اغلى ناسي و اجمل اقداري

الجزء الاول

الجمعه - الساعه ١٢ الظهر

موزه : للحين فطوم ما قامت ؟

خليفه : لا امي بعدها ، ما تعرفين بنتج ترقد الفجر و تقوم المغرب

علي : خلوا بنتي على راحتها

خليفه : لا أبويه لازم تقوم من وقت انا تولهت عليها

علي : زين سير قومها

راح خليفه لفطوم و طبعا خليفه ما ييوز عن حركاته ، راح ياب غرشة ماي و كبها على فطوم

خليفه: ويووو

فطوم : ما عليه خلوف انا برويك

و قعدوا يضحكون على حركاتهم و طبعا خليفه انهزب شوي

نروح عند أهل محمد شوي

محمد : هلا امايه

شيخه : هلا حبيبي شحالك ؟

محمد : بخير يوم شفتج

مايد: احم احم

ضحك محمد

دش هزاع و هو تعبان و مبين على ويهه التعب

شيخه : شو فيك هزاع حبيبي جي تعبان؟

هزاع : مب راقد عدل امس ، لا تحاتين فديت عينج

ريم كانت فاضيه و طبعا دقت على فطوم

ريم: هلا هلا بالحب

فطوم: الحينه هلا بالحب ها ؟ ما رمستيني من يومين و تولهت عليج وايد يالحماره

ريم : نزين احبج وايد و ترا انا تولهت عليج بعد

فطوم : صح انج حماره بس شو اسوي انتي اختي الي ما يابتها امي و للأسف انا بعد احبج و اموت فيج

ريم : ادري ادري

فطوم: ريماني اليوم بتطلعين مكان؟

ريم: لا ليش ؟

فطوم : تعالي بيتنا ابا اقعد وياج

ريم : زين بسكر عنج الحين و بشوف منو بيوديني

فطوم: زين و يلا انتبهي لنفسج

تتوقعون شو بيستوي فالبارت الياي ؟