My Life

Chapter 5 (Maha Episode)

KS: kuch cases humare tarike se solve hote hai aur kuch nahi bilkul ussi tarah jaise kuch cases aapke tarike se solve hote hai aur kuch nahi

HM: tajurba kehta hai humara ki aisa koi case nahi jo jazbaat se solve na ho kyuki jazbaat apraad khatam karte hai aur apradi ko sudharte hai. Jo ki aapka bhaukal kabhi nahi kar sakta

KS: agar aapke tarike har jagah kaam aate aur apraad khatam karte aur apraadi ko sudharte to Bulbul Pandey aur Mishri Pandey jaise log baar baar humare thane ko aakh utha kar nahi dekhte aur agar humare tarike se apraad khatam nahi hota apraadi nahi sudharte to BC aaj bhi chori kar raha hota. Aapke aane ke pehle se hi BC humari madad karta hai case solve karne mai. Vo aapke jajbaat ki wajah se nahi humare bhaukal ki wajah se sudhara hai

BC: Haan MS, KM keh to sahi rahi hai. Agar KM nahi hoti to shayad mai chori karna kabhi nahi chorta. Unke thapadro ne hi mujhe sudhara hai

HM: KS aap samajhti kyu nahi hai ki aap jo karti hai vo kannon ke daayre mai nahi hota. Aap humesha kanoon thorti hai

KS: Aap to aise baat kar rahi hai ki jo aapne aaj tak kiya hai vo sab kanoon ke dayre mai tha

HM (a bit loudly): humne aaj tak kabhi kanoon ka dayra nahi langa hai

KS: to phir kya ek civilian ko ek trained officer ki jagah duty par rakhna kanooni tha?

HM: jo kehna chahti hai vo saaf saaf kahiye

KS: jab aapne humari aur kareena ki jagah badli thi tab aap acche se jaanti thi ki vo kanooni nahi tha. Aap ek trained officer ki jagah ek civilian ko nahi dal sakti thi. Dsp Anubhav sir hai nahi to agar purane wale dsp hote ya phir yeh baat department mai pahunch jaati to aap lambe samay ke liye suspend ho jaati

HM: humne jazbaat ke nazariye se vo kiya aur jo kiya sahi kiya aur hum mansha sahi thi

KS: waah yeh accha hai aap apne nazariye se kaam karke kanoon thore to aap sahi aur hum apne nazariye se kaam karke kanoon thore to hum galat aur humari bhi mansha har baar sahi hoti hai. Aur aapko har kisi ke jajbaat samajh aate hai na sivaay humare

HM: kya matlab hai aapka

KS: matlab...matlab yeh ki aap dekh rahi thi ki hum apne aap ko aapki maut ka zimmedar samajh kar tarap rahe the. Hum raat ko neend nahi aati thi baar baar bure sapne aate the....aapne apni maut ek baar ji hai hum to usse roz din jeete the. Aapko sab pata tha phir bhi aapne Urmila ban ne ka naatak jaari rakha. Jab hum aapko bhaga kar lekar gaye taaki aap arrest na ho to aapne hume goli maar di kabhi socha ki humne vo dard kaise saaha hoga

HM: humne aapko bachane ke liye vo kiya tha

KS: aisa aap maanti hai, hume bachane ke aur bhi tarike the

HM: accha lekin urmila ka jab naatak kiya tha tab humne apne farz ko upar rakha tha

KS: humne aapki dono baate maan li, lekin aapki ego it bari hai ki aapne dono baar humse acche se maafi tak nahi maangi apni galti ki

PS: aap yeh kaise baat kar rahi hai MS se

KS(angrily) : PJ aap beech mai na bole to accha hoga....yeh aapke SENIORS ke beech ka maamla hai

HM: jab humne koi galti ki hi nahi hai to hum maafi kyu maange. Vo sab humari majboori thi

KS (smiling sarcastically): abhi bhi aap mai itni ego hai ki aap humse maafi nahi maang rahi hai. Aapko apni soch aur jajbaato ke aage kuch dikh tha hi nahi hai. Vaise aap hi kehti hai na ki koi bhi majboori kisi Maasum ke dil dukhane ki maafi nahi deti. Pata nahi aapka yeh tajurba hum par kyu laagu nahi hota. Aapke jajbaat, jajbaat aur humare jajbaat football hai kya ki koi bhi aakar kick maar karke chale jaaye

HM: Bas KS hu....

AS: HJ hum baat kar rahe hai....KS hum aapki sab baat samajh rahe hai par aapne aur HJ ne pehle bhi to samjhota karke case solve kare hai to ab kyu nahi

KS: sir jab bhi humne aur MS ne samjhota kara hai na, tab MS ne sirf naam ke liye hi samjhota kara hai. Asal mai samjhota sirf hum hi karte hai. Aaj tak jabhi humne saath mai samjhota karke case solve kiya hai, aise kabhi nahi hua ki ek case bhi humare tarike se solve hua ho. Humesha case MS ke tarike se case solve hua hai. Inhone sirf apni hi chalayi hai....humse yeh sab aur nahi hoga. Hum yeh gulaami aur nahi hogi

PS: aise koi parivaar chor kar jaata hai kya

KS: PJ jab ek bacche ko tarikki karni hoti hai na to usse kai baar parne ke liye apne parivaar se dur jaana padta hai. Humare saath bhi aisa hi hai. Hum 4 saal se yaha hai par hum promote nahi hue hai. Kya pata yaha se jaa kar shaayad hum promote ho jaaye

PS: dekhiye aap parivaar ko kyu tor rahi hai

KS: kyu humne parivaar ko jorne kar rakhne ka theka le rakha hai. Hum itne mahaan nahi hai PJ

PS: dekhiye parivaar....

KS: parivaar....to hum kahe keh rahi hai parivaar ko saath rakhne ke liye....MS ko kahiye na.....inhe boliye yeh hume yaha ka thana imcharge banne de aur humare under as SI kaam karle

PS: bas kariye aap. vo aisa kyu karengi

KS: to hum kahe dusre thaane mai naa Jaye. Hum mahaan nahi hai. Vaise bhi mahaanta ki muraat to MS hai na

HM(angrily): Bas KS aap junior hai aur yeh baat bhul jaana aapke liye accha nahi hoga

KS: Haan hum hai aapke junior par ab aap humari thaana incharge nahi hai to yeh baat bhi aap mat bhuliye

HM: aap itni selfish ho jayengi humne kabhi socha nahi tha

KS: aap hume kabhi samajh nahi sakti. Samjhengi bhi kaise, aapko kabhi apne senior se dab kar nahi rehna para hai aur naa hi bina chahte hue bhi uski Haan mai Haan milana para hai. Aapne to bas apni hi chalayi hai bina humare baare mai soche. Jis din aapko yeh sab sehna parega na us din aapko samajh aayega ki hum kitne selfish the. Par hum yahi aasha karenge ki aapko kabhi aisa din na dekhna pare kyuki yeh zindagi bohot bekaar hai aur aap aisi zindagi sehen nahi kar payengi. Bohot selfless ban liye, usse hume kuch nahi mila tanno ke siva, ab apne liye selfish banna chahte hai

HM: aapko jo karna hai kariye. Par agar aapko aisa lagta hai ki aapke yeh sab karne se hum yeh keh denge ki hume aapki zarurat hai to aapki galti fehmi hai. Hume cases solve karne ke liye aapki zarurat kabhi nahi paregi. Uske liye hum khud hi kaafi hai. Aur haan hum aapko yeh bata de ki thana chalana utna aasaan nahi hai jitna ki aap samajhti hai

KS(smiling): aap is baat mai galat nahi hai ki aapko humari zarurat nahi paregi case solve karne ke liye. After all aapne humare bina kai case solve kare hai....aur humne aapke bina thana chalaya hai. Mpt bhi aur Jpt bhi. To aap humari chinta mat kariye

HM looks at her angrily

KS: chalte hai hume apni packing bhi karni hai

She salutes AS and HM and leaves

PS: MS, KJ ki taraf se hum aapse maafi maangte hai. Unhe aapse aise baat nahi karni chahiye thi

HM: it's OK PJ, aapki galti nahi hai. Hopefully KS ko bhi apni galti ka ehsaas jaldi hoga aur vo yaha vaapas aakar kaam karengi aur apni galti ki humse maafi bhi maange gi

___________________________________________

Please share your views on this confrontation

Pls aap sab ek word mai comment mat kara kariye. I want to know your and opinions and POV. To pls vo likhiye

Mujhe last chapter pe aapke comments boohot acche lage. I have read it all but I couldn't reply so sorry for that. Pls is maha chapter par bhi vaise hi comments likhiye

And no offense to any character. Mai yeh story KS ke POV se likhi because I feel show HM ke POV se sab dikha ta aur KS ka POV miss ho jaat hai