اغلى ناسي و اجمل اقداري

الجزء الثاني عشر

الساعه 12 

ريم : اقولكم انا تعبانه بروح ارقد فخيمتنا

فطوم : انا بعد بسير الخيمه برقد

محمد : نوم العوافي

خليفه : تلحفوا عدل

سارن البنات الخيمه و لحقتهم مريم : حد يرقد هالوقت ؟

ريم  : نحن

مريم : انتي ليش لسانج طويل ؟

تضايقت ريم و سارت ترقد و قعدت فطوم صوب ريم

ريم : هاي نحسه والله

مريم : سمعتج ترا

فطوم : مب ناويه تنقلعين؟

مريم : شوضعج انتي

ريم : فطوم رقدي ما عليج من هاي

مريم : هاي عندها اسم ترا

فطوم : تراني بقوم لج ، كل ولا ريم

الساعه 1:30

قعدوا الشباب و وروا الضو

خليفه : حمود

محمد : عيونه

خليفه : غن لنا 😎

محمد : تم

عبدالله : نبا اغنيه حلوه لو سمحت

بدا محمد يغني و عاد صوته كان وايد حلو ، و خليفه يصوره ، نشت فطوم على أصواتهم و لبست شيلتها و طلعت من الخيمه ، سمعت صوت محمد و هو يغني
و تمت واقفه تطالعه من بعيد و عقب دشت الخيمه مره ثانيه

و ساروا الشباب يرقدون في خيمتهم

نش عبدالله الفجر و هو حاس بضيقه مب طبيعيه و طلع بهدوء من الخيمه و قعد برا

و في نفس الوقت نشت فطوم و هي متضايقه و طلعت شافت عبدالله

فطوم : عبود ؟

عبدالله : عيونه

فطوم : ليش قايم هالوقت و يالس برع بروحك ؟

عبدالله : مادري والله بس حاس بضيقه ، و انتي ليش نشيتي هالوقت ؟

فطوم ما حبت تقول انها متضايقه : لا بس قلت بشم هوا شوي

فطوم : و اخويه حبيبي من شو متضايق

عبدالله : حركات احمد مب عايبتني ابدا و نظراته لريم

فطوم : ما عليه حبيبي طنشه و انا بقول لريم تطنشه و بيمل هو

عبدالله : ياخي احبج

فطوم : ياخي اموت فيك

سارت فطوم و حضنت اخوها و هو حبها على رأسها

فطوم : عبود لا تتضايق

عبدالله : انشاءالله حبيبتي

فطوم : يلا قوم ارقد لا تتم واعي