خادمتى البريئة

البارت 23

سمر رجعت الشغل وحاسه انها مبسوطة بسبب أو من غير سبب بس قررت تروح البيت

فى المكتب عند رغد

رغد " رجعت؟

كريم اه رجعت بس خدت إذن و روحت

رغد تمام خليها تحت عينك علطول و.. وفجأة حست انها عايزة تستفرغ فدخلت الحمام وكريم دخل وراها

كريم مالك بترجعى ليه ، اطلب الدكتور ، انتى كويسه، شكلك مش كويسه

رغد بابتسامه حب أنا كويسه يا حبيبى ومش محتاجة دكتور ولا حاجة لأن الاستفراغ ده من الحمل وبيحصل لكل واحدة حامل متقلقش

كريم مقلقش ازاى وانتى بترجعى وشكلك اصفر ، بصى روحى دلوقتي وارتاحى من غير كلام

رغد مفيش حاجة يا كريم ، متكبرش الموضوع

كريم مكبرش ايه ، شوفى شكلك خسيتى ازاى ، لأ يا رغد لازم تروحى دلوقتي وبالليل نروح نكشف

رغد صدقنى يا كر....ودخلت تستفرغ تاني فى الحمام

كريم شوفتى بقى ، لازم راحة وكشف ويلا تعالى  اروحك وانا هخلص الشغل هنا واجيلك

رغد ماشى يا كريم

رغد روحت بالبيت وكانت داخلة غرفتها لكنها سمعت صوت حد بيتكلم فراحت لمصدر الصوت

سامية بس احنا متفقناش على كده

سمر بس اللى حصل بقى ، الحمد لله انها سقطت

سامية أنا سمعت كلامك لما قولتيلى انك هتقولى لكريم انه عقيم علشان ميسبكيش علشان كنت مفكرة انك بتحبيه بس دلوقتي لأ

سمر مسكتها من شعرها وقالت جاية دلوقتي تعملى دور الأم الحنونة اللى خايفة على ابنها وليه مفكرتيش فى كده قبل ما تقتلى ابوه وترميه فى الشارع

سامية اتصدمت أنها عارفه الحقيقة

سمر اتصدمتى صح علشان عرفت حقيقتك ومش بس كده ، انتى كمان مش أمه ، أنتى مرات ابوه ، ابوه اتجوز ام كريم عليكى صح ولا مش صح

سامية اه أنا اللى قتلت ابوه ورميته فى الشارع بس هو السبب ، كنت عايشة مع زوجى بسلام وبنحب بعض لمدة 3 سنين وفجأة فى يوم لقيته بيقولى انه اتجوز ، فى الاول قعدت ساكته وقلت يومين وهيزهق منها لكن هو مزهقش منها ولا حاجة بل زهق منى انا ومبقاش يجيلى خالص وبعدها بسنتين حملت منه وجبت مكرم بس هو مهتمش بيه ولا فرح حتى أن جاله ولد لكن بعدها بسنتين هى جابت كريم وهو فرح بيه جدا ونسى مكرم خالص فأنا اتغاظت  وحاولت اخليه يكره كريم ويحب مكرم لكن حصل العكس كان بيحب كريم اكتر ، حاولت ابعد كريم عن مكرم وازرع بينهم العداوة بس كانوا بيحبوا بعض جدا وخصوصا انهم قريبين فى السن وآخر لم زهقت  اتفقت مع حد يقتل كريم بحادث سيارة علشان يبان انه حادث وكان كريم عنده 8 سنين ومكرم عنده 10 سنين لكن ابنى مكرم شاف العربية وهى جاية وبعدين زق كريم والعربية داسته هو ومات ومن ساعتها وانا بكره كريم كره العمى وحاولت اقتل ابوه وفعلا قتلته وخطفت كريم منهم ورميته فى الشارع وأمه مستحملتش صدمة موت زوجها وخطف ابنها فماتت بسكتة قلبية لأن قلبها كان ضعيف وكان لكريم ولد تانى وهو كرم و انتى قتلتيه