حياه الاسد 2 (احفاد المنياوى)

البارت الثالث عشر من الجزء الثاني

وقفنا البارت لما زين ونور قابلوا خالد و جنه عند مدير مدرسه اسيل وإيساف و زين كان غيران جدا على نور

المدير........طيب اتفضلوا اقعدو ياجماعه
نور وجنه قعدو وزين كان ينظر لى خالد نظرات غضب كأنه يريد ان يقتلع عينيه حتى لا ينظر الى نور
نور لاحظت ان زين متعصب جدا مسكت ايده علشان تهدى وتطمنه
زين بغضب........حضرة المدير بسرعه علشان مش فاضى
المدير........تمام يلا يا اسيل سلمى على إيساف وانت يا ايساف سلم عليها
اسيل بنرفزه........اوك
إيساف مد ايده واسيل سلمت عليه بالعافيه

إيساف بفرحه........احنا كدا بقينا اصدقاء صح
اسيل بغرور........متحلمش ان اكون صديقتك يلا يابابى
زين بنفس غرور بنته وقف وقفل زُرار بدلته........يلا ياقلب بابى
اسيل خرجت هى وزين ونور كانت بتعتزر من جنه على تصرف بنتها وجوزها
نور.........انا اسفه جدا ياجنه على اللى حصل
جنه.........ولا يهمك ياقلبى يبقى كلمينى
نور.........حاضر هكلمك

نور كانت بتكلم جنه وزين ناده عليها بصوت عالى
زين........نوووور
نور بخضه...........جاااايه
نور طلعت تجرى ورا زين ولقته فى وشها
زين بغضب..........كنتى بتكلمى مين جوه
نور........ايه يا زين كنت بكلم جنه
ايسل........بابا انا هروح الكيلاص بتاعى
زين........روحى ياحببتى

اسيل مسيت و زين خد نور وهو غاضب وخرجو من المدرسه نور راحت المستشفى و زين راح على الشركه

((عند اسد فى الشركه))
اسد.......حازم انا عايز سكرتير ضرورى
حازم........غريبه انت ماقولتش عايز سكرتيره
اسد........اصل جالى عقده من السكرتيرات
حازم بضحكه........والله ياصحبى لا الرجاله ليها امان ولا الستات ليهم امان يعنى ريح نفسك
اسد.......عارف بس انا محتاج سكرتير ضرورى
حازم........طيب انا عندى سكرتير هو ابن عمى
اسد.........هو مش انت قولتلى ان ماليكش حد ولا قرايب
حازم........ده عمى من بعيد جالى بعد عمى ناصر ما مات الله يرحمه بيومين بعد ماعرف ان انا بقيت شريك معاك فى شركات المنياوى وبقيت غنى وقالى ان ابنه مش لاقى شغل
اسد بحزن.......الله يرحمه بس هو ابن عمك ده اكيد كبير فى السن
حازم ........لا ماهو عمى ده متجوز مرتين و ده ابنه الصغير عنده 25 سنه متخرج من كليه تجاره بقالو 3 سنين
اسد........طيب ده حلو خلى يجى يستلم الشغل بكرا بس هو اسمه ايه
حازم........عُمر محمود
اسد بضيق........تمام زى ماقولتلك بكرا يجى يستلم الشغل
حازم........مالَك متدايق ليه
اسد.......مالك ابنى حالته وحشه اوى
حازم........فيروز كمان متغيره اوى ومش عارفه مالها
اسد.......طيب ايه رأيك نحاول نصلح بينهم
حازم.......نعمل ايه طيب
اسد........تيجى تتعشا معانا بكرا انت و نهى والولاد
حازم........فكره حلوه خلاص هنيجى بكرا
اسد.......اتفقنا

زين دخل عليهم المكتب وهما بيتكلموا وكان باين عليه انه متدايق ومتعصب
زين........صباح الخير يا جماعه
حازم.......صباح النور
اسد.......مالَك يا زين
زين.......ماليش
حازم........مالكش ازاى انت مش شايف نفسك
زين.......مفيش موضوع مدايقنى كدا
اسد.......ماتتكلم واحنا من امتى فى بينا اسرار يا زين
زين........النهارده فى المدرسه انا و نور شوفنا خالد وجنه
حازم.......مين خالد وجنه دول
زين.......دول اصحاب نور من ايام الثانويه العامه
اسد......طيب وفيها ايه
زين........فيها ان خالد كان بيحب نور
حازم........لا استنى بقا احنا عايزين نعرف كل حاجه بالتفصيل
زين........الموضوع كان من عشرين سنه لما نور كانت لسه فى الثانويه العامه****************
حازم.......يعنى خالد كان بيحب نور وجنه بتحب خالد ونور بتحبك انت
اسد........وطبعا النهارده بس عرفت ان ابو إيساف اللى نفسه يكون صديق اسيل وهو خالد و مامته تبقى جنه
زين........بالظبط كدا
اسد.......عموما انت لازم تكون متطمن من ناحيه نور
زين.......لا نور مش شاغله بالى اصلا انا عارف ان هى عمرها ماتبعد عنى انا بس مش متطمن لخالد ده
حازم....... و ده كمان مفيش خوف من ناحيته علشان لو لسه بيفكر فى نور مكنش اتجوز وخلف كمان
اسد.......و هو يعنى كان هيوقف حياته علشان واحده كان بيحبها وطلعت مش من نصيبه
حازم........تقصد انه لسه بيحبها وبيفكر فيها
اسد........وليه لا
زين........ياجماعه انتو هتقلقونى زياده ليه
اسد.......لا متقلقش دى كلها استنتاجات بس لكن مفيش حاجه مؤكده
زين بغضب.........ده لو طلع خالد ده بيفكر فى حاجه انا هق"تله
اسد.......اهدى يازين مفيش حاجه بتتحل بالد"م كله بالعقل فاهمنى
زين........فهمك يا اسد
حازم........يلا روق كدا وخلينا نرجع على شغلنا يلا
زين........يلا
اسد.......حازم متنساش معادنا بكرا
حازم........مش ناسى
زين........معاد ايه
حازم........تعالى هقولك