انجبرت اتزوج شايب...😭💔

البارت 8 🖤

ناي: كعدت ابچي لان خسرت عادل بعدين نمت كعدت الصبح غسلت و رحت للجامعة و رجعت لشقتي درست شوية بعدين رحت للصالون رجعت و لكيت الشلة يحچون بالكروب و عادل كاتب تاريخ عرسهم بس كلش مستعجلين يعني چان باقي اسبوعين و مرت الاسبوعين و اني كل ما اتذكر ابچي اجة يوم زواجهم كعدت الصبح و كعدت ابچي بعدين صارت ساعة 10 خابروني شمس و رنا
رنا: هلو ناي
شمس: هلو نيني
ناي: هلو حبايبي
رنا: راح نروح للصالون تعالي ويانه
ناي: اوكي تمام هسه صح
رنا: اي
ناي: بس اي صالون و وين عنوانه
رنا: الصالون الي كل مرة نروح علي كلنه
ناي: هاا تمام باي
رنا: تمام باي
شمس: باي
ناي: كمت اتجهزت و اخذت فستاني و طلعت اخذت تكسي و رحت للصالون لكيت رنا و شمس واصلات سلمت عليهم و بديت اجهز نفسي حطيت مكياج حلو و سويت شعري ويڤي و سويت اظافري و لبست فستاني لون ازرق و طويل و بي فتحة من كدام من يم الرجل شوية طويلة و بي فتحة من يم الصدر و ضيق و لبست كعب لون اسود 8 سانتيم بعدين طلعنة من الصالون رحنة للقاعة لان ماكو زفة دخلنة اني و شمس و رنا راحت لغرفة موجودة بالقاعة بس دخلت الناس اغلبهم عيونهم عليه و القاعة چانت كلش حلوة و فاخرة و لكينة الشباب كاعدين على طاولة رحنة كعدنة يمهم بعدين اجة وقت انو العرسان يدخلون واني عيوني دمعت بس لزمت نفسي و مبچيت دخلو و احنة اصدقائهم وكفنة و رحنة قريب منهم و دخلو و عادل چان يجنن و رنا چانت حلوة بس مو كلش هواي و وصلو يمي لان اني چنت واكفة يم الكوشة و عادل مر من يمي
عادل: وصلنة للكوشة و ناي چانت واكفة يمها باوعت على عيونها مدمعة ما اهتميت
ناي: صعدو للكوشة على الستيج و رحت لرنا اعدل الفستان مالها و بدء الردح و رقصت و اجت رنا و رقصنة اني و رنا و شمس بعدين اجة وقت انو العرسان يرقصون سلو و خلصو و بدء الردح بعدين خلصت الحفلة و رحت وية شمس بسيارتها لان هي عدها سيارة و تسوق رحنة وياهم بالزفة للفندق و حتى نودع رنا لان حيروحون شهر عسل وصلنا دخلنة وياهم ودعت رنا و شمس هم ودعت رنا و ودعت عادل بس اني ما اهتميت لعادل بعدين طلعنة من الفندق رجعت لشقتي و غيرت لبسي و كعدت ابچي بچي مال سنتين قدام بعدين فجأة نمت كعدت الصبح كارها الحياة رحت للصالون و صرت ما اطلع وية اصدقائنا و بس اتابع ستوريات و سنابات رنا و عادل و متونسين هم راحو شهر عسل لتركيا و اني بس اتابع و ابچي و اكتب الله يسعدكم و هاي السوالف مر الشهر و اني على هذا الروتين بس ابچي و اتابع ستورياتهم و سناباتهم اجة اليوم الي يرجعون بي لبغداد كمت اتجهز حتى نروح نستقبلهم سبحت و سويت شعري ستريت و حطيت مكياج خفيف و لبست تيشيرت شتوي لون اسود و لبست قمصلة لون اسود و لبست بنطرون جينز لون اسود و جنطة صغيرة لون اسود و رحت للمطار حتى نستقبلهم طلعت اخذت تكسي و وصلت للمطار لكيت شمس و محمد و ياسر واكفين ينتظرون رحت سلمت عليهم و كعدنة ننتظر بعدين وصلو رنا و عادل سلمت على رنا و عادل اتجاهلته و هو نفس الشي هم اتجاهلني بعدين وديناهم لبيتهم بعدين رجعت لشقتي غيرت لبسي و كعدت احچي ويه رنا و شمس بالتليفون مكالمة فيديو
رنا: اكلچ ناي
ناي: كولي حبي
رنا: احس انتي و عادل متزاعلين او بينكم شي
ناي: مثل شنو
رنا: يعني متعاركين
ناي: لا ماكو شي
رنا: اكيد
ناي: اكيد
رنا: بس حتى من رجعنه ما سلمتو على بعض
ناي: لالا سلمت علي بس انتي چنت تسلمين على شمس و ما انتبهتي
رنا: هاا تمام
ناي: بعدين سدينة الموضوع و كعدت رنا تحچي النة عن الاماكن الراحو الها و هاي السوالف بعدين خلصنة سديت التليفون و رحت نمت كعدت الصبح بچيت مرت ساعتين ( رجعت لشغلي القديم انو اشتغل مغنية بمطعم و صرنة بعطلة نصف السنة ) لكيت الشلة بحچون بالكروب يريدون يروحون للمطعم الي اني اشتغل بي مغنية
رنا: وين ناي
عادل: عوفيها صايرة متكبرة البارحة من چنة بالمطار ماسلمت عليه
رنا: لا شلون سلمت
عادل: لا ماسلمت شايفه نفسها عليه عبالك هي الملكة اليزابيث
ناي: بعدين اني كتبت ترا اني اجي غصب المطعم الي حتروحون علي اني اشتغل بس لتخاف مراح احچي وياك ولا اباوع بوجهك
رنا: انتو شبيكم اذا بينكم شي كولو الي
ناي: ماكو شي هو كارهني
شمس: كافي اسكتو سدو هذا الموضوع
ناي: سدينة الموضوع و اتفقنة انو نروح للمطعم كمت اتجهز سبحت و حطيت معطر شعر و سويت شعري ستريت و لبست فستان  لون اسود ضيق و يوصل فوق ركبة رجلي و لبست حذاء كعب لون اسود 7 سانتيم و حطيت مكياج و حطيت عطر و طلعت رحت للمطعم لان حيبدي موعد شغلي اني رحت قبلهم وصلت رحت اغني بعدين وصلو الشلة شفتهم من الباب دخلو رحت عليهم سلمت و خليتهم يكعدون على اقرب طاولة من الستيج بعدين رحت صعدت على الستيج و بديت اغني بعدين وكفت غناء لان تعبت رحت كعدت يم الشلة
رنا: اهنيچ بدعتي
شمس: اي ولله صوتچ يجنن
ياسر و محمد: اي ولله
ناي: الكل مدحني عدا عادل ما اهتميت و كلت ادري صوتي يجنن 🌚
شمس: لعد يلعب النفس 😂
ناي: امداچ 😂 كعدت احچي ويه البنات بعدين رنا حطت راسها على كتف عادل و هو حضنها و كعدو يحچون بعدين خلصنة رجعت لشقتي غيرت لبسي و نمت كعدت الصبح غسلت و تريكت و كلبت بالتليفون شوية صارت ساعة 3 الظهر كشخت و رحت للمطعم اغني بعدين خلصت طلعت من المطعم خابرتني شمس الو
شمس: هلو حياتي شلونچ
ناي: بخير حياتي انتي شلونچ
شمس: بخير بس ردت اكلچ تكدرين تجين هسه لبيتي نتونس
ناي: صدوك
شمس: لا چذب اي ليش اچذب بهذا الموضوع 😂
ناي: هههه 😂 تمام راح اجي هسه طلعت من المطعم
شمس: تمام باي
ناي: باي سديت التليفون و رحت لبيت اهل شمس وصلت دكيت الباب فتح الي الباب ولد شوية حلو بس مو بجمال عادل 🌚 بس كلش يشبه شمس كلت سلام عليكم
يوسف: اندك الباب فتحتة لكيت بنية كلش حلوة لابسة فستان و كاشخة كلت عليكم السلام
ناي: اني صديقة شمس
يوسف: اي تفضلي
ناي: شكراً و دخلني و فتح الباب الداخلي و دخل لان بيتهم بي كراج و صاح شمس بعدين اجت شمس سلمت عليها و دخلتني رحنة لغرفتها و كعدنه نسولف و خابرنه رنا فيديو
رنا: ولچن ليش ماعزمتني
ناي: اسألي شمس هي خابرتني من طلعت من المطعم كالت تعالي لبيتي 😂
رنا: شنو لان اتزوجت نسيتوني 😂
شمس: ولله محد كال الچ تتزوجين 😂
رنا: ولله اذا عدتيها يشمس اجي انتف شعرچ 😂
شمس: لالا يمعودة كل شي ولا شعري 😂
ناي: شمس اخوچ الي فتح الي الباب
شمس: شبي اخطبه الچ 😅
ناي: انچبي غريبة عيونه ماطارت من باوع عليه 😁
شمس: اي غير اخوية حبيبي
ناي: كم عمره
شمس: 24 سنة توأمي
ناي: اي اكول ليش حيل يشبهچ شنو اسمه
شمس: يوسف شنو اخطبه الچ ترا احنه الممنونين 😅
ناي و رنا: ههههههه 😂
ناي: بعدين خلصنة و رجعت لشقتي غيرت لبسي و نمت كعدت الصبح تريكت بعدين كلبت بتليفوني بعدين سبحت و حطيت معطر شعر و سويت شعري ستريت و لبست فستان لون احمر يوصل لحد رجلي و حذاء كعب لون اسود 8 سانتيم و حطيت مكياج و حطيت عطر و طلعت رحت للمطعم وصلت و بديت اغني خلصت و طلعت من المطعم رجعت لشقتي و نمت

لهنا انتهى هذا البارت اتمنى تحطون تصويت و تعليق حلو مثلكم بايي 💗