انجبرت اتزوج شايب...😭💔

البارت 3 🤍

ناي: صار عندي شلة اصدقاء 3 بنات الي هم اني و صديقاتي شمس و رنا و 3 ولد الي هم عادل و محمد و ياسر و اجة يوم عيد ميلاد عادل لان صرنة اصدقاء و قررنا انو نسوي اله حفلة بحديقة كلش حلوة و الولد كالو راح يسوون ديكورات بهاي الحديقة و اجة اليوم قررنا انو نسوي الحفلة بليل ساعة 12 من ندخل بيوم ميلاد يصير عمره 24 و لبست فستان ضيق و قصير تقريباً يوصل لركبت رجلي و برز جسمي مخطط ابيض و اسود و لبست فوكا قمصلة لون اسود جلد قصيرة و ضيقة  توصل لخصري لان بوقتها چان بداية شتاء و خليت شويه يطلع من كتفي يعني القمصلة مو كلها لبستها شويه طلع من كتفي و لبست حذاء كعب لون اسود 8 سانتيم و حطيت مكياج خفيف و شعري سويته ويڤي و طلعت اخبل ♥️
عادل: الشلة كالو الي تعال لهذا المكان و دزو الي الموقع و كالو اكو مفاجأة اني عرفت شنو المفاجأة الي هي عيد ميلادي 😂 لبست قميص ابيض و سترة سودة و لبست بنطرون اسود و سويت شعري و طلعت رحت للمكان چان حديقة دخلت فجأة انفتحت الأضوية و طلعو الشلة مسوين الي حفلة سويت نفسي متفاجأ ما اريد اخربها عليهم 😅 بس ناي شلون طالعة تجنن 😅 ( ترا عادل يحب ناي )
ناي: دخل عادل و غنينا هابي بيرذ دي تو يو هابي بيرذ دي تو يو هابي بيرذ دي تو عادل هابي بيرذ دي تو يو و قطع الكيكة و رقصنة و كعدنا حتى يشوف الهدايا اني هديتي چانت كلش بسيطة الي هي سوارين عليهم حرف A الي هو حرف يوسف و الثاني علي حرف N الي هو حرفي و لونهم اسود نفس الشي بس الاختلاف الي هي الحروف و انطيتها اله
عادل: وصلت لهدية ناي چانت بوكس لونه اسود حجمة متوسط فتحتة طلع بوكس ثاني بس صغير توقعتها ساعة و فتحته طلع سوراين و احد علي حرف A و ولونه اسود كلش حلو اخذتة و لبسته 😍 و شكرتها
ناي: و الثاني ليش نسيته 😄
عادل: اي صح 😅 اخذت الثاني چان علي حرف N
ناي: هذا لأحد من الموجودين منو هو 😊
عادل: انتي 😄
ناي: اي صح 😊 اخذته و لبسته طلع يجنن 😍
شمس: ( صديقت ناي ) كلللوش الف مبروك الخطبة 😂
ناي: وجع 😂 ( بأنوثة )
الكل: هههههه 😂
ناي: خلصنة و رجعت لشقتي نمت كعدت ساعة 9 و صرت اشتغل بصالون كلش طاك و راتبي 850 الف رحت للصالون و كعدت اشتغل اسوي تسريحات و مكياج للعرايس و للبنات خلصت ساعة 3 العصر رجعت لشقتي اكلت و نمت كعدت ساعة 6 المغرب و مر اليوم عادي باليوم الثاني صديقتي رنا عزمتني على عرس اخوها و رحت للسوق اشتري لبس للعرس و لكيت فستان اسود طويل و ضيق و من امشي لازم اشيله و امشي اشتريته و رجعت لشقتي نمت كعدت ساعة 10 الضهر تريكت صارت ساعة 11:30 رحت اتجهز سويت شعري كيرلي خفيف كلش و حطيت مكياج خفيف و لبست الفستان و لبست حذاء كعب اسود 8 سانتيم طلعت اجنن و رحت للقاعة وصلت لكيت شمس نازلة من تكسي سلمت عليها ولچ شلون طالعة تخبلين 😍
شمس: عمري انتي هم شلون طالعة هسه كل شويه مرة جاية تخطبنه 😂
ناي: اي 😂 و دخلنا تكلتنة مرة يطلع عمرها اربعينات
ام رنا: هلا نورتو حبايبي
ناي و شمس: هلو خالة بنورچ انتي ام رنا
ام رنا: اي انتو صديقات رنا صح تفضلو
ناي و شمس: اي زاد فضلچ حياتي
ام رنا: شنو هذا ليش كلفتو نفسكم
ناي و شمس: لالا خالة ماكو تكلفة
ناي: شلت فستاني و دخلت و بس دخلنة من الباب الناس اغلبهم عيونهم علينة بس اني اكثر 🌚 رحنة لميز كاعدين علي بنية يطلع عمرها عشرينات و رجال يطلع عمره نهاية الاربعينات و ولد يطلع عمره عشرينات
ام رنا: هذولي صديقات رنا
ناي: الكل سلم و اني هم سلمت و شمس هم سلمت و خلونه نكعد يمهم عرفت اسمائهم الولد اسمه رائد و البنية اسمها ريم فجأة اجت رنا كمنة اني و شمس سلمنة عليها هلاو رنو شلونچ
رنا: بخير عمري انتو شلونكم
ناي: بخير
شمس: الحمدلله حياتي
رنا: كعدت على الكرسي
ناي: كعدنا نحچي اني و رنا و شمس و نضحك
رائد: ( اخو رنا ) بوية شلون عليها ضحكة و جمال 😍
ناي: بعدين دخلو العرسان ( طبعاً العرس مختلط و رنا مو محجبة ) و رقصو العرسان و الشباب اغلبهم عيونهم عليه و من ضمنهم اخو رنا
رنا: بنات كومو خلي نرقص
ناي: يله كمنة رقصنة هواي و بعدين انطيت الهدية لرنا حتى تنطيها لأخوها و زوجتة الهدية هي لوحة كبيرة مطبوعة عليها صورتهم لأن رنا دزتلي صورتهم و الصورة حلوة و واضحة و طلعت كلش حلوة اللوحة بعدين اجتني مرة يطلع عمرها بالأربعينات
المرة: هلو حبيبتي شلونچ
ناي: بخير خالة انتي شلونچ
المرة: الحمدلله انتي شنو اسمچ
ناي: اسمي ناي
المرة: عاشت الاسامي
ناي: شكراً
المرة: حبيبتي ابني دزني اجي اطلبچ الة
ناي: تخطبيني ؟
المرة: اي على سنة الله و رسوله
ناي: خالة بس هو وين
المرة: هذا الي كاعد هناك
ناي: الولد چان شكلة اقل من عادي و مو طويل كلت الها خالة بس انتي متعرفين اني شنو عشت و اتوقع ماراح اناسبكم
المرة: شنو عشتي ؟
ناي: راح احچي الچ بأختصار اني ابوية قاسي علية كلش حتى اخواني صارو مثلة و حالتنة المادية چانت متوسطة و ابوية كلش بخيل عليه و على اخواني و اخواني چانو يشتغلون و يصرفون على نفسهم مامعتمدين علي و زوجني شايب علمود الفلوس و مهري چان 25 مليون تخيلي 25 مليون و اني ماشميت دينار من هذا المبلغ و چان هذا الشايب متزوج 3 و اني الرابعة و چان يضربني و يغتصبني چان يريد ولد حملت و جبت اله ولد و من صار عمر الطفل 3 اشهر بينت ملامحه و زوجاته حطو بباله هاي الشغله انو هذا الطفل مو منه من واحد ثاني لان مايشبها و همه عرب مايعرفون شي اسمه تحليل دم و الطفل چان يشبه واحد من اخواني كلش و اجة ضربني لدرجة خلاني ما اكدر اتحرك و حتى حچي بالقوة احچي الة اجو سحبو مني چان متت على ايدة و اجة واحد من ولده اكبر مني اخذني و وداني للمستشفى و اتطلقت و رحت لبيت اهلي رجعو يضربوني و ابوية مات و اخواني اخذو كل الورث الهم و اني طردوني من البيت و لكيت شغل بكوفي و صاحب الكوفي رجال كلش زين و انطا الي شقة و عشت بيها كم شهر بعدين لكيت شغل بصالون كلش طاك و اشتغلت بي و راتبي عالي الحمدلله و عشت و هسه حيصير عمري 19 سنة شنو رأيچ
المرة: ولله حبيبتي الي انت عشتي مو سهل و انتي بكيفچ موافقة او لا
ناي: ولله خالة اسفة ما اريد اتزوج بعدني صغيرة اريد اعيش حياتي بعد الي عشته بس امانة لاتزعلين
المرة: لا خالة الزواج قسمة و نصيب و هسه ماكو نصيب صدك اني ما اعرفچ شنو تقربين للعرسان
ناي: اني ما اقرب الهم اصير صديقت رنا اخت العريس 😁
المرة: ها حبيبتي يله باي
ناي: باي بعدين اجتني مرة ثانية تريدني لأبنها و رفضت ما اريد اتزوج و من خلص العرس و طلعت من القاعة اجتني مرة هم تريدني لأبنها 😂 و رفضت و اجتني مرة رابعة تريدني لأبنها 😂 و رفضت بعدين رجعت لشقتي غيرت لبسي و كعدت اكلب بالتليفون خابرتني رنا
رنا: ها حب شلونكم
ناي: هلو حبيبتي بخير انتي
شمس: الحمدلله حياتي
رنا: بخير ولچن شنو هاي خبلتو كل الولد الي بالقاعة 😂
ناي: اي 😂
شمس: اي 😂 اني اجوني اثنين نسوان يخطبوني و شفت ولدهم مو حلوين و واحد بطولي فت بالضبط 😂
ناي: ههههههه 😂 اني اجوني 4 و ولدهم حيل مو حلوين 😂
رنا: ولچن عماتي و خالاتي اربعة خابرو ماما يكولن قنعو ناي و شمس نريدهم لولدنا هسه تصير حرب بين النسوان 😂
ناي: اي 😂 اني ارفض و ارجع ورة 😂
رنا: هههههه 😂
ناي: بس ترا انتو طالعين كلش حلوات بالعرس
رنا: انتي الاحلى حبي
شمس: عمري انتي الاحلى
ناي: بعدين سدينة التليفون و نمت

لهنا انتهى هذا البارت لاتنسون تصويت و تعليق حلو مثلكم بايي ♥️🫶🏻