البارت الأربعون والأخير
الملتزمة الصغيرة
نفس دخلت الأوضه أويس كسر التحفه في الأرض بكل غضب
نفس:- أويس أنت عارف التحفه اللي كسرتها دي بكام 😠
أويس هدي ورفع حاجبه:- لا مش فاكر تمنها
نفس:- وأنا معرفش بس أكيد غاليه عشان أنت مش بتجيب غير الغالي عشان كدا جبتني لحياتك 😉
قربت منه بدلع وأبتسامة مع أن الدموع لسه في عيونها لأنه زعق ليها وقالت بهمس:- يهون عليك تزعل الغالي على قلبك وتكسره كدا من امتى لما تضايق تطلع زعلك عليا
أويس بهمس حزين:- هو أنا عملتك حاجة يا نفسي
نفس:- ايوه زعقتلي جامد وقولت عليا نسوان تقصر العمر وكمان لو سمعت صوتي هتقطع رقبتي عملت كل دا بس أنا مش زعلانه من كل دا أنا زعلانه على زعلك أنت مالك في حاجة حصلت زعلتك كدا أول مرة في حياتك تتعصب عليا أنا خفت من الجواز لو هتتعامل معايا كدا أنا مش راضية عن اللي عملته دا اذاي هنت عليك
أويس حس بالندم وهي بتعاتبه بهمس وبتحط ليه حدود أنه مهما اتعصب ميجيش عليها :- ماما ورقها أتحول للمفتي يا نفس حكموا عليها بالاعدام ليه تعمل فينا كدا ليه بعد العمر دا كله نكتشف عملتها دي الحكم ممكن يتنفذ في اي وقت وممكن حبل المشنقه يتلف على رقبتها بعد كام يوم
نفس:- أن لله وإن إليه راجعون طيب تعالى أقعد كدا عايزة اقولك سر
أويس:- ايه
نفس:- هو بابا عايش وخف أنا عرفت أنه الوكيل بتاعي في العقد اذاي وهو دخل المستشفى
أويس:- هو كويس يا نفس لو حابه تشوفيه هو في بيتكم القديم قاعد فيه
نفس:- أنت اشتريته ليه بعد ما خالد باعه صح
أويس:- ايوه
نفس:- طيب تعرف أنا كنت سامحته لأنه بيتعاقب على اللي عمله أما دلوقتي هو كويس وعايش وكام شهر ينسى ويعيش حياته أنا زعلت لما خرج لأنك لما تكون مظلوم عمرك ما تنصر ظالم ولا تزعل عليه سواء بابا أو مامتك هما قتلوا يا أويس والتعاطف معاهم غلط وحرام أنا مش عايزه أشوفه هو صفحة وتقفلت من حياتي وأنت كمان انساها
أويس:- قلبك مش رق ليه
نفس:- قلبي موجوع من اللي عمله أويس خليك مكان أبو كل طفله أتقتلت ونصب نفسك قاضي عليها
أويس:- أنا ولا كلية الطب يا نفس
نفس:- أنت مفيش مقارنة بينك وبين اي حاجة في الدنيا أنت كل حاجة يا أويس لو يهون عليك أضيع كل اللي أتعلمته أنا موفقة
أويس:- وحلمك وتعليمك تتخلي بسهولة كدا
نفس:- أنت أهم من كل دا أنا صح كنت رافضة الجواز بسبب عقده نفسيه لكن أنت الأمان والسند أنا مليش غيرك بعد ربنا عرفت قيمتك ووقفتك معايا في الشدة لما الكل أتخلى عني وممكن أتخلى عن حياتي لو طلبت مني
