#البارت الثاني
#الملتزمة الصغيرة
وقفنا لما نفس رجعت وكان فيه صوت صراخ
أبوها كان بـ يضرب أمها بوحشية واخد منها الفلوس نفس جريت على مامتها وحضنتها وابوها مستمر في ضربهم بالحزام وأميرة بتحاول تاخد الضرب عن بنتها وبعد فترة سابهم وطلع يشرب بالفلوس اللي اخدها
أميرة:- ليه يا نفس كل مرة أقولك خليكي بعيده أنا بعمل كل دا ليكي يا حبيبتي بلاش توجعي قلبي عليكي
نفس ساكته حاسه بألم في جسمها ونامت في حضن مامتها من الخوف والوجع
بعد كل دا خرج خالد أخو نفس من اوضته عشرين سنه عاطل عن العمل ذي أبوه بيكلم في بنات :- اف كل يوم الموضوع دا الواحد مش عارف يكلم صحابه من مشاكلكم دي عيشة قرف
نفس صحيت على صوته وحضنت مامتها ويبكوا بصمت :- خلاص يا مامتي بلاش عياط لما أكبر مهندسة كبيرة اشتري بيت كبير نعيش فيه أنا وأنتي وبس
«إياك تفكر أن الظروف هي اللي بتتحكم فينا الظروف الصعبة زي ما بتطلع بلطجية وشمامين بتطلع عظماء ونصيحة لكل أب ضربك لبنتك بـ يكسرها وسط الناس حتى لما تتجوز منتظر جوزها يعاملها بلطف وأحترم تبقى غلطان»
،،،،،،،،،،،،،،،،،،،،،،،،،،،،،،،،،سمر إبراهيم
كانت نايمة في اوضتها الصغيرة شعرها الأسود الطويل مفرود على السرير حاست بدفء على حضن مامتها فتحت عيونها على همسها
أميرة:- قوم ي كسول
نفس:- خليني أنام حبه كمان في حضنك ي ماما هنا بحس بالأمان اوي الشتاء دا برد اوي ممكن بكرة تمطر
أميرة:- طيب نكمل نوم وبلاش صلاة الفجر بقى
نفس:- لا ميصحش إحنا نصلي جماعة وبعدها احكيلي عن السيدة عائشة رضي الله عنه
بعد الصلاة
نفس:- هو بابا لسه بره
أميرة:- لا رجع ونام متخافيش إيدك بتوجعك
نفس:- مش قوي يلا بقى احكيلي عن السيدة عائشة
أميرة:- السيدة عائشة بنت أبي بكر صاحب النبي اتجوزها النبي وهي عندها ست سنين كتب الكتاب وبعد تلت سنين عمل الفرح كان عندها تسع سنين وفي أقوال غير كدا المهم كانت صغيرة بس النبي كان بيحبها اوي أول ما الصحابة سأله من أحب الناس إليك توقعي قال ايه
نفس:- عائشة صح
أميرة:- صح ي قلبي ولما كانت بـ تخبز كانت تنام والطيور تيجي تأكل من الخبيز النبي يفضل يضحك عليها وعلى طفولتها ومن المواقف الحلوة بينهم كانت في يوم العقد بتاع السيدة عائشة انقطع النبي فضل طول الليل في الضامة يحسس على حبات العقد وجمعهم و صلحه ليها
نفس:- ياااه رسول الله يصلح ليها العقد بنفسه
أميرة:- وكان بـ يتسابق معاها في الجري ويخليها تسبقه كمان شفتي كدا نبي أمة بيلعب مع مراته ويسابقها ومره رجع الجيش كله يدور على عقد السيدة عائشة لما ضاع منها وهي معاه في الحرب
