جامعٍ في ضحكتك كل محبوب

البارت العاشر

استغفر الله العظيم
لاحول ولاقوة الا الله

بعد اسبوع
.
.

واخييرا يوم عرس وليد
عند وليد
اللي قلبه شوي ويطير من الفرحه مانام من الفرحه اخيييرأ مو مصدق إنه خلاص بيتزوج لميس لميس اللي يحبها من الطفوله اللي الان مو مصدق وشوي ويروح يسأل سعود انه منجد بيتزوج لميس
سعود:اي اي بتتزوج بس فكني نم انا وراي كرف
الصباح في بيت الجده
بالحوش كانو العيال يقطعون الذبيحة
وعند البنات
كلن منهم يسولفون ويرتبون ل زواج وليد و لميس
وليلى كانت تواجه المغص وتتمنا انه هالزواج يمر على خير
ريوف كانت تسوي الحلى:احح بنات احسد لميس لا تشتغل ولا تساوي شي بس جالس
روان:اي مسويه مستحيه هي وجهها وتاركه الكرف لنا
قمر:ريوف انتِن وش باقي تسوي
ريوف:اسوي في هاذا الحلى
روان :ياحضك معد باقي لك الا القليل
ريوف:وين انا وين القليل
لميس دخلت:اي وياويلكم لو مايضبط لكِن
ريوف:جت العروسه اللي مخليتنَ نكرف واهي مرتاحة
لميس:اي جيت
منال:الله يجزاكم بالخير تعبتو ي بنات
قمر:لا عمه وشدعو تعبكم راحه
روان:اي صح يمه
وبعد ربع ساعة خلصو
في غرفة البنات
سلمى :ريوف امسكي دموعك عجزت ارسم الايلاينر منك انتِن ودموعك
ريوف:طيب شسوي دموعي اربع اربع
هدت ريوف وبدأت سلمى تصلح لها الميكب
وبدو البنات قمر وروان والباقي يتجهزون
وبعد ساعتين خلصو كلهن
حصه:يمه قمر روحي بخري جدك واخوالك
قمر :زين يمه هاتيه
عند الرجال
الجد:ربي يسعدك ياقمور
قمر:امين وخلصت وراحت
الجد:يلا اخلصو عشان نروح المخيم
عادل:اي يعيال من باقي
سعود:ابد ماعد باقي الا المعرس يجي
الجد:ويينه هاذ المعرس
خالد:سعود وانا ابوك رح ناده
سعود:ابشر يبه
التفت عادل:خلاص ي سعود اجلس جاء المعرس
الكل التفتو على دخول وليد اللي كان لابس بشته
الجد:وينك انت
وليد:هاا ي جد تراني جيت
راحو الرجال المخيم
عند الحريم
عند ريوف اللي راحت معا لميس الصالون عشان تتجهز رغم انها جاهزه بس راحت معها
بعد ساعتين
كانو البنات جاهزين
ريوف:بنات يلا ترا الناس جو
روان:اي خل الدقاقه تجي ونقوم نرقص
قمر:اي نبي نحلل ام ام العرس
ابتدا الفرحه على سطرين اللي تقول (جعل ام زياد الكدر ولا تشوف الباس في عيالها
جعل ام يوسف الكدر ولا تشوف الباس في عيالها )
وبدا تقول اسامي البنات ويقومو يرقصون
واستمرت فتره الرقص
عند الرجال
ابدت الفرقه تظبط وضعها وبدو كا عادات وتقاليد لديره بالعرضه النجديه والكل شارك فيها مسفهل وليد اللي على
يمينه ياسر ويساره ريان والصف الثاني عادل ووسطه عبدالعزيز(الجد)ويساره خالد
وبدت الفرقه بثاني مقطع للعرس وهو السامري
والكل كانو مستأنسين وبدأت قايد الفرقه وهو يقول (عسى الله يجمع شملنا والمحبيينِ ) ويدردد وراه الف صوت وصوت بنفس الشطر (عسى الله يجمع شملنا والمحبيينِ)
وقامو يزن وسعود يلعبون بسيوف والانظار عليهم
واختلطت ألاصوات بصوت الفرح وريحه العود والقهوه والضحك والغناء
وانتهاء فتره الرقص وجاه وقت العشاء
عائشة:يلا يابنات روحو جبو العشاء من عند الرجال
قمر:ريوف انتِن وروان قومو
روان:وانتِن شعندك
قمر:انا خلاص مدير مافي بطارية
ضحكو عليها البنات
ريوف:اجل مافي بطارية هاا
قمر:اي خلاص رجولي معد احسس بها
روان:انتِن ي ليلي وسلمى
سلمى:انا خلاص انتهيت
ليلى:وانا معي مغص
ريوف:اجل روان قومي نروح نجيبه
روان:يلا اسبقيني وانا وراك
ريوف:زين لا تتأخرين
روان:تمام
ريوف من التعب الي فيها نست جلالها
سعود:ياولد
ريوف:من انت
سعود:انا سعود وانتِ من
تقدمت ريوف ونست انها من دون جلال:انا ريوف العشاء معاك صح ؟؟
انبهر سعود بجمالها وشعرها اللي مغطي صدرها وفستانها الاحمر اللي كان ماسك على جسمها وكان الاحمر عليها موتت
وقلها ابو نوره
(يا راعي الثوب الحمر زين الارياح
يا ماخذ ٍ كل الغلا من عشيره)
صد سعود عينه وقال في نفسه: سُبحان من سواك
ريوف انتبهت انه من غير جلال:ياويلي ويلاااا سعود ممكن ماتقول لااحد انك شفتني
سعود وهو منزل عينه:زين
ريوف:خلاص حط العشاء من ورا الباب وانا بجيبه
سعود:وين تجبينه ترا في رجال هنا البسي جلالك واخذيه
ريوف:تمام
جت روان:وي ريوفي انتِن وين جلالك
ريوف:الضاهر من قوه التعب نسيته
روان:طيب من حنا
ريوف بلعت ريقها :س..سعود
روان:كذابه وشافك
ريوف بتنهد:مدري مدري
روان وهي تشيل الصحن:احح منك ي ريوفي احح تخيلي لو مو انا كان انفضحتِ و
ريوف وهي تشيل الصحن:معليك اخوك مأدب علطول نزل عينه بسس خايفه يروح يقلهم وحزتها أكيد بروح فيها
روان:معليك اخوي مستحيل يتكلم وانا اذا روحت بهدد انه مايعلم احد
ريوف:وربي انك اطلق بنت عم واطلق صديقه
روان:عارفه مو لازم تقولين
ريوف:يوه ي ثقت النفس
عند سعود من وقت ماراح وهو تارك قلبه هناك
سعود:اه ياربي اه خطفت قلبي والله
وقال وهو عاجز يوصف جمالها:
"آهٍ يا ذات الفستان الاحمر .. سحركِ سيدتى .. لا يُنكر .. من ينكر هذا .. يتكبر ..
سعود:ياولد اثقلل وش هالكلام بس والله انها حلوه مو قادر اطلعها من عقلي وابتسم وهو يتذكر شكلها بعدين استوعب
اللي قاعد يفكره فيه سعود:احح خلاص شيلها من عقلك انت ماترضى احد يشوف روان اكيد ياسر بعد مايرضى احد يشوف ريوف
عند الحريم
ريوف وروان جابو العشاء
وبدأت عائشة ومنال ينادون الحريم (اقلطوا ياحريم اقلطوا على العشاء)
وبدو الحريم يتعشون
ريوف:روان اعطيني من الاكل شوي
روان:ليه مابتعشي معانا
ريوف:اي بروح عند لميس احش
روان:دام السالفة فيها حش بروح معاك
ريوف بضحكة:تمام يلا
وراحو عند لميس وبدو يسولفون معها ويقولون عن الموجودين ويحشون
وبعد نص ساعة تقريبًا
جاء وقت ان وليد يدخل عند لميس
وفزعو العيال اللي يبخره واللي يعطره والي يعدل له الشماخ
يزن:اخسس ي المعرس المزيون
وليد:اي مزيون من يوم يومي
ياسر:اي اي
ودخل وليد وجنبه آبوه وعمه وياسر
وراح وليد يسلم على عمته عائشة وامه والباقي
واخيرا خلص وجلس عند لميس وهو شوي ويطير من الفرحه سلم عليها
وليد:مبروك لنا
لميس كانت من قوه الحياء مهي قادره ترد عليه
ياسر:والله لو كنت داري ان الزواج بيعقلك كان زوجناك من زمان
وليد:اقول اسكت بس
ياسر:شعندك مسوي تدافع عن زوجتك
وليد:اي ادافع
عادل:ياسر بس خلاص غثيتهم
وجاء وقت انهم يروحو الفندق
ياسر:مارح اوصيك على اختي لان عارف انك بتحطها في عينك
ابتسم وليد
وبدا عادل يوصيه على لميس
وريوف عند باب القاعه تبكي وبكت امها معها
ومنال وروان وقمر يهدون فيهم
روان:ريوفي تبيني اسحبها لك وتجي عندك
ريوف بضحكه:لا ياحمار وشهو تسحبينها
سعود التفت لـ ريوف وشافها تبكي :ابك هاذي من وش تبكي وبعدين استوعب اكيد بتبكي أختها بتروح وبتجلس لحالها وبعدين انا شدخلني فيها احح احح
وبعدها راح عند وليد
سعود:انتبه لـ الطريق وإذا وصلت علمني زين
وليد:ابشر
ومشوا العرسان
وشوي كذا وصلو
وليد دق على سعود:تراني وصلت
سعود:زين اجل
في الفندق
وليد:جعانة؟؟
لميس اللي كانت مستحيه بس اول ماسمعت طاري الاكل طار الحياء:آي تكفى جب شي اكله
وليد بضحكه:عرفنا نقطه ضعفك
لميس:وش نقطه ضعفي
وليد:الاكل
لميس:اي تراني مااقوى على الجوع
وراحت تبدل
وأول ماخلصت لقت الاكل جاء ووليد جالس
وليد:تعالي الاكل برد
جت لميس تاكل
وليد بتنهيد:مدري وش اقول مبروك لنا ولا وش تدرين اني انتظر هاذ اليوم من وانا صغير كنت افكر في البيت اللي نعيشه سوا والمدن اللي بنسافر لها والاكل اللي بنطبخه سوا واليوم اخيرااا جاء اليوم اليوم اللي كنت اقول مستحيل
لميس نزلت راسها
وخلصو عشاء .......
في نجد وتحديدًا بيت خالد
روان:سعود تعال بكلمك
سعود:خير وشتبي
روان:الحقني غرفتي وانتِن ساكت
وراح سعود معاها
سعود:هاا خير
روان:انتِن شفت ريوف ولا
سعود:اي لمحتها
روان:اسمعي سعود البنت خايفه انك تعلم احد عشان كذا خليك ساكت ولاكأنك شفتها وتراها مو متقصده كانت تعبانه عشان كذا نست جلالها
سعود:اصلا من غير ماتقولين مابعلم احد
روان:زين يلا انثبر برا قالت كلمتها وقفلت الباب
سعود بضحكه:اوريكك
وانتهاء اليوم ......

اعتذر اذا في اخطاء 🫶🏻.