عند جنة .............. كانت جنة قاعدة تستكشف الاوضه من كل حته دي حتي عرفت أماكن تخرج منها من غير ما فراس يحس بس قررت تعمل حاجه بس قبل ما تنفذ دخل فراس لقاها صاحيه... فراس:انتِ لسه صاحيه ليه انا افتكرتك نمتي جنة ببرود:عادي انا مش بنام دلوقتي خير عايز تيجي تعذبني ولا تضربني ولا هتدخلني اوضه تعذيب و جلد و الجو ده صح فراس بسخرية:انتِ خيالك وااااسع اوي انا جي هنا عشان اقولك أن خلاص قضية مريم كلها أيام و هتتقيض ضد مجهول و هتتقفل جنة بنفس السخرية:طيب ما انت كمان خيالك واسع اهو اتخيلت كده طلما جنة اتخطفت يبقي القضية هتتقفل و مفيش مثلا محامين غيري يمسكوها لا لا مفيش و الادله اللي لقتها هتترمي ما خلاص القضية هتتقفل لا واسعت منك دي يا فيرو فراس بغضب شديد:بت انتِ متستفزنيش انا لغاية دلوقتي مش عايز أمد أيدي عليكي جنة بتحدي:لو راجل مدها عشان ساعتها أيدك هتوحشك زي ما بتقول و القضية هتكمل و هلاقي مريم حتي لو هي قاعدة ف جحر الأسد فراس اتعصب منها و لسه هيمد أيدوا دخلت بنت ما يقال عليها أنها جايه من كباريه...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لارا بغيرة و غيظ:يعني طلع الكلام صح بقي انت فعلا يا فراس اتجوزت البت دي جنة بصدمه كبيرة:نعمممم!! ..((فلاش باااااااااااك)).. _فراس بيه الانسه لارا بتتكلم ارد ولا ايه فراس بضيق:اووووووف بقي مش وقتها خالص قولها اني مشغول ولا حاجه _بس حضرتك عارف أنها زنانه و مش هتسكت غير لما حضرتك ترد فراس بخبث:خلاص قولها اني اتجوزت و مش فاضي اني ارد عشان مشغول مع مراتي _اتجوزت مين؟!! فراس بخبث اكبر:اتجوزت جنة قولها كده ..((بااااااااااك)).. فراس و حط ايدوا ف بوق جنة عشان يسكتها و قال ببرود:اه اتجوزت عندك مانع و يلا روحي شوفي وراكي ايه عشان انا ورايا دخله دلوقتي جنة اتكسفت اوي و خدودها بقوا أحمر جدا و لارا مشيت و هي متعصبه بعد ما مشيت قامت جنة عضت ايدوا من الغضب... فراس بوجع:ااااه يابت العضاضه ايه ده جنة بغضب شديد:ايه الكلام اللي انا سمعتوا ده مين دي اللي مراتك انت اتهبلت ف عقلك ولا ايه فراس ببرود:لا يا لمضه هانم متهبلتش انتِ فعلا هتكوني مراتي جنة بغضب حارق:انت مجنون صح ولا بتستعبط ولا ايه بقي انا محاميه ها محاميه و عايزني اتجوز مجرم ده في أني شرع ده ولا ف أني قانون ده ولا ايه فراس ببرود شديد:مليش انا ف جو القانون و الدراسه بتاع حضرتك ده سمعتي انا قولت ايه هنتجوز بكرة ان شاء الله مصر كلها هتعرف أن فراس الألفي اتجوز المحاميه جنة حامد عبد الكريم اجهزي و مشي و سابها قبل ما تكمل كلامها وقالت ف نفسها:لا لا مستحيل ده يحصل بقي انا مش عايزة اختلط بيه نهائي ابقي فاجأة كده مراتوا ده لما يشوف حلمه ودنه كده ما هيحصل انا لازم انفذ خطه باء لارا:الو يا باشا فراس هتجوز المحاميه اللي خطفها _انتِ اتنجننتي يا لارا ولا بتستهبلي يعني ايه هتجوز المحاميه لارا بغيظ:والله العظيم ما بكدب عليك يا باشا هتجوزها فعلا انا لسه سامعه حالا بوداني دول _بقولك ايه الجوازة دي لا يمكن تتم يعني انا باعتك ليه عشان نخلص منوا و من اعمالوا اللي عماله تكبر دي و في الآخر يتجوز و يكبر ف السوق اكتر بسبب المحاميه دي يبقي احنا لازم نخلص منها لارا بتساؤل:هنخلص منها ازاي؟؟ _تعالي ف الوقر بتاعي و انا هقولك ____________________________________ ف مكان أخر ..................... يوسف:ها قولي التفاصيل _اسمها لوجين سهيل محمد العربي عمرها ٢٢ سنه بتدرس ف كليه الطب و نفسها تكون دكتورة زي مامتها تالين محمود السيد و عندها صاحب اسمهم تارا و فاطمه و سمر يوسف:طيب مين الرجل اللي كان معاها ده بيقول انوا خطيبها _اسموا عامر الجندي و ده بيشتغل دكتور ف المستشفي من سنين واللي فهمتوا أنوا واضح انوا بيحبها من و هي صغيرة يوسف بغموض:اممم تمام خليك بتراقبهم و هنعرف ايه الموضوع _____________________________________ في بيت مشيرة ....................... صحيت من نوم و راحت ادت فرضها و بعدها لبست بلوزة زرقاء و بنطلون أبيض و عليه ورد
