ريم : حشى بتاكلينهم بعيونج 😂
فطوم : ريموه قومي بنطلع من الميلس ترا لاعت جبدي
ريم : شرايج نسير الدكان مشي ؟
فطوم : اوك بس بقول لعبدالله
سارت فطيم عند عبدالله و قالت له و سمعتهم مريم
مريم : انا بسير وياكم
فطوم : تمام
و هم يمشون سايرين صوب الدكان ، مريم ما خلت مدحه ما قالتها عن محمد
فطوم ساكته و مب عايبنها الوضع
مريم : ريموه ؟
ريم : ها
مريم : يحضكم في حمود
ريم: انتي شو تخربطين حوه ؟
فطوم كانت متضايقه و يبين عليها من اسلوبها
ريم : فطوم ؟
فطوم : هلا
ريم : من متى نحن نقول هلا ؟
فطوم : نزين احبج
ريم : اموت فيج
دشوا الدكان و خذوا حلويات
ريم : خيبه مريم هذا كله لمنو
مريم : لمحمد و عبدالله و خليفه
فطوم : مشكوره انا خذيت لخواني
مريم: احسن بعد
رجعوا و قعدوا فالصالة و كلهم ملاحظين فطوم و حاسين ان فيها شي
فطوم : يدوه عادي ارقد في غرفتج ؟
اليده : هي حبيبتي عادي
محمد : فيج شي فطوم ؟
فطوم : لا بس ابا ارقد
خليفه : خلي عنج و تعالي قعدي عدالي ، راحت فطوم يلست صوب خليفه و حطت راسها على جتفه و غمضت عيونها
نروح لهزاع شوي
نش هزاع لكن بعده تعبان و شاف هند تلعب صوبه و راح قعد وياها و لعبها
هزاع : هندوه تحبيني ولا تحبين محمد اكثر ؟
هند : احبك انته
ضحك هزاع و انتبهت هند انه كان يصورها
هند : اصلا احب محمد ، هزاع انته مب شاطر
هزاع : وايه فديتج 😂
المهم يلس عبدالله صوب فطوم و قال لها قومي اباج برع ، ساروا برع و يبين على فطوم انها متضايقه
عبدالله : اختي الحلوه شو فيج
فطوم : عبود ما فيني شي
حبها على رأسها و قال ما ارضى اشوفج متضايقه ترا
فطوم حضنته و صاحت
عبدالله: واييييه فديت الدلوعه
ضحكت فطوم
ريم كانت تطالعهم و مستانسه على حنية عبدالله
هالبارت يزعل شوي لاننا كلنا ما نرضى على فطومتنا 😂
أنت تقرأ
اغلى ناسي و اجمل اقداري
Romanceاحم احم الروايه تتكلم عن شخصيتين و بنعرف كيف واجهوا كل الصعوبات الي مروا فيها ، لازم نحمسكم شوي
