احببت ملتزمة

الـبــارت الاول ᥫ᭡

في صباح يوم جديد تحديدا في محافظة الجيزة ،، في حي من الاحياء الشعبية
'اميرة بتفصل صوت المنبه وبتجري بسرعة ناحية الحمام اتوضت وبدات تصلي صلاة الضهر
الباب أتفتح ودخلت والدة اميرة (بسمة ) شافت اميرة بتصلي
اتكلمت بنفاذ صبر- يا اخرت صبري استعجلي عشان تنزلي تدوري على شغل
اميرة خلصت صلاة وبصتلها- استعجل في صلاتي عشان شغل متنسيش ان الارزاق دي بأيد ربنا
بسمة- خلاص يا ست الشيخة عقبال ما يرزقك بابن حلال  الناس كلت وشنا
اميرة- انا مليش دعوة بالناس انا مش هاخد حد كده
حتى لو هقعـد لبعد الـ 30سنه ، أهـم حاجه اختار واحد يعرف ديـنه ومحترم يكون أب وسند ليا قبل ما يڪون أب لأولادي .. وبعدين الجواز ده رزق
بسمة- هو ده اللي واخدينه منك لسانك اللي عايز قطعة
طلعت بسمة وقفلت الباب وأميرة
قامت وراحت للدولاب طلعت خمار لونه كاشمير غامق وفستان بلون اسود لبستهم  وطلعت من اوضتها
اميرة بابتسامة- انا رايحة ادور على شغل ادعولي
احمد (والد اميرة)- ربنا معاكي
بسمة- روحي ربنا يرزقك بابن الحلال
اميرة بنفاذ صبر- سلام عليكم
°°
في القاهرة تحديدا مدينة نصر يستيقظ زين على صوت الاذان
-الــله اكبر الله اكبر
زين- اسمهااان اسمهاااان انتي يا زفتة
اسمهان (الخادمة) بتجري على السلم بتاع الفيلا ونفسها اتقطع
اسمهان- نعم يا زين بيه
زين بنفاذ صبر- افضل انادي ساعتين عشان تردي
اسمهان- حضرتك مكملتش دقيقتين
زين- متعلقيش .. الاذان ده لصلاة اي؟
اسمهان- دي صلاة الضهر يا زين بيه
زين اتنفض من على السرير- الضهرررر يعني ده مش الفجر
اسمهان- لا الفجر اي حضرتك يعني لو بتصلي كنت عرفت
زين بعصبية- انتي هتقوليلي اعمل اي ومعملش اي؟.
اسمهان بخوف- لا والله يا زين بيه مقصدش
زين بصوت عالي- روحي اكوي البدلة السودة بتاعتي بسرعةةة يلا دقيقتين تكون جاهزة على ما اخد شاور
اسمهان- حاضر يا زين بيه
زين بعصبية- انتي لسه واقفة قدامي يلاااا
اسمهان فتحت الدولاب بتاع زين اللي كان عبارة عن اوضه للملابس خدت البدلة السودة وراحت بسرعة
تكويها
وهي بتمتم - يارب اكفيني شره يارب
هي ونازلة خبطت في هدى والدة امير
هدى- حاسبي يا اسمهان حيلك حيلك بتجري كده ليه
اسمهان بتوتر- استاذ زين صحي و انتي عارفة بقى اللي فيها
هدى بضحك- عارفة عارفة ربنا يعينك روحي اكويها عقبال ما انا اعطلهولك شويتين
اسمهان بفرحة - ربنا يخليكي يا ست هانم والله لو البلد كلها زيك كان حالها اتعدل
هدى بابتسامة- ربنا يخليكي يا أسمهان...اجري بقى بسرعة يلا
هدى طلعت خبطت على اوضه زين ليأتي صوت زين من الداخل
زين بعصبية- انتي لسه هنا !؟ يا اسمهان الب...
هدى فتحت الباب وقاطعته- ده انا يا زين
زين- امي تعالي يا ست الكل صباح الخير
هدى بابتسامة- صباح النور على اجمل زين وزين الرجال فعلا
زين بابتسامة- انتي عارفة انا بحب اسمي بسبب كلامك عنه
هدى بضحك- يا بكااش طيب يلا انزل افطر معانا وبعدين روح الشغل
زين- بس يا امي الشركة ... اقصد اتاخرت عليها
هدى- يا ابني متخليش الشغل يلهيك عننا انا ووالدك محتاجينلك
زين- حاضر يا امي اللي تشوفيه يا ست الكل
هدى- ربنا يسعدك ويريح قلبك يا زين يا بني ويرزقك ببنت الحلال
زين بنفاذ صبر- تاني يا امي
هدى- وتالت ورابع هو انتي ناوي تتجوز امتى كل صحابك اللي في سنك اتجوزوا وعندهم عيال الا انت كل ما نجيبلك سيرة الجواز تتعفرت
زين بضحك- ملبوس بعفريت اسمه متتجوزش دلوقتي
هدى بضحك- ربنا يهديك يا زين
طرقات على باب الغرفة تعلن وصول اسمهان
اسمهان انا كويت البدلة يا زين بيه
زين- كل ده بتكويها هاتي
وشدها بعصبيه
اسمهان موجها كلامها لهدى - هو ماله ده يا ست هانم لو بيكرهني عرفوني يعني
هدى بضحك- يكرهك ليه يا اسمهان ده من حبه فيكي وانتي عارفة اللي فيها
اسمهان ضحكت ونزلت هي وهدى لمائدة الطعام بعد ربع ساعة
محمد( والد زين) - تعالي يا هدى كنا في انتظارك
زين- اه والله كنت مستنيكي
هدى بابتسامة صفرا- ما هو واضح الاكل بتاعك خلص
زين بضحك- متفهمنيش صح
زين قام من على الكرسي
زين-طيب استأذن انا بقى عشان عندي meting بعد بعد ساعة الا ربع
هدى- ربنا يوفقك يا ابني
زين- يارب يا امي
خرج زين وكان واقف في جنينة الفيلا
زين- عم سعيد يا عمم سعيد
سعيد- امرك يا بيه
زين- العربية بتاعتي فين ؟
سعيد بتوتر- هو يعني هو هو ه
زين - اي هتغني ولا اي انطق العربية فينن
سعيد بخوف- اصل بصراحة يعني العربية بتاعت حضرتك في التصليح
زين بعصبية- في التصليح ليه؟
سعيد- يوسف بيه اخو حضرتك عمل حادثة بيها والازاز اتكسر
زين- امشي من وشي يا سعيد وحسابي مع يوسف بعدين انا هركب تاكسي دلوقتي عشان متاخر
في القاهرة تحديدا مدينة نصر
اميرة- مكرم عبيد؟
سواق التاكسي-اركبي
زين فتح باب التاكسي من الناحية التانية في نفس اللحظة
زين- شارع م.....
اميرة- لو سمحت حضرتك انا موقفة التاكسي قبلكَ
زين لاحظ وجودها وبصلها واتكلم
زين- ايوه فيها اي يوصلني الاول بعدين يوصلك
اميرة- نعم اركب معاك ليه؟ هو انا اعرفك
زين- يعني انتي تعرفي سواق التاكسي
اميرة- لا
زين- يبقى هتركبي معاه ليه
اميرة- انت مستفز علفكرا
زين- طيب يلا عشان متاخر شوفيلك تاكسي تاني
اميرة- شوف انت تاكسي تاني انا اللي موقافه
سواق التاكسي بضحك- اول مرة حد يتخانق عليا
زين- نقطنا بسكاتك
سواق التاكسي- طيب علفكرا الانسه هي اللي وقفتني الاول اتفضل شوف تاكسي تاني
اميرة بصتله بانتصار وابتسمت زين اضايق جدا ونزل من التاكسي
اميرة بابتسامه صفرا- ابقى ابعتهولك لما اوصل
زين اتعصب جدا ووقف تاكسي تاني ووصل متأخر بسبب اللي حصل وكان داخل كالمعتاد الكل بيهابه
زين- مي يا مي
مي- نعم يا استاذ زين
زين- اللي هيعملوا interview وصلوا
مي- اه وصلوا ادخلهم لحضرتك
زين- اه ياريت عشان عندي muting بعد ربع ساعة والباقي بعد ما اخلص الmuting
مي- تمام يا استاذ زين
زين بعصبيه- انتي لسه واقفة قدامي
مي(السكرتيرة) جريت من قدامه وبدأت تدخل البنات عشان مقابلة الشغل لانهم طالبين سكرتيرة خاصة
زين-ادخل
سلمى- انا جاية عشان الانترفيو
زين- اه اتفضلي
سلمى بدلع - مرسي
زين- مؤهلاتك؟
سلمى- معايا بكالوريوس هندسه
زين- كويس اوي غيره
سلمى- هو انت محتاج حاجة تانيه؟
زين- اكيد شركة من اكبر شركات البلد هتوظفك ببكالوريوس بس لغتك التانية اي
سلمى بمياعه- معرفش لغة تانية بس اللي انت عايزه اتعلمهولك
زين بعصبية- مي ميييي
مي دخلت بسرعة- نعم يا أستاذ زين
زين- دخلي اللي بعده
سلمى- يعني انا اترفضت
زين- خدي الباب في ايدك وانتي طالعة
سلمى طلعت مع مي ووجهت كلامها للبنات اللي هيدخلوا المقابلة
سلمى- مدير عصبي جدا بس مشفتش اجمل منه فعلا
مي بضحك-  ومبيعجبهوش اي بنت في الاخر حاولت معاه قبلك بكل الطرق
ليأتي صوت زين من داخل المكتب
زين- ميي يا مييي
مي- حاضر يا استاذ زين يلا يبنات اللي بعدها
بعد ربع ساعة
مي- دي العاشرة اللي ترفضها من قبل حتى ما تكمل ٢دقيقتين جوا
زين بعصبية- هو انتي هتعرفيني شغلي
مي بتوتر - لا مقصدش بس انا شايفة مؤهلاتهم جميلة
زين- هروح الmuting وهرجع اكمل interview
بعد ساعة'...
زين- مي دخليلي البنات الباقيةة
مي- تحت امرك يا استاذ امير
مي- يا بـنـات مين اللي كان عليها الدور
- لو سمحتي ممكن ادخل انا يعني بصراحة مش معايا غير دبلوم وكدا كدا مرفوضة بس هجرب حظي
مي بضحك- اتفضلي دقيقتين واشوفك عندي
••
زين-ادخل
-انا جاية عشان الانترفيو
زين قام من على الكرسي بعصبية- انتي؟؟؟

#الكاتبة_ملك_احمد
#احببت_ملتزمة