جامعٍ في ضحكتك كل محبوب

البارت الثالث

استغفر الله واتوب اليه
الحمدلله
لا اله الا الله

صباح يوم جديد
الجده نوره ومنال وعائشة يطبخون
وحصه جالس ترتب الجلسه
والباقي نايمين
عند الجد عبدالعزيز دخل خيمه الشباب وفي يد الخيزرانه
الجد بصوت عالي: يااولد قوم انتِن وياه ولا اقوم لكم الحين
ياسر و وليد و يوسف و ريان و زياد ويزن فزو وقامو بسرعه
اما سعود نايم ولا درا عن احد شوي كذا الا يحس بشي كسر ضهره قام: ياولد الكل..اوه جدي حي الله
الجد:اجل ياولد الكلب هاه؟
سعود:السموحه ياجد والله احسبك يزن
الجد:زين زين
طلع الجد
والكل انفجر ضحك
يزن وهو يضحك : اجل احسبك يزن هااه
وليد :يوه تكفى شكلك يضحك
سعود:خلاص عاد
وطلعو العيال
سعود:الله الريحه الحلوه
منال:تعالو يمه تعالو افطرو
شوي كذا الا جو البنات
لميس وقمر يسولفون ويمشون
وريوف وروان فيهم نوم وكل واحده مو طايقه الثانيه
الجد:حي الله البنات
وليد:ي جده حنا ليه ماقلت لنا مثلهم
الجد:هااه
وليد ارتبك:ابد سلامتك
والبنات ماسكين ضحكتهم الا لميس ماقدرت تمسك ضحكتها وانفجرت والكل قام يضحك معا وفيصل اللي مايدري وش السالفة بس ضحك معاهم
ريوف:فصولي تعال عندي ابيك
راح فيصل عندها وجلس في حضنها وقعد يسولف معها
سعود:يلا يا عيال
الجده:على وين يمه
سعود:بنسير على الخيل
ريوف فزت:يمه تكفين ابا اروح معاهم
عائشة:تمام يمه
ريوف بحماس:بنات هيا
البنات شافوها مبسوطة ما حبو يكسرو خاطرها وقالوا يلا
ليلى وسلمى اعتذرو
وراحو ريوف و لميس و روان وقمر
وكلن منهم اختارت حصان
ريوف ركبت
لميس ماعرفت
وليد شاف لميس كان راح يسعدها بس شاف ياسر راح يسعدها
ياسر:لميس تبين اساعدك
لميس:اي لاهنت
ياسر:وليد
وليد التفت:سم
ياسر:بالله تعال امسك الخيل وامش به على خفيف بروح اشوف قمر عمتي حصه موصيتني عليها
وليد:زين واخوها
ياسر: مدري
مسك وليد الخيل وصار يمشي به على خفيف
وليد:خايفه
لميس:هاه؟تخيلو اخاف ههههههه
وليد:اجل امسكي خيلك وانا بروح اجيب خيلي علشان نتسابق (وليد كان عارف انها خايفه)
لميس بلعت ريقها:تم
وليد: كانت امزح معاك اشفيك صدقت
عند ياسر وقمر
ياسر:ماشاء الله ركبت
قمر:اي تبي شي ؟
ياسر:لا ابد سلامتك بس امك موصيتني عليك
قمر:زين تقدر تروح
ياسر:زين اجيب حصاني ونتسابق انا وانتِ مثل سعود وريوف
قمر اللي تحمست:تممم
راح يجب حصانه
عند ريوف و سعود
سعود:ابك تسبقيني
ريوف:اي يلا
وبدو يجرون بالخيل
ريوف بصراخ:فزت فزت
سعود:طلعتي مب هينه اجل
ناظرته ريوف بانتصار
وراحت عند ياسر وقمر ولميس و وليد تقولهم انها فازت على سعود
و روان ويزن كانو يسولفون
وليد ويزن وروان بصدمه و صوت واحد :فزتي عليه
ريوف:اي
وليد ويزن يناصرون بعض ومستغربين سعود اللي دائما يفوز الحين تجي ريوف وتفوز عليه
جاء سعود
وليد : اجل ريوف فازت عليك
يزن غمز:اي اي فازت عليه
سعود:ياعيال وشفيكم
ياسر:أبد سلامتك
ورجعو ل الخيمه وهم يضحكون
ريوف نقزت عند الجد:جدي
الجد:سمِ ي ريوفي
ريوف:تدري اني اليوم فزت على سعود بـ الخيل
الجد:اي هاذي بنتي الكفو
الكل انصدم والتفت لـ سعود (سعود كان كل العايله تعرف انه مستحيل يخسر في سباق الخيل)
خالد:وشهو تقولين ي ريوفي
ريوف التفتت:اقول أني فزت على سعود في سباق الخيل
عادل:كفو عليك ي روفي
عائشة:غريبه سعود انتِن مستحيل تخسر
سعود :اي ي عمه بس الخيل تعبان علشان كذا ما اسرعت
وليد يهمس له بضحكه ويغمز:اي اي الخيل تعبان ولا الحب اتعبك😉😉
يزن:شكله الحب اتعبه
سعود:والله لو ماتسكتو لا اقوم لكم ب النعال
انتهاء اليوم

اعتذر اذا في اخطاء🫶🏻