جامعٍ في ضحكتك كل محبوب

البارت الواحد والثلاثين

سبحان الله

الضهر الساعه ١٢:٣
صحو الكل يصلون صلاه الضهر
راحو الرجال يصلون و الحريم يصلون
بعد الصلاه اجتمعو الكل
وكانو الحريم يسون العجينه والعيال يقرؤن قران
روان:اليوم الفطور عند من ؟
ياسر:عند ابو حميدان
ريوف:اماا اليوم الفطور عندهم
ياسر:اي
وكملو شغلهم وبعدها اذن العصر وراحو يصلون ويطبخون ويجهزون الفطور وبعد ماخلصوا جو الحريم عند الجده عشان يروحون سوا وراحو سوا وصلو و استقبلتهم ام حميدان بترحيب
ام حميدان:ياهلاا وسهلاا نورتونا ويامرحبا وحياكم الله اقلطو اقلطو
دخلو الحريم داخل واستمرت الاجواء اللي داخل واللي خارج واللي يسولف واللي واللي لين اذن وراحو يفطرون وبعدها راحو يصلون ونفس الشي عند الرجال
وبعد الصلاه راحو المجلس حق ام حميدان وقامو بـ القهوة والشاي والمعجنات والحلى واللقيمات وباقي الاشياء
وعند الرجال
خلصو من الصلاه ورجعو مجلس ابو حميدان وقامو العيال وباقي عيال الديره يلفون بالقهوة والشاي واللقيمات و المعجنات وباقي الاشياء وكانو الشياب يسولفون والرجال يسولفون والعيال خلصو من اللف با القهوة وراحو يجلسون وياخذون اخبار بعض واذا شافو احد خلصت قهوته فزو وراحو يصبون له
يزن:ايوه كيفكم
العيال:بخير
بعد ما راحو الرجال والحريم بيتهم

الساعه ١٢:٣٠ في بيت الجده
الجده:يلا يا عيال وبنات روحو تعاونو ونضفو الحوش
الكل:سمي
فيصل:جده بروح معاهم
الجده:روح وانتبه لا تطيح
وصار حرب على المسحات والمكانس
يزن:اف وشهو ذا معد حصلت لي ممسحه
سعود:امش معي البيت نجيب
روان:لا تتعبون انفسكم تحصلون في المستودع حق جدتي مسحات كثيره
وراحو يزن وسعود يركضون لـ المستودع
وحصلو لهم ورجعو يركضون
كانو ياسر وريان وزياد ويوسف و وليد وقمر وريوف وروان ماسكين لهم مساحه ولميس ترش لهم با المويا في الارض
وبدون اي انذار رشت لميس عليهم
البنات بصراخ:لميس
اما العيال كانو مستأنسين با المويا اللي جاهم
وجلس فيصل يدور:مطر مطر
جاهم الجد
الجد:بتمسحون زين ولا با الخيزرانه !
الكل:لا خلاص
وصارو يمسحون بهدوء لين مارح الجد
يزن:اقول لكم نكته
روان:لا
يزن:سمعت اي المهم واحد تأخر على الدوام قاله المدير ليش تأخرت، قال كنت أحلم أن عندي ضيوف واستحييت أقوم من النوم وتركهم لوحدهم هههههههههه اضحكو
سعود:هههههههههههههه مراا يضحك
زياد:ليتك ساكت
يزن:شدعوه ترا يضحك بس انتم نفسيات
زياد:اي حنا نفسيات ماعليك مناا نظف بس
وكملو تنضيف
الساعه ١:٠٠
خلصو وراحو البنات يسوون السحور والعيال راحو عند جدتهم يسولفون
عند العيال
سعود:جده
الجده:سّم يا سعودو
سعود:كيف كانت حياتكم زمان
ضحكت الجده:والله يا سعود حياتنا كانت حلوه بمعنى الكلمه كان اخر همنا اننا نتجمع ونلعب سوا في الحاره
سعود:الله انتو ومن
الجده:انا وجدك وام حميدان وابو حميدان وعزيزه وام سماعيل و خميسه وابو سهم وابو فجر وام فجر كنا نتجمع في الحاره العصر ونلعب وكان يجينا واحد يقولون له راعي الخير من كثير الخير اللي يقدمه كان يركبنا بحوض السياره حقته ويروح بنا البر و يمشينا في الديره ليتها ترجع هاذي الايام
يزن:الله حياتكم كانت حلوه
زياد:ياجده شكلك الا الان تذكرين ايامكم زمان
دمعت الجده:اي والله يا زياد اذكرها وكأنها امس صارت
راحو العيال يضمون جدتهم
يزن:جده ترا بكيتنا معاك
ضحكت الجده:طلعتو ياعيالي حساسين
سعود:اي والله
جو البنات
روان عن وشهو تتكلمون
يزن:شي خاص بينا
روان:كل تبن ماتكلمت عليك
ضحكت الجده:يزن وروان من و انتو صغار وانتو بس تتهاوشون
سعود:هاذي وراثه بينهم
روان:جده بسألك يزن كان كيف وقت كان بزر
يزن:كنت اجمل ولد في الديره
الجده:صح وكانو البنات مايلعبون الا معا سعود ويزن كانو البنات يحبونكم
سعود:كنت كل يوم العب معا وحده ههههههههههه
يزن:انا كنت اقول لهم اعطوني فلوس وامشي معاكم
الكل:ههههههههههههههه
يزن:ترا حتى احين في بنات يحبوني
روان:انت من يحبك من يشوف وجهك هرب
يزن:صج والله
ريوف:يزن ترا في بنت من الديره خاقه عليك وتحبك
يزن:العببب معجبة وشهو اسمها وكم عمرها وبنت من ؟
ريوف:هد هد بتخطبها انت
يزن:يمكن قولي بس اسمها
روان:اسمها ره..
قمر:خلاص ياخي عساس انت بتروح ركض لها
يزن:ابي اعرف من ذي اللي ذوقها فخم وحلو كذا يعني حبت وآحد مزيون مثلي بس
ريان:كملي ياجده
الجده:بقول لكم موقف كذا اذكره عن يزن وسعود
يزن:عاد حنا من كنا صغار ..
سعود:مقربين من كنا صغار حتى كانو يقولون اننا روح بجسد
كح يزن:اف اف عليك كذب انت جسدك لك وانا روحي روحي
سعود:الا يايزن انا وانت اصدقاء صح
راح يزن يضم سعود:واطلق صديق بعد واطلق ولد عم واطلق ...
سعود:خلاص يبوي هاذا كله مدح
يزن:انت ماتستاهل اي مدحه مني وترا مدحي غالي مرااا
ريان:كم سعره
يزن بتكبر:يمكن ٢٠٠٠الف او اكثر
شرق سعود :هاذا مبلغ ولا قرض
يزن:طقطق حتى بكرا بسوي نفسي ماسمع
ريوف:جده كملي ماعليك منهم
الجده:كان سعود تعبان
لف يزن على سعود:باقي تعبان ؟
ضربه سعود:اي والله تكفى ودني المستشفى اقول يا الفاهي ترا قالت وقت كنت صغير
ريان:خلاص يا بزران
الجده:كان سعود تعبان وكان منال جايبته عندي عشان اشوف وشهو فيه حطيت سعود على ركبي وجلست اهزه بـ خفيفه واسمي عليه ومنال تبرده بمويا وجاء يزن اللي كان يدور لا سعود وشافه تعبان وحالته حاله جرى لين عنده
وجلس يسأله انت بخير سعودو بخير انت تكفى قل انك
بخير وحط يده على راس سعود ويشوف حرارته
وانصدم من شاف حرارته عاليه وراح يركض ويجيب
خالد ويقول له شوف سعودو وشهو فيه وقله خالد
انه بخير وشوي ويطلع يلعب معاكم وقلنا له روح العب وشوي ويجيك لكن يزن جالس معا سعود لين ماشرقت
الشمس وكان معا ان طلب شي قله سم وراح يجيبه
كنت اراقبهم طول الثلاثه ايام (كان سعود تعبان في ذي الثلاثه ايام)وكنت اشوف كيف يزن كل ماطلب سعود
شي فز وراح يجيبه الله يديمكم يارب صح الموقف
قصير لكنه الا الان وهو في عقلي وكل ماشفتكم متجمعين
تذكرته
سعود:جده تدرين ان هاذا ولدكم البزر الا الان وهو يذلني على هاذا الموقف وكل مارفضت له طلب قال ترا انا كنت وكنت
يزن:عاد اذكر تعبتني كل شوي يزن تكفى جب لي ويزن جب لي ويزن جب لي عاد ودي احلل تعبي
وراح سعود يضم يزن
يزن:ياحبيبي انت
روان:تحركت مشاعرهم
ريوف وقمر:هههههههههه
يزن:انطمي يا ام لسان
روان شهقت:انا ام لسان يرضيك ياسعود يقولي ام لسان
سعود:هههههه لا ما يرضيني وانت وشهو بلاك على اختي
يزن:مسرع قلبت علي
سعود:عاد هاذي اختي
ياسر:جده احكي لنا مواقفنا وقت ماكنا صغار
الجده:اذكر يزن من كثر البنات اللي يجونه ويلعب معهم كان مايحب يلعب الا معا روان وكان مايخلي شوكلاتة في البقاله الا واشترها لها
يزن:ابلش عاد مالقيت الا ام لسان العب معها واخلص فلوسي عليها
روان:يوهه مصدق نفسك انت من زينك انت وفلوسك
الجده:واذكر بعد قمر كانت تحب شوكلاتة وكانت مخلصه من البقاله واخر حبه كانت عند ياسر وجلس ياسر عندها وياكل قدمها عشان يقهرها وكانت تبكي
قمر:كان كلب وقتها تخيلو اصيح عنده تكفى ياسر عطني ويقول لي لا
ياسر:هههههههه كنت احب اقهرك
سعود:هاذا الفرق بين يزن وياسر
ريان:الفرق كبيررر
ريوف:وانا مالي موقف
الجده:يوه انتن وسعود من كثر مواقفكم ماني قادره اعدها
سعود بحماس:قولي اي وحده
الجده:في شكلاته كانت تحبها ريوف مراا وكان سعود هو اللي يشتريها لها وكانو يروحون يلعبون سوا وكان سعود يحزن اذا احد جاء يلعب معا ريوف او يشتريها لها ويعصب
همس يزن لـ سعود:غيره من الطفولة وحركات
سعود:انطم ياتبن
كملت الجده:وفي يوم كانتو تلعبون وجاء معاذ يعطي ريوف حلاوة وبدال ما تشيلها ريوف شلها سعود منه وقال له ماتحب هاذي الحلاوة وقالت له ريوف كذاب انا احب الحلاوة ذي وجت تاخذها منه لكن سحبها سعود واكلها وجلست ريوف تبكي وقال لها معاذ خلاص تعالي معي نروح نشتري
قام سعود لا انا بروح معها و عاد اذكر صارت هوشه بسب هاذي الحلاوة وفي الاخير راحت ريوف لحالها تشتري
ريوف:هههههههههههههه عاد اذكر سعود يموت لو شاف احد يعطيني حلاوة
حك سعود راسه بـ نحراج:ههههههه
روان:عجبتني يا ريوفي وقت مارحتي تشترين لـ نفسك وتركتهم يتهاوشون هههههههه
ريوف:ما اهتمت لهم رحت وشريت لنفسي وجيت وهم باقي يتهاوشون وعاد ما احكي صدمه معاذ يوم شافني اكل من الحلاوة
سعود:كنت اكره معاذ
يزن بمزح:وباقي تكرهه ولا هههه
دق سعود كتف يزن:بعدين اتفاهم معاك يا بزر
وكملو سواليفهم وضحكهم واستهبال ومزح وحش واسترجع الطفولة
الساعه ٢:٣٣
طلعو السحور حقهم وراح يزن يجيب الشطه والمراعي
سعود:الله يا ريحه الكبسه من مسويها
ريوف:انا
يزن:ريوف تسوي كبسه لا لا اكيد فيك شي
ريوف:ليه طايحه من عينك ياتبن
يزن:خالي شوف بنتك تقول لي تبن
عادل:عاد انت اللي غلط عليها ههههه
يزن:خاليي
الكل:هههههههههههه
سعود:عشان كذا امسك لسانك عند عمي عادل دامه ريوف فيه
يزن:انا داري ان خالي عادل بيقف معا ريوف لكن مدري وشهو اللي خلاني احس انه بيوقف معي
ياسر:عاد ابوي مايرضى على ريوفي
خالد:والله ياريوف الكبسه حقتك حلوه
ريوف:اهم شي عجبتكم
روان:رغم اني كنت معها اطبخ الا انني مستغربه شلون طلعت الكبسه كذا حلوه
يزن:اقولك يا روان شكل ريوف حطيت فيها سحر حتى صارت كذا
روان:اي والله شكلها
ريوف:وجع انت وياها طايح من عينكم قولو ماشاء الله علي
روان ويزن:ماشاء الله عليك
وكملو اكل
الساعه ٤:٠٠
في الحوش
يزن:ابك كم الساعه
ياسر:٤:٠٠
سعود:ياويلي ماشربت مويا
يزن:حتنا
روان:ازهلو بروح اجيب لكم مويا
ريوف:وجيبي لي معاك
قمر:وانا
فيصل:روان وانا ابي
روان:انت باقي صغير ماتصوم
فيصل:على تبن بصوم
يزن:وربي انك كفو
روان:اجيب لـ الكل احسن وراحت
وبعد دقايق جت ومعها مويا
يزن:اعطيني انا اول واحد
روان:ابشر بعطيك اخر واحد
يزن:روانن
روان:انطم
وراحت توزع على جدها والباقي لين ماوصلت لـ يزن
روان:خذ
جاء يزن بياخذ المويا سحبته روان
روان:من عمتك ؟
يزن:هاتي المويا بلا مزح
روان:من عمتك ؟
يزن:ياليل جدي شوف روان ماتعطيني المويا
الجد:ليه يا روان
روان:خله يقول من عمته
الجد:والله مدري وشهو تقولون لكن قل يا يزن
يزن:احسن لي اروح اشرب
روان:خذ
يزن:احين
الجده:خلاص اشربو
خلصو وراح عادل يأذن وراحو معه العيال والجد وخالد يصلون وبعدها بكم دقايق جو رجال الديره يصلون
عند الحريم
صلت بهم عائشة وبعد الصاله راحو ينامون
بعد ماجو العيال
سعود:وجع البيت هادي
ياسر:اتوقع الحريم راقدين
يزن:سعود شيلني حتى المقلط
سعود:ابشر
وراح يمسكه من جهه وريان من جهه وياسر فتح لهم الباب
سعود:ياولد متاكد انك تاكل
يزن:اي ليه شفيني
سعود:عمود انت
يزن:المهم شكرا على مساعدتي في الوصول الا المقلط وارح ينام
سعود:فصل ذا
ياسر:هههههههه يزن مايكون يزن اذا ماتكلم كذا
سعود وريان:هههههههههههههه اي والله
وراح ينامون
كان بيت الجده هدوء والكل نايم

اعتذر اذا في اخطاء 🫶🏻.