البارت الاول
وعذابي في حبك أشد من عذابي في بعدي عنك
لكني اعشق عذابي طالما فيه قربي منك
يوم جديد بدء وبدأت معاه قصتنا ياسين فتح عينيه وفضل باصص علي حبيبته وهي نايمه جمبه مش مصدق انها امبارح بقت مراته قدام الناس كلها بعد كل السنين الي قضوها سوا وقصه حبهم اللي تعبو كتير فيها ..... فضل كتير يتأمل ملامحها وابتسامه كبيره مش بتفارق وشه كأنه كان في سباق طويل وامبارح بس وصل خط النهايه وفاز
ياسين ب حنان ...
زينه زينو حبيبتي اصحى يلا بقالك كتير نايمة وسيباني
ابتسمت وهي مغمضه عينيها وفهم ياسين أنها فاكرة أن دا حلم
ياسين ببتسامة ...
هههههه على فكره انتي مبتحلميش انتي جمبي فعلا ياروحي
فتحت عينها بخضه وبصتله وبصت للمكان حواليها كأنها فعلا بتستوعب هي فين
ياسين ..
هههههه بجد فاكراه حلم حبيبتي انتي في حضني و معايا وامبارح كان فرحنا
زينه بصوت رقيق ...
فعلا كنت فكراه حلم .... صباح الخير حبيبي
ياسين ...
يا صباح الورد والفل والياسمين على عيونك الحلوه
زينه وهي بتقعد قصادة ...
هي الساعه كام دلوقتي ؟
ياسين ...
يعني حوالي ١٠ كده
زينه كشرت ...
١٠ و بتصحيني بدري كده ليه حرام عليك ملحقتش انام انا ؟
ياسين وهو بيلعب في شعرها ...
اولا عشان وحشتيني ثانيا عندنا سفر حضرتك ولا نسيتي
زينه بنوم ...
ياسو يا حبيبي ربنا يهديك ناملك شوية السفر لسه بالليل نام و سبني انا كمان انام
ياسين قرب منها وهمس ...
بقولك وحشتيني ايه في الكلمه دي مش مفهوم
زينه كشت في نفسها ...
بقولك ايه انا انا جعانه اوي
ياسين كشر ...
جعانه ايه مش كنتي عايزه تنامي دلوقتي ؟
زينه ...
لا خلاص صحيت وعايزة اكل مش هتفطرني بقا ولا ايه ؟
ياسين باستغراب ...
افطرك ! هو مين مفروض يفطر مين ياروحي ؟ انا ولا انتي ؟
زينه بمرح ...
لا بقولك ايه في الروايات اللي بقراها البطل هو اللي بيحضر الفطار تاني يوم جواز اه وايه كمان أيوة وبيكون مع الفطار عصير فريش و ورده حمرا
ياسين برفعه حاجب ...
ورده حمرا ايه وعصير ايه ام الروايات اللي لحست دماغك قومي يا زينه قومي ربنا يهديكي نشوف سوا ف ايه يتاكل
ضحكت عليه قامو سوا يحضرو فطار وابتسامتهم منوره وشهم
___________________#بقلم_مني
