المتمرد و الصغيره

البارت الثالث

صعدت للغرفه ودخلت غرفته وچان أثاثها يجنن والچربايه الچبيره وفراشها يخبل بسرعه رحت ونگزت عليها وأنتبهت على نفسي ..

إيزل: ياا الفراش تخربط ..

بسرعه عدلته وفتحت الخانه ومفصوله ملابس رجاليه وملابس نسائيه وعطرهن حلو ..

دخلت الحمام وشفته مرتب دخلت وسبحت ..

سبحت وكملت وكعدت اسرح شعري كمت وبقيت اباوع على الغرفه وبهذي الاثناء دخل راهب ..

باوعت بسرعه وسحبت الشال ولبسته ..

راهب: منو كلچ تصعدين هنا اني شكتلچ .

إيزل: أخُتكَ گالت صعدي لان انت راح تجي .

راهب: اسمعي مال احبچ هاذي انسيها من بالچ أنا عندي سمر احبها وتزوجنه مفهوم .. بصياح .

من حچه هيج حسيت اني هنا بلى قيمه ولا كإنما متزوجين شرعياً بس ابقه فصليه ..

إيزل: بس ليمته تزوجتو ..

راهب: صارلنه اسبوع .. تعالي حبيبتي دخُلي .

دخلت سمر چانت بشرتها حنطاويه وشوي تجي بطول راهب وعيونها مدوره وشفتها مبين مسويتلها فلر وشعرها طويل وخصرها مشدود وجسمها مربرب ومكثره مكياج ..

راهب: هاذي زوجتي سمر..

سمر: حبيبي هي هاي الي دگول عنها اخذتها فصليه .. بدلع وغيره .

راهب: أي هي حبيبتي .

سمر: اووع ليش هيج لبسها عدالي خدامه .

أيزل: والله الخدامه الي هنا بس انتي شعندچ طالعه وي واحد متزوج بهذا الليل شنو متستحين شكبرج وشعرضج لشوكت تبقه هل النماذج والله يا الله ..

هزين ايدي بأستهزاء وطلعت ..

سمر: حبيبي شنو هاي!..

راهب: عوفيها .. اتغار منج ..

سمر: هم صحيح ..

....

نزلت وسديت الباب ونمت بسرعه علمود باچر ..

.
.
.
.
.

كعدت ولكيت هُمام كاعده يمي ..

هُمام: ها صباح الخير ..

إيزل: صباح النور ..

هُمام: اكولچ بعد أسبوع يصير عيد ميلادي واريدج ترحين وياي نشتري شغلات للحفله ..

إيزل: صدُك يلا موافقه ..

واحنا دنحجي سمعنه صوت عمو ابو راهب ..

طلعنه بسرعه وشفت راهب وسمر يترزلون من عمي والله يستاهلون ..

ابو-راهب: هيج علمتك هيج تروح تربيتي ..

راهب: يابه اني كتلك من قبل رافض فكرة الفصليه .

ابو-راهب: اسكت!! ، بس من تتزوج من ورانا تقبل .. هاي ما اقبلها چنه الي لو شنو ما يصير .. بصياح .