قتلتُ أخي ال(داعشي )

part12

اللهم صل على محمد وآل محمد

صباح الخيرات والمسرات يا رب

....

حاولت بكل ماعدي من طاقه امشطه لاكن طاح منه كومه شعر وهوه ماطاح
ضليت
ابجي واصرخ
وهوه ماطايح

دخل خضر وبيده مقص
كتله بخوف

-شراح تسوي

حجه بنفرزه

-اشوفه شلع كلبج خل اريحج منه
صرخت

-لا عفيه

بس هو وين تعجبت شلي خله خضر يصير هيج
بعد ماجان يفدانه بروحه ليش هيج صار

جر راسي وثبته برجليه وجاب المقص
وضل يكصص بيه

اعاين على شعري ترس الكاع هوه طويل موشلون ماكان وضخين للذاك شلع كلبي

جانت كله امي تمشطه اووف

كام مني واخذ شكو شي
يجرح ويعور

خله وطلع سد الباب

تمددت اناشغ وشوف شعري غفيت

فزيت على ندست خضر وهوه يكول

-جبتلج سم تعاي تسمي

كمت شعري ماكو لامه
غصبا عني أكلت لن جنت جوعانه خلصت شال الصينيه
راد يطلع كتله

-اريد تربه اصلي

ضحك

- تره حتى يو تصلين الله مايخلصج

-نذل حقير شصار بيك وين اخوي الي اعرفه

- مات وي الماتو والميت مايرجع

طلع وسد الباب

ضليت صافنه اجه بالي موقف اني وامي
جان عمري 9
اكو فلفل حار امي ميبسته ماعرف شسوي بيه
عدنه هيشه رحت وذبيت الفلفل كله اله

اعاين عليه كامت تدمع رحت لمي ركض

-اكلج يمه الهيشه هم يحترك لسانه

-جاشني وحد

رحت طياره جبت سطل الماي وحطيته اله

بس شو ماشربت وبراءة أطفال
رحت شتريت عصير برتقال وذبيته
بلماي وشربته

طلعت امي كالت

- ولج بريرة وين الفلفل
- اندري
حجت الاء

-يمه تلكينه بطن الهايشه وموبس هيج
شترتلهه عصير وشربته

ماحس الا نعال أجاني طاير
اخ ياذيج الايام

ضليت ماعرف شسوي احسب الخطوط وخلص ورجع اعيدهن
غفيت
حلمت بأمي تمشي بمكان كله ورد ولابسه ابيض
والاء وياهه شايل طفل اجت تركض

خلته بحضني وهمست

-ديربالج عليه تعذبت ياله حصلته

فزيت عطشانة وارجف

شنو قصده الاء ادير بالي عليه وامي وياهه
صليت على النبي

وكمت ادكك بالباب بقوه

-اشبيج ادكدكين من غبشه الله صاح الله عليج

ردت احجيله الحلم بس سكتت

-اريد اروح لحمام عندك مانع

-تعاي روحي يله بعد ساعتين وطلع ومن ارجع
اربيج لن صاير لسانج زفر

-نشالله لارديت بجاه اخو زينب كون صاروخ
يمحيك من الاثر

لطمني على حلكي وصاح

-فوتي لاتاكلين نعل

رحت للحمام وغسلت وطلعت اعاين برجا البيت
غرفه مقابل غرفه وبنصهن صاله زغيرونه
طبيت للغرفة اشوفه خله مي واكل

-اني اخاف رايح انته اخذني وياك
ضحك وكال

-تخافين لابله ومنو كتل الزلمه

-يازلمه

-ههه يازلمه هم كون ماشايفج بعيني
سويتي روحج بطله نعمله عليه علمتج

-لنه عار كتلته وراح اكتلك يامجرم

ضحك بقوة وكال
- علمته الرماية ورماني المهم من اجي نتفاهم اله راويج النبي عربي

كمل كلامه وطلع وسد الباب وراح
مضه الوقت واني احس روحي تطلع من القهر
اريد اعرف شنو سويتله وهيج يسوي

احسب بالخطوط ورجع احسبهم لنو الغرفه
الي كاعده بيه
قديمه غفيت فزيت

على نفس بركبتي !!!

يتبع

دمتم برعايه الله وحفظه

..