البارت الثاني
زينه خرجت وهي متعصبه منه لعدم رده عليها لفت الشقه كلها ملوش أثر وقفت ف نص صاله مستغربه سمعت الباب بيتفتح تاني بصت وراها بهدوء لاقت ياسين داخل وباصصلها باستغراب
ياسين ..
مالك يا حبيبتي واقفه كده ليه؟
زينه حاولت تبان طبيعيه قالت ل نفسها اكيد من قله النوم اتهييء ليها أن في حد دخل
ياسين ..
زينه مالك بكلمك
زينه فاقت من سرحانها ...
هه احم معاك يا ياسو سرحت شويه جبت الشاحن؟
ياسين ..
اه تمام اجهزي بس عشان صحابك نازلين يسلمو عليكي قبل ما نسافر الاسبوع اليتيم دا
زينة بضحك ...
احلى اسبوع عشان جمبك يا حبيبي بس زعلانه منك بابا كان متعشم يوصلنا للمطار ليه احرجته كده
ياسين بضيق حاول يخفيه ...
محبتش اتعبه ويرجع المشوار دا كله هو وماماتك لوحدهم بالليل متأخر عملت ع راحته عادي يعني كريم هيوصلنا وخلاص بقا
زينه بتفهم ...
ماشي يا ياسو زي ما تحب
جرس الباب رن فتح ياسين كانت ياسمين وكريم و صبا ومالك
مالك ابن صبا ٦ سنوات طفل جميل جدا و دمه خفيف اوي
مالك وهو بيجري يحضن زينه
مالك ..
مامي زينه وحشتني اوي
زينه ..
قلب مامي وانت كمان وحشتني اوي اوي
ياسين كشر ..
لمى ابنك يا صبا بدل ما اكدرك ف الشغل وربنا
صبا بذهول ...
. ايه دا يا بشمهندس هتغير من عيل صغير وبعدين مالك متعلق ب زينه وياسمين من زمان
كريم ...
صغير مين يا حجه دا بيخليني اتشال واتحط وهو مع ياسمين
ياسمين ..
انتم اللي عقلكم صغير جدا علي فكرة واووووفر
مالك بيوشوش زينه وهي عماله تضحك
ياسين بغيظ ..
انت بتقولها ايه يضحك اوي كده ما تسمعنا معاك يا استاذ
مالك ببرائه ..
بحكيلها على بيبه يا عمو
صبا بتساؤل ...
مين بيبه دي يا مالك
مالك ...
صحبتي في الحضانة يا مامي
ياسين ...
وايه بقا بيضحك في موضوع بيبه صحبتك يا لوكا
مالك ...
مفيش حاجة تضحك انا بقول ل مامي زينه انها حلوه فهي بتسألني مين احلى هي ولا بيبه قلتلها انتي طبعا يامامي
زينه وهي بتحضنة ...
قلب مامي انت والله
ياسين بغيظ ...
يا حلوه مبسوطه انك احلى من صحبته
ياسمين بزعل مصطتنع ...
وانا يا لوكي احلى ولا بيبه
مالك ...
انتي طبعا يا مامي احلي
