ولج ...غير اني انطيج عيوني انتي اختي الي احبها واني جنت دائما اكول لماما اذا چبتيلي اخت راح ادللها واعيشها ملكه...
شيماء:ابتسمت وحضنتني ...الحمد لله انتي موجوده
ندى:حضنتها، اني يمج دائما وماعوفج وحته اخوانج وابوج وماما محد عافج وكلنه نحبج ووياج لاخر نفس لان انتي الورده مال العائله ...
يله روحي غسلي وجهج ماريد هلعيون الحلوه تبچي بعد...
رحت لبيتهم اول مدخلت لكيت الگرايب كلها نايمه شنو السالفة ماكو مكان امشي بي
رحت لغرفتها بلگوه
ضليت ادور عل ملابس لكيت كم قطعة سودة اخذتهم الها
طلعت من البيت وصار بوجهي سالم كمزني..
ندى:يمه شبيك كاعد هنا حته خوفتني
سالم:الجگاره بيده ويحچي، اسم الله على گلبج مو شايفة وحش حقج تخافين،،،شعندي كاعد شنو لازم اخذ اذنچ اكعد لو لا ،،، اصلا لازم اني اسألج شعندج كاعده وجايه لبيتنه
أنت تقرأ
أنا أحببتكِ اكثر!!
Любовные романыشنو لا ماكدر اخون ثقه امي بيه ....انت تعرف نفسك شدتحجي ....لا مستحيل اسوي هيج شي. مرحبا اني ندى داحجي قصة حياتي وهم قصة حبي الاول حياتي عبارة عن تعب خلصتها من اني وصغيره بسبب الگرايب هاي حال الي عايش بنص گرايب(الگرايب عگارب صح لسانة الي كالها ) كل ف...
