تبدا القصة في احد الارياف او ما يسمى بالعروش في عرش
يسكن فيه كلهم اقارب بيناتهم نسب وتحكمهم عادات وتقاليد
قبائلية هاد العرش اسمو توريرت في عائلة قبائلية 100%
تتكون العائلة من بنتين وولدين واب وام يسكنو بجاور
اعمامهم وجدهم كان في هاد العائلة متفشي زواج اقارب
الزوجة بنت خالة الزوج والطفلة الكبيرة عمرها 15 سنة
تيزيري ( ضوء القمر ) البطلة تاعنا وهي تحمل كل معالم
جمال متوسطة الطول صاحبة بشرة بيضاء عيون بنية
مثل القهوة وشعر بني فاتح يصل لنصف ظهر كانت طفلة
ماشي شاطرة في قرايتها تعاود العام أيا قرر باباها يبطلها
من القراية وتشوف مكتوبها دير عائلة وتجيب اولاد كي
العادة راجل قال بلي طفلة حبسة ولات امها توريها لناس
نبعثها تعمر الماء مالعين وتديها للمناسبات واعراس حتان
بداو يجوها الخطابة خطبها واحد حفيد صاحب جدها يسكن
في عرش قريب ليهم وهي كان حلمها تروح للمدينة وفي نفس
سمانة جا واحد خطبها من المدينة هو أصلو من العرش بصح
يسكن فالمدينة صاحب املاك وخدام عندهم تجارة وهو دائما
خدام شافتو الطفلة ودارو شوفة شرعية شاب كان صاحب
تجارب سابقة بصح تيزيري كانت اول مرة تهدر مع راجل
براني
مراد : سلام
تيزيري : سلام
مراد : انا مراد عمري 34سنة نخدم لباس بيا جيت اليوم
نخطبك ولكتب المكتوب بيناتنا راكي تسكني معايا في دار
العائلة راكي عاجبتني معندي منخير عليك الله يبارك تربية و
زين راكي قابلة بيا ولالا
تيزيري : قابلة
وهي راسها مرفداتوش مالارض
مراد : ملا انا نروح تهلاي في روحك والباقي خاوتي يتفاهمو
عليه مع باباك مكانش مشكل اوكل جبد عطاها 2000دج
وخرج
(وجه البراءة وهو شيطان)
أنت تقرأ
زوجة تحت الطلب ( زواج قاصرات )
Teen Fictionقصة من عمق الواقع الجزائري حقيقية 100% تهدر الحكاية على طفلة اجبرت على زواج من رجل كبير عليها تحت ما يسمى العادات وتقاليد باش تعيش اسوء ايام حياتها وتكون خادمة لاهل زوجها راح نسرد باسماء ومناطق مزيفة بناءا على رغبة صاحبة القصة
