المتمرد و الصغيره

البارت الاول

كعدت لما أمي كعدتني ..

حنان: يلا يمه گومي صارت بـ 9:30 .

إيزل: ها يكن أي كاعده كاعده اني .. وردت نامت .

حنان: ولچ كومي ابوچ راح يحجي عليج .

كمت لان مؤكد صدك راح يحجي علي ، دخلت الحمام وغسلت وجهي وطلعت لبست دشداشه مخصره بلون اخضر فاتح واكيد ما انسه الشال.

طلعت من غرفتي ودخلت المطبخ وحضرت سفرت الريوگ وكعدنه اني وابوي علي واخوي يعقوب واختي الچبيره يُسرىٰ وامي ..

يُسرىٰ: اكولچ اليوم أنتي تغسلين المواعين .

حنان: ليش همه عليچ مو عليهه .

يُسرىٰ: لا بس ما بيه حيل أغسل .

علي: أي إيزل انتي غسلي المواعين اختچ شنو يعني .

يعقوب: تره هي أمس كله بس تغسل امواعين..

علي: انت اسكت مالك دخل بهيچ سوالف ..

إيزَل: عوفهم يعقوب .. اني لازم يوميه اسمع هذا الكلام الي مثل السم .. بالعافيه .

كمت وغسلت ..

يعقوب: بابا درينه هي الچبيره تره مالها حق تحجي هيچ وي إيزل ..

علي: كمل ، انت الثاني ادافع عن اختك الثانية مو ..

الي ما يعرف بابا متزوج أثنين يعني يُسرىٰ من ام وآني ويعقوب من أمي حنان ..

رحت نظفت وسمعت تلفون ابوي يرن وبسرعه لزمته واخذته لعنده ..

آني اول ما انطيته طلعت بره وكمت انظف الحديقة وزگيتها ودخلت البيت ..

واول ما دخلت شفت ابوي مبدل و طلع بسرعه بالسيارة هو و يعقوب ..

إيزل: ماما شصاير؟...

حنان: عمچ حُسام راد ابوچ بشغله وراح ..

إيزل: اوك يمه يلا روحي كعدي اني اكمل الشغل ..

حنان: يلا إذا هيچ خلي اشوف المسلسل من البارحه ما شايفته ..

دخلت وشفت يُسرىٰ كاعده وتباوع بتلفونها عاد كمت على شغلي وخلصت بـ 11 وكملت..

رحت كعدت واباوع بالتلفون وامي كامت تسوي غده كلت خلي اساعدهه وشفت يُسرىٰ تراسل بمجموعه كُلهم شباب وبنات ونوب تطلع من الكروب وتدخل على واحد ودگله حبيبي ..

يمه لو يدري بابا والله يكتلهه بس ما عليه وكمت حضرت وي ماما الغده وصارت بَـ 1 وابوي ماكو لا هو ولا يعقوب ..

إيزل: ماما دگي على بابا وينه وين صار ؟.

حنان: توني خابرته كال أرجع بالليل .

إيزل: بس ليش بالليل ؟.

حنان: يمه شغل يم عمچ .

إيزل: بعد خلي اصيح يُسرىٰ حتى نتغده سويه ..