بدات تفرح تزيري بالقش الجديد وتلم فيه وبداو اخوالها
واعمامها يتلايمو فالدار جو الفرح دخل لدار وهيا فرحاااانة
معلبالهاش فاشئ لي مستنيها راحت للحفافة وفرحت كي
صبغت شعرها وحطت ميك اب ولبسة روبة البيضاء
دخلت لدارهم ودارولها احلى عرس تبدا معاناتها في لحظة لي
جا فيها للعريس يدي تزيري
مراد : هيا نوضي خلينا رانا طولنا
ام تيزيري : اصبري وليدي نصورو معاكم
مراد : بعدي عليا ميش وقتكم ( دمرها بكل وقاحة )
ام تيزيري تجاوزت الامر ودارت حساب انو الهدرة تولي على
بنتها كون دير مشكل دوك هي رايحة ليهم وتكون وحدها
جبدها يجر فيها وراه بطريقة تاع واحد مغصوب حتى دارهم
مسلمتش عليهم وقف عند طونوبيل حل لباب ركب وخلاها
تعافر مع روبتها مخممش يعاونها راحو وفطريق افترسها بكل
ما تحمل الكلمة من معنا مخلاش فيها هبطت لوفوال طاير
الميك اب مجغبل رقبتها زرقاء دخلها وخرج خلاها شوية برك
عشاو الناس وداها وراح لدار للعلم عندهم زوج ديار وحدة
جاية فالارياف دارو فيها العرس وحدة وسط المدينة يسكنو
فيها
مراد : هيا بدلي قشك اغصبي نحي عليا هاد روبة
تيزيري : ارواح حلي منقدرش وحدي
مراد : بركي متدلي عليا انا مانيش تاع دلال فهمتي
تيزيري : والله منوصل للفارميتير حلي وانا نبدل
مراد قدم حللها بغزارة راحت بدلت وجات اغتصبها بابشع
طرق وهي صغيرة ضرها حتان داوها لطبيب باش حبسلها
النزيف بكات تيزيري وقالت لماماها : ماما منزوجش ردوني
معاكم
الام : ابنتي هكا غير المرأة اولي دوك توالفي ومتقدريش تولي
خلاص كبرتي ولازم تبقاي مع راجلك
صبرت تيزيري وفاتت هاد الفترة قعد راجلها سمانة وراح هو
خدام بعيد يغيب بالسمانة ويجي يومين فالنهار لي راح فيه
راجلها صبحت عجوزتها طبطبلها : انتي نوضي شكيت
تعرستي انا قالولي بنت دوار وتنوض ودير كلش وريلنا حنة
يديك مشفنا والو
ناضت تيزيري ومن هاد لحظة تكب شغل دار كامل عليها
وللعلم دار العائلة وكي جا راجلها تحكيلو يقولها غير اسكتي
وش تقولك ما ديري انا جبتك تعاونيها
_______________
للحكاية بقية
أنت تقرأ
زوجة تحت الطلب ( زواج قاصرات )
Jugendliteraturقصة من عمق الواقع الجزائري حقيقية 100% تهدر الحكاية على طفلة اجبرت على زواج من رجل كبير عليها تحت ما يسمى العادات وتقاليد باش تعيش اسوء ايام حياتها وتكون خادمة لاهل زوجها راح نسرد باسماء ومناطق مزيفة بناءا على رغبة صاحبة القصة
