المتمرد و الصغيره

البارت الثاني

راهب-

وصلنه وانداريت عليهه ونزلو ابوي واخوي.

راهب: سمعي ولچ انتي هنا فصليه وتنامين بغرفه جوه وما تصعدين للغرف ولا تطلعين بدون علمي وما اريد اسمع منچ مشاكل او شي مو زين .

إيزل: تأمر .. كالتها بخوف وهي منزله راسهه

إيزل-

كلماته جرحتني رغم انها حقيقية.. نزلت بسرعه وأخذت الچنطه ودخلت البيت لگيت كومه زلم و وجهي أحمر من الخجل ..

دخلت و سحبتني أيد مادري منو ودخلتني البيت بسرعه ..

راهب: أي احد ما أريده يشوفچ فاهمه! .. كالهه بصياح وعصبيه

إيزل: حاضر.. ونزلت دمعتي

أشر على اخته .. دخلتي واخذتني للغرفه الي جوه ومبينه حبابه من حجيهه بس لازم ما اثق بأحد هنا .

هُمام: هذي غرفتچ أي شي تردينه كوليلي ..

إيزل: تمام شكراً ..

هُمام: رفعي راسچ أريد أشوف أخوي يستاهلچ لا .. مبينه صغيره شگد عُمرچ؟.

إيزل: عُمري 17 سنه .. ورفعت راسي وباوعت عليهه

اباوعلهه هاذي بقت صافنه عليهه شنو السالفه ..

هُمام: أني هُمام أخُت زِوچچ ..

إيزل: وآني إيزل ، بس أني فصَليه .

هُمام: لا انتي زوجَة اخوي مو فصليه .

إيزل: تمام لعد .

هُمام: اني حطلع وامي راح تجي تشوفچ .

إيزل: أكولچ ام راهب هم عصبيه؟ .. لزمت ايدها.

هُمام: لا لا كولش حبابه واصلاً بس تشوفچ راح تحبچ .

إيزل: أنشألله .

هُمام: اخذي راحتچ .

طلعت هُمام وبقيت بالغرفه چانت صغيره بس مرتبه وبناتيه ..

كعدت وتمددت ودخلت أخُت راهب ألچبيره وهي تباوعلي بحقد ..

كمت بسرعه وباوعتلها وهي تقربت مني بسرعه وجرتني من شعري وهي تصرخ .

أيه: الله ياخذچ انتي وذاك خليتو هذا البيت فارغ ليش كتلتوه!..

إيزل: والله معليه وخري عني الله يخليچ .

بقيت ابچي لحد ما دخلت هُمام وامها لان سمعن صياح أيه .

هُمام سحبت أيه وام راهب 'ليام' سحبتني لحضنهه وآني ابچي .

ليام: لچ متستحين ، ما تخجلين من روحچ شسويتي بالبنيه ..

ايه: يمه الي واكفه يمچ أخت چتال أخوي .. بصياح

ليام: هُمام إخذي اختچ لغرفتهه بسرعه .

اخذت أيه والام تمسح على شعري وآني لازمتهه حيل من الخوف ..