قتلتُ أخي ال(داعشي )

part 20

اللهم صل على محمد وآل محمد

لاتنسون التصويت وتعليق

سبحت علي وطلعته بعدني بالباب
ودخلت بنيه لازمه كتب بيده وتطك بالعلج

عاينت عليه من فوك ليجوة تقربت
وكالت

-انتي بت ضره ماما مووو

هزيت راسي بمعنى ايي

-وليش ماتحجين تخافين على صوتج

عفته ومشيت مالي خلك اجادل واحجي
دخلت للغرفة مالتي لفلفت عليه
كمت
فتحت كنتوري ماكو ولاقطعه ملابس سديته ورحت تمددت

وبقيت اراجع الحداث الصارت
وياي شلون الفلم
وتمر لقطات عليه

عاينت على الساعه 11ونص واني كاعده افكر
فركت وجهي وكمت
شفت البنيه والولد نايمين هاي يمته اجو هنا

طلعت للساحه اعاين على النجوم جان الجو بارد لنو
ستوه جاينه اشته

نسمات حلوة بقيت كاعده رافعه راسي اعاين
ليفوك
نفتح الباب ودخل ابوي شافني وكال

-شسوين كاعده هنا دنيه بارده لاتمرضين بعد ابوج

-ماجايني نوم والله اكلك بويه الاء موصار
عدهه ولد وينه

-عد ابو يعني وين

-جا يا ليهتم بيه منو

-ابو يهتم بيه ومن يمشي لدوام يخلي عد ام محمد
مريه تربي جهال

-خل نروح باجر نشوفه

احجي واني اتذكر الحلم الي تحلمته

-هو هسه اني شفته مرتين من جابت وبالفاتحه

-عود ليش شني السالفه زين خابرة
وكله يجيبه حتى لو نروحلهم

-الله كريم باجر نمشي نروح لسوك نشتري ملابس
الج ولوليد
حتى ملابس مدرسه محد يفيدج غير الشهاده

اجه باسني براسي

-يلا بويه روحي توضي وصليلج ركعتين وادعي
ونامي

-تصبح على خير

-أجمعين بنيتي

خليت ورحت صليت وتمددت على الفراش
جيب الي ينومني كل شي يصير
كدام عيني يمكن صارت ب3واني مانايمه

النوم مايجي بعيوني شسوي
فتحت الباب وطلعت البيت صنطه
فتحت باب البيتونه وصعدت

كعدت بالكاع وتمددت شويه بقيت اعاين على النجوم
يمكن مرت ٥دقايق لكيت روحي نايمه

....
في مكان آخر هنالك شخص يصارع اليل أيضًا
لكي ينام ياترى ماذا حدث لهُ

...

صوت عالي كلش كعدت على اثره
جان صوت الجامع لن قريب علينه كلش كمت
نزلت
جانت الساعه الاربعه وثلث