احببت ملتزمة

البارت العشرون

اميرة_خذ من الدنيا ما شئت والله سترجع منها كما جئت.🤍🍁
.
Flash back

رضوى_معاكي حق الحب قبل الزواج مش مبهر زي الحب اللي بيبقى بعد الجواز بس انا برضوا يا اميرة مش قادرة اخد خطوة اللبس الواسع ولا البس الخمار
اميرة_خديها خطوة خطوة البسي واسع وبعدين تلبسي الخمار
رضوى_ما انا مشكلتي اصلا في اللبس الواسع
اميرة بدأت ترتل _ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْـمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللهُ غَفُورًا رَحِيمًا

من سورة الأحزاب- آية (59)

فَلَا يُؤْذَيْنَ عشان متتأذيش !! وانتي ليه ترخصي نفسك!
ان الله يخاف عليكِ الا تخافين على نفسك؟
لو مش خايفه علي نفسك من نار جهنم وانك مش هتشمي ريحه الجنه بسبب البنطلون الضيق والمحزق والميكب ده فَـ خافي ع ابوكِ لأنو هيُحرم من الجنه بسببك لأنو مكتوب علي باب الجنه "لا يدخلها ديوث"
هتقولي اي لربنا لما تتعرضي على الله عزوجل
موقف العرض ع الله ده موقف أرعب الصالحين. موقف أخطر مليون مرة من موقف سؤال الملكين في القبر.. دول مَلَكين إنما دا المَلك العظيم. فامشي ف أي طريق أنتي عاوزة تمشي فيه بس خليكي عارفة إن ف آخر الطريق هتقابلي ربنا.. هتقوليله إيه لما تقابليه ويسألك منفذتيش الفرض اللي أمرتك بيه ليه ؟ واختمرتي ولبستي فضفاض !
والأمر لن يقتصر على المقابلة؛ والمرعب اكثر أن كل واحد آت بمفرده...لا  معاكي أموالك ولا زوجك ولا صحبتك ولا امك وابوكي مفيش اي شئ هينفعك، ولا حاجة هتنجدك ولا حاجة مفيش غير عملك الصالح و قلبك السليم، فأعملي ليوم ... لقاء كل آت فيه بمفرده أمام الله
رضوى_ بس انا خايفة البس الخمار  وارجع اقلعه تاني ؟
اميرة_لو قلعتيه البسيه تاني توبي تاني متيأسيش قال صلى الله عليه وسلم (ان الله لا يمل حتى تملوا)
رضوى_بس انا عايزه اعيش حياتي..!
اميرة_افتحيلي قلبك كدا واسمعي الحديث النبوي ده (( يقول سهل بن سعد الساعدي "رضي الله عنه" يقول نزل جبريل على النبي صلى الله عليه وسلم ذات يوم فقال له يا محمد صلي عليه صلى الله وسلم وبارك على نبينا جبريل بيكلم النبي صلى الله عليه وسلم بيقوله اي ؟
بيقوله..
يا محمد عش ما شئت فأنك ميت
واحبب من شئت فأنك مفارقة
وأعمل ما شئت فأنك مجزي به
وأعلم انك شرف المؤمن قيامه بالليل
وعزه استغنائه عن الناس

وعايزة اختم كلامي معاكي بكلام جميل اوي كنت سمعته من شيخ قبل كده في درس
خذ من الدنيا ما شئت والله سترجع منها كما جئت.🤍🍁
رضوى_اميرة جزاكِ الله خير الجزاء على اللي قولتيه انا فعلا هشتري لبس فضفاض وهبدأ اخد خطوة واقرب من ربنا.
__________________🤍🍁

""في منزل مروان ""

رحاب_مالك يا مروان؟
مروان_رضوى يا رحاب مغلباني معاها مش عايزة تلبس واسع مش عايزة تختمر دي حتى مش بتصلي
رحاب_انت كنت عايز واحدة ملتزمة وانت اخترتها وعارف انها مش ملتزمة ف لازم تقف جنبها وتساعدها تتغير بس واحدة واحدة متتغضش عليها وادعيلها في صلاتك ربنا يهديها ويقربها ليه.
مروان_ كلامك صح انا مش عارف اشكرك ازاي ريحتي بالي
رحاب_احنا اخوات يا مروان قوم بقى ناكل لحسن الاكل يبرد وماما تمسح بوشنا الاسفلت