#البارت الرابع
#الملتزمة الصغيرة
أميرة أول ما دخلت انصدمت من محمود جوزها ماسك سكينه وسكران
محمود وهو سكران:- مش معاكي فلوس طيب ايه رأيك ندبحك ونطلع فلوس
أميرة حاولت تجري بره البيت بس هو لحقها وقفل الباب ومسك نفس وحط السكين على رقبتها
أميرة:- اهي الفلوس خدها
محمود ساب نفس وأميرة شدتها للاوضة وقفلت الباب وطلعت التلفون بتاعها واصلت على ياسر النديم "الجد"
أميرة:- آلو ي بيه
أويس كان في اوضة جده بس الجد طلع بره
أويس:- ايه دا أم نفس هو الرقم بتاعها بيعمل ايه عند جدو ومتصلة بيه ليه في وقت زي دا
«يا أخي بطل شك وتفكير وفتح»
أويس:- آلو
أميرة:- أويس بيه الحقنا أرجوك جوزي عايز يقتلنا أنا ونفس وهو سكران
أويس:- طيب أنا جاي صوتي لمي الجيران
أميرة:- محدش بيجي منهم أرجوك بسرعة الباب خلاص مش متحمل
أويس:- خليكي معيا حاولي تخبي نفس في مكان وقفي ورى الباب
أميرة:- حاضر بس بالله عليك لو جرى ليا حاجة نفس أمانه في رقبتك
أويس:- متقلقش نفس حته من روحي مستحيل أتخلى عنها بس خبيها كويس أنا قربت أوصل
أميرة:- ماشي أنت فاكر البيت لما وصلتنا
أويس:- ايوه فاكره
أميرة:- نفس اتخبي هنا ي حبيبتي لو حصل ايه اوعي تخرجي مهما حصل
نفس:- لا ي ماما خديني في حضنك بالله عليكي بلاش تسيبني خايفة أوي
أميرة:- أنا هنا جمبك اطمني ي حبيبتي وأويس جاي
نفس:- أويس عنده عضلات ي ماما لما يوصل اخليه يضرب بابا ويخدنا معها هو قالي أن أنا بتاعته وهو في حد بيسيب حاجة بتاعته
أميرة:- نفس عيب الكلام دا اسمعي كويس الكلام دا لو حصل ليا حاجة حافظي على نفسك أنت مش بتاعت حد فاهمة اوعي تثقي في أي راجل مهما كان
نفس:- حتى أويس ي ماما دا جاب ليا شبشب جديد
أميرة:- حتى أويس ي نفس كل الرجالة كدابين
أويس كان سامع كل دا من التلفون وسايق بأعلى سرعة:- ماشي بتحرضي بنتك عليا ي ست أميرة
محمود عمال يضحك بصوت عالي:- ي مرمر بتتخبي مني ليه بس وكمان بتضحكي عليا ماشي
وفضل يكسر في الباب وخلاص الباب أعلن استسلامه ونكسر
محمود ظهر بضحكة الصفرة:- بخ أنا جيت
أميرة زقت نفس تحت السرير ووقفت تدافع عن نفسها
