قتلتُ أخي ال(داعشي )

part 24

اللهم على محمد وآل محمد

لاتنسوون التصووويت
وتعليق

يلا نبدأ

...
واكفه انتضر يجيب يوسف
اجى شايله على كلبه وجنطه بيده
سرعت خطواتي عليه واخذيته منه بسرعه

-ها ها يمعوده لايطيح واشلع اذاناتج

لزمته ابوس بيه شلعت خدوده

-دكافي موزين على بشرته لاتتحسس

-اشدعوه هوه بوس شني يأثر ههه

صعدت واني لازمه يوسف وعلي خليته بصفي
شغل السياره

-توكلنا عليك يالله
وقره دعاء السفر

-افلح من صلى على محمد وآل محمد

ردينه الصلاة
لتفت على تقى لكيته كوه لازمه ضحكته
هزيت راسي بمعنه شبيج

-ماكو شي بس شفت شي يضحك

-شلون ماكو شي كولي اريد اضحك

-انتي وإسحاق صايرين شلون سنفور وشرشبيل

-شني السالفه
هلكد كصيره بعدين طولي  151

-شدعوه هيج طويلة عليج
الله كليله شكد طولك

-اكلي وحل هيج اني جريئه

-خوش خل نسوي تحدي إذا كتيله
من نروح لزيارة لمن نجي أنا اصرف عليج واذا ماقبلتي انتي تصرفين عليه

-تمام بس اوكفي خل افكر شلون اكله
يلا راح اكله

-321

-ابو يوسف

-بلي

-شكد شسمه اااا

-شكد شنو احجي

احس نحصرت حصره الجلب شورطني
اني فعلآ طايحه حض
تنفست واني اكول

-شكد عمر يوسف

ست أشهر ونص ليش

-لا هيج

درت وجهي على تقى راستآ طكته ضحكه
واني ضحكت حتى امه ضحكت

سكتت اعاين بوجه يوسف ماخذ عيون الاء
وملامح إسحاق
اما بياضه ماطالع عليهم ابد جان ابيض مثل الؤلؤ

عاينت على علي جان يعاين على يوسف
بستغراب بلا وعي مني
تقربت من اذانه وكلت ماعرف ليش سويت هيج

-هاذا اخوك

الطريق طويل كلش
ويوسف بهذلني تبهذل وفد تعبت بسرعه جسمي تعب ونهلت
اخذته تقى تسويله ممه اما بنسبه لعلالي بعد روحي
مايطلعله صوت

وصلنه لنجف وصلنه لمرقد أمير المؤمنين
(عليه السلام )

صعدنه فوك ومجرد ماشفت القبه اجه بالي الموقف بيوم نخيته
ابتسمت واني دموعي على خدي مثل النهر