يوسف | كان مضايق جدا ، مكنش عارف يعمل ايه تاني مع علياء عشان يتخطي المرحلة الاولي ومش عارف هيتصرف ازاي في اللي جي اللي بالنسباله هيبقي اصعب بكتير بانه يخليها تتمسك بيه ، ياتري هتقبل بيه بكل عيوبه والمشاكل اللي بيمر بيها ولا لا .. ياتري هيقدر يتقدم خطوة !! ، وهي ايه ؟ ، وازاي ..
يوسف | في النادي بيلعب كورة وبيحاول يشغل نفسه عن التفكير في اللي جي ، خلص لعب كورة وشال شنطته وماشي وماسك الموبايل في ايديه بيفتحوا ورايح الكافتريا
يوسف ' وهو باصص عالموبايل ' : ازازة ماية لو سمحت
علياء | قلبها اتخطف اول ما سمعت صوت يوسف ، ولفت بسرعة .
علياء ' باستغراب ' : يوسف
يوسف | اتنبه لنبرة صوتها ورفع عينيه من علي الموبايل وبص لقي علياء واقفة اودامه .
علياء ' ابتسمت ' : انت بتعمل ايه هنا ، ايه ده استني ولا انت هنا عشان عارف اني هابقي موجودة صح
يوسف | موبايله فتح وجاله نوتفيكيشن بص عليه ..
يوسف ' ضحك ' : المرة ديه لا ، بس خلاص دلوقتي عرفت
علياء | بصت علي لبس يوسف
علياء : مقولتليش انك بتلعب كورة
يوسف : مش دايما لما ببقي فاضي ، انتي بتعملي ايه هنا
علياء : مع بسمة وخالد
يوسف : مش انتي مش فاضية ومش عارفة تنزلي اقابلك من ساعة ما رجعت من السفر
علياء : انا فعلا مش فاضية احنا كنا بنفرش في الشقة وخالد عدا علينا قالنا ننزل نتمشي شوية ونزلنا
يوسف : خلاص تعالي نقعد نشرب حاجة سوا
...... : اتفضلي حضرتك القهوة
علياء ' بصت للراجل ' : شكرا كام
يوسف ' بص للراجل ' : خلاص عندي
علياء : لا مينفعش
يوسف : هتجيبي حاجة تاني
علياء : لا
يوسف | دفع الحساب .
علياء ' باحراج ' : لازم ارجعلهم
يوسف ' بضيق ' : مش شايفة ان حججك كترت الفترة ديه
علياء | مش لاقية كلام تقولوا
يوسف : انتي زعلانة من حاجة صح
علياء : ...
بسمة ' قاطعتها ' : ايه ي بنتي كل ده انا قولت اتخطفتي ' سكتت للحظات ' ايه ده يوسف
علياء ' بتبرقلها ' : انتي ايه اللي جابك
بسمة ' بتتجاهل علياء وبتضحك ' : انت عارفني صح
يوسف ' ابتسم ' : اكيد بسمة عاملة ايه
بسمة : الحمدلله انت عامل ايه والاستاذة عاملة معاك ايه
علياء ' بتنغزها ' : بسمة
بسمة : عاملة معاك ايه في الشغل
يوسف ' ضحك ' : تمام تمام ، طيب اسيبكم عشان اللي معاكم ، هاشوفك امتة بكرة !
علياء ' باستغراب ' : مين اللي قال اني هشوفك بكرة
بسمة ' بتقاطعها ' : وهو لسه هياخد رايك هو انتي ليكي راي اصلا اخرسي ، مش انت عارف بيتي عدي عليها بكرة الساعة ٥
________________________
تاني يوم ..
علياء | واقفة اودام العربية .
يوسف : هتفضلي واقفة كدة كتير اركبي
علياء : ليه
يوسف : هنروح نقعد في مكان
علياء : اصل
يوسف ' قاطعها ' : انا عارف انك مكنتيش عاوزانا نتقابل لولا اللي بسمة عملته
علياء : ايه ده لا مين قال كدة بس
يوسف ' بجدية ' : خلاص اطلعي
علياء ' باستغراب ' : اطلع !!
يوسف : مش انتي مش عاوزانا نتقابل ونازلة غصب انا ليه هجبرك عشان تعملي حاجة مش عاوزاها
علياء : لا مش كدة
يوسف : هنروح في حتة نعرف نتكلم فيها ولا لا
___
بعد وقت قليل
يوسف : عجبك المكان
علياء : اه حلو ومش بعيد عن بسمة عشان لو احتاجتني
يوسف : هتشربي ايه
علياء : لا ولا حاجة مش عاوزة
يوسف : طب لو سمحت واحد قهوة 'و بص لعلياء ' وواحد لمون بالنعناع
علياء | ابتسمت
علياء ' بابتسامة ': ولا مرة شربت ولا جبت سيرة اني بحب اللمون
يوسف : عادي خمنت
علياء : بجد
يوسف ' ابتسم ' : واحنا مسافرين وسهرانين برة الفندق كنتي بتشربيه
علياء : ايه ده وهو انت لسه فاكر من ساعتها
يوسف | ابتسم
علياء : بس خدت بالك ازاي
يوسف : لا م انا كنت حاطط عيني عليكي
علياء | ابتسمت بخجل
يوسف : ممكن اعرف في ايه بقي
علياء : في ايه
يوسف : من ساعة ما رجعت وانتي متغيرة
علياء : لا مش متغيرة ولا
يوسف ' قاطعها ' : احكي في ايه
علياء ' سكتت للحظات ' : صدقني يا يوسف مافيش حاجة انا بس كنت متلغبطة
يوسف : حلو ، ايه بقي اللي ملغبطك
علياء | مش عارفة تبدا ازاي ولا تقوله ايه
يوسف : ها يا عاليا
علياء : هو في حاجة بينك وبين سهيلة
يوسف : ازاي
علياء : مافيهاش ازاي هي الجملة مفهومة
يوسف : لا مافيش حاجة بيني وبينها
علياء : اومال وانتم مسافرين ايه اللي حصل ما بينكم
يوسف : والله العظيم ما فاهم حاجة
علياء : وهي معاك قولتلها ان اللي بينكم متقولهوش لحد
يوسف | بيفتكر ، ومستغرب علياء عرفت منين
يوسف : اه اه افتكرت لا مافيش حاجة من اللي في دماغك احنا كنا مع بعض فعلا بنخلص شغل وموبايلي كان مفتوح شافت عليه حاجة مكنش ينفع تشوفها فقولتلها ان اللي حصل يفضل بينا بس !
علياء : شافت ايه
يوسف : رسالة اختي بعتهالي
علياء | فهمت ان اللي سهيلة شافته حاجة ليها علاقة بمامته واخواته وهي حاسة ان الموضوع ده كبير مش سهل عليه انه يحكيه .
يوسف : ده اللي كان مخليكي مش عاوزة تشوفيني
علياء | ساكتة مش عارفة تتكلم
يوسف : طيب يا عاليا لو عاوزة تسالي علي حاجة تانية اسألي
علياء : مش هتسألني عرفت منين
يوسف : لا
علياء ' باستغراب ' : لا !
يوسف : انا يهمني اني اطمنك مش احقق معاكي واسألك عرفتي منين
علياء ' بابتسامة ' : وانا مصدقاك والله
——
يوسف | بيوصل علياء ، عند شقة بسمة
يوسف : افتحي التابلوه
علياء ' فتحته ' : اطلعلك ايه
يوسف : في علبة محطوطة لجوة طلعيها
علياء ' طلعتها ' : ديه لمين ديه
يوسف : ليكي
علياء ' بابتسامة ' : ليا انا
علياء | بتفتحها ' لقت نجوم بحر وحجر ملون '
علياء ' وهي بصالهم ' : الله يا يوسف الله بحبهم اوي
يوسف | باصصلها وهو بيضحك
علياء : ده انت كنت بتتمشي عالبحر كتير عشان تجمعلي كل ده ، تحفةةة
يوسف : مين كان يصدق اني هقع في واحدة بتحب كل الحاجات ديه عشان اعمل كدة
علياء ' بتضحك ' : تعيش وتقع
يوسف ' ضحك ' : لا ده هي واقعة واحدة بتيجي كدة ومافيش بعدها قومة خلاص
___
يوسف | وصل علياء ، وقبل ما تنزل من العربية
يوسف : علياء
علياء : نعم
يوسف : متسمحيش لاي واحدة في الدنيا انها تخليكي تشكي في حبي ليكي ممكن
علياء ' اتلغبطت وقلبها اتخطف ' : تصبح علي خير
————————
في الشركة ..
علياء | خبطت علي باب المكتب ودخلت لقت سهيلة مع يوسف .
علياء : صباح الخير
يوسف | ابتسم لعلياء وبص لسهيلة بجمب عينيه
يوسف و سهيلة : صباح الخير
علياء | بصت علي لبس يوسف وسهيلة وكانوا لابسين الوان شبه بعض
عمرو ' دخل ' : جود مورنينج ، كله تمام
يوسف : اه ان شاء الله
عمرو ' بيبص ليوسف وسهيلة ' : انتوا عاملين ماتشينج مع بعض ولا ايه
يوسف | مكنش واخد باله وبص علي سهيلة فهم وابتسم
سهيلة ' ضحكت بلطافة ' : لا ديه صدفة
عمرو ' ضحك ' : صدفة طيب شوية واجيلك يا جو
سهيلة : اوكاي انا كمان هخرج ونتقابل في الميتينج
يوسف | استني سهيلة اما خرجت وقفلت الباب ، ورجع بعينيه لعلياء
علياء | بصالوا مستنياه يكلم
يوسف ' ابتسم ' : شكلك حلو ليه انهارة
علياء ' بغرور ' : انا كل يوم حلوة
يوسف : ديه حقيقة
علياء ' اتكسفت ' : الميتينج امتة
يوسف : في نص اليوم
علياء : طيب عاوز مني حاجة دلوقتي
يوسف : لا
علياء | عاوزة تقول حاجة ومترددة
يوسف : عاوزة تقولي ايه
علياء : مش انت سايب لبس ليك هنا في المكتب
يوسف ' باستغراب ' : اه
علياء : هو اللي انت لابسه حلو وعاجبني وكل حاجة بس هتغيروا
يوسف : مش فاهم ' سكت للحظات ، وضحك '
علياء : مش مهم
يوسف | باصصلها وبيضحك علي غيرتها
______
قبل الاجتماع ..
علياء | داخلة المكتب ، لقت يوسف غير لبسه
يوسف : ايه رايك
علياء ' اكنها ماخدتش بالها ' : في ايه
يوسف : في ايه ، تحبي اغير ده كمان
علياء : اه اه البس ، اها لا كدة احلي كتير
عمرو 'قاطعها ' : انتي هنا عديت علي مكتبك ملقتكيش
علياء : جبت الورق لمستر يوسف
يوسف : تمام تقدري تخرجي دلوقتي
عمرو : لا استني
علياء | واقفة اودام ترابيزة الاجتماعات وعمرو واقف جمبها وباصين علي الورق
يوسف | بيراقب تصرفات عمرو ، وهو بيتكلم مع علياء وبيشرحلها تعمل ايه
عمرو : تمام ؟
علياء : اه اه تمام
يوسف | واخد باله ان عمرو بيقرب جدا من علياء ومش واخد مسافة بينه وبينها ، وقف ورا علياء بمسافة
عمرو | بعد خطوة عن علياء يبص علي ملف تاني
يوسف | سند ايديه جمب علياء وحجز بينها وبين عمرو
علياء | مش واخدة بالها من حاجة ، بس لفتت نظرها ايد يوسف بصت لايديه وبصتله
يوسف ' بيحرك شفايفه ' : اخرجي
علياء ' مش فاهمة ' : في ايه
عمرو | رجع تاني بس مكنش قريب من علياء بسبب ايد يوسف ..
يوسف ' بنظرات عينيه ' : اخرجي
علياء : فهمت كل حاجة عن اذنكم مستر سامح عاوزني
_________________
في شارع زحمة علياء وبسمة شايلين شنط كتير .
علياء : اخلصي بقي انا جعانة
بسمة : طلعي الورقة شوفي ايه اللي ناقص
علياء ' بنفاذ صبر ' : الطرح ، هي الطرح القديمة يا بنتي قصرت معاكي في حاجة
بسمة : ما انا هسبهملك كلهم ياختي
علياء : طب يلا يا بسمة والله تعبت
بسمة : اهو الراجل هو
علياء و بسمة | في المحل
بسمة : ديه ولا ديه
علياء : استني اشوف انهي هاتبقي حلوة عليا
بسمة ' بتضحك ' : ولا هتيجي جمبيهم
علياء | موبايلها رن
علياء : ده يوسف
بسمة : ردي طيب
علياء ' بترد ' : الو
يوسف : ايه الدوشة ديه انتي فين
علياء : في الموسكي مع بسمة بنجيب الحاجة الناقصة
يوسف : اودامك اد ايه طيب
علياء : مش عارفة ..
بسمة ' قاطعتها ، وبتاخد منها الموبايل ' : هاتي اسلم عليه علي اما تنقيلي
بسمة : ازيك يا يوسف
يوسف : الحمدلله يا بسمة انتي عاملة ايه
بسمة : الحمدلله معلش خدت منها الموبايل عشان بتنقيلي حجات
يوسف : لا عادي انا كنت هخليها انهاردة تديكي الموبايل عشان اسلم عليكي
بسمة : ربنا يخليك انا كويسة في حاجة طيب اقولهالها
يوسف : لا انتوا اودامكوا اد ايه
بسمة : ساعة بالكتير
يوسف : خالد معاكم او جي ياخدكم
بسمة : لا في حاجة ولا ايه
يوسف : انا في وسط البلد قريب منكم هعدي اروحكم
بسمة | قفلت المكالمة وبعد وقت قليل خرجوا من المحل وبسمة دخلت السوبر ماركت اشترت حلويات .
علياء : حلويات ايه يا بسمة بقولك جعانة جعانة
بسمة : في مولتو
علياء : ده بتاع الناس الفافي ده مبيشبعش ، خلاص كدة طيب اطلب اوبر
بسمة : طلبت يالا تعالي نعدي الطريق
علياء : طب هاتي الموبايل
بسمة : خليه معايا عشان انتي شايلة حاجات كتير وميقعش
علياء وبسمة | عدوا الطريق
بسمة : ايوة تقريبا هي ديه
علياء ' بتبص عالعربية ' : ديه شبه عربية يوسف ' بتضحك ' مش معقول نبقي بنجيب جهاز عروسة ونطلب اوبر تيجي ذي عربية يوسف لا حسيت ان هي
اشارة ..
يوسف | شافهم من المراية ونزل
علياء | شافتوا ، وقفت مكانها من الصدمة
بسمة ' بتضحك ' : حسيتي ان هي ايه يا عينيا
علياء ' مش فاهمة ' : ايه اللي جابك هنا بتعمل ايه مش انت كنت لسه .. اكيد جي صدفة صح
يوسف ' ضحك ' : خلصتي
علياء : خلصت ايه
يوسف ' بياخد الشنط من ايد بسمة ' : اتاخرت عليكم
بسمة ' بتضحك ، وباصة علي خضة علياء ' : لا خالص
يوسف | حط الشنط في شنطة العربية ، وبيلف ياخد الشنط من علياء
علياء ' بصوت واطي لبسمة ' : اهو شكلي متبهدل وتعبانة ، ينفع يعني
بسمة : ده انتي قمر بس الدنيا جاية عليه
_________________
- في العربية ..
يوسف : تعالوا نروح نتغدا سوا
بسمة : للاسف انا لازم اروح الكوافير
علياء : نعم هو انتي مش مروحة معايا البيت
بسمة : لا ماهو مافيش وقت وهخلي خالد يبقي يعدي ياخدني
علياء : والشنط ديه كلها
يوسف : انا هوصلك لحد البيت
بسمة : ايه مشكلتك بقي اه نسيت اصل الاستاذة جعانة
يوسف ' ضحك ' : ده كدة كدة
بسمة : الاه ده حتي يوسف طلع عارف وعارف بقي انها رمرامة
يوسف ' ضحك ' : ازاي
علياء : بسمة بقولك ايه انزلي
بسمة ' ضحكت ' : انا هنزل فعلا هطلب اوبر وشوفوا انتوا هتعملوا ايه
يوسف : اوبر ليه في المكان اللي عاوزة تروحيه وانا هوصلك
بسمة : ايه ده لا حرام مش عاوزة اتعبك
يوسف : لا خالص مافيش تعب
______________
بعد ما يوسف وصل بسمة ..
علياء : تععبناك معانا
يوسف : متقوليش كدة تتغدي ايه بقي
علياء : لا غدا ايه انا عاوزة اروح
يوسف : اصل انا جعان ومش هاكل لوحدي
علياء : كل المولتو اللي كنت متفقة معاها جيبهولك
يوسف ' ضحك ' : بس انا المولتو مبيشبعنيش تاكلي بيتزا ؟
علياء : لا
يوسف : عاوزة تاكلي ايه
علياء : مش عارفة
يوسف : طب وهو اللي مش عارفاه ده الاقيه فين
علياء ' ضحكت ' : اتصرف
يوسف : تاكلي ماك ، بيتزا ، نفسك رايحة لايه ؟
علياء : ايه الاكل السيكي ميكي ده ' بسرحان ' انا عاوزة اكل علي عربية كبدة وفلفل اخضر كدة
يوسف ' ضحك ' : رمرامة
علياء ' بتهز دماغها ' : اه
____________________
يوسف | راح فعلا جاب سندوتشات كبدة وقعدوا كلوا في العربية وهما بيتكلموا وبيضحكوا ، ووصلها عند البيت
علياء : نزلني هنا بعيد عن البيت
يوسف : والشنط
علياء : مش مهم ده شارع
يوسف : لا اكني اوبر يعني ماحدش هياخد باله
يوسف | مسابش علياء غير اما وصلها لحد البيت وساعدها ونزل معاها الشنط
علياء | طلعت وفتحت موبايلها وبعتت مسدج ليوسف ' شكرا جدا كلك زوق يارب كل سواقين الاوبر يبقوا ذي حضرتك كدة ياكلوني وياخدوا بالهم مني 😂😂❤️'
رد عليها ' انتي ملكيش سواق غيري يا حبيبتي❤️ '
_______________________
_ بعد ايام ..
يوسف | في الجيم والسماعات في ودانه ومندمج مع اغنية '
وقاطعه صوت رنة الموبايل ب اسم ' عاليا '
يوسف 'ضحك' : ده ايه المفاجاة الحلوة ديه
علياء 'بتضحك ' : ايه ده في ايه كل ده عشان اتصلت بيك ولا حاجة تانية
يوسف : مافيش
علياء : اوعي تقولي كنت لسه بفكر فيكي
يوسف : معني انك انتي اللي قولتي تبقي متاكدة مش عارفة بس
علياء ' ضحكت ' : طب انت فين
يوسف : في الجيم
علياء : طيب انا حمزة كلمني
يوسف : كلمك ! كلمك ازاي وجاب رقمك منين اصلا
علياء : منة كانت معايا وكلمني من عندها عشان يعزمني علي عيد ميلاده
يوسف : هو كان قايلي اقولك فكنت هكلمك اما اخلص
علياء : اها لا هو قالي
يوسف : بس استني يعني انتي مكلماني مخصوص عشان تعرفيني
علياء : لا طبعا هو انا بكلمك عشان اخد الاذن انا بكلمك
عشان منة قالتلي اسالك بيحب ايه
يوسف : اقفلي يا عاليا
علياء ' ضحكت ' : خلاص خلاص انا اصلا مش هاروح
يوسف : ليه مش هتروحي
علياء : فاضل كام يوم عالفرح ولسه بخلص الفستان وورايا ميت حاجة وشكلي تعبان جدا شوفت اخر مرة كنت عاملة ازاي ميتة
يوسف : كنتي حلوة ذي كل مرة بشوفك
علياء 'بتضحك ' : مش بهزر والله
يوسف : ولا انا والله
علياء | ابتسمت
يوسف : الفستان خلص
علياء : هستلموا بكرة ان شاء الله
يوسف : ابعتيلي صورة ليه
علياء : لا ده مفاجاة
______________________
__ في مكان العيد ميلاد ..
حمزة : انت عارف لو منة جاية لوحدها مش هقلق بس ما دام علياء معاها اشك انها مش هاتجبها وتيجي اصلا
يوسف ' ضحك ' : اهم جم
علياء ومنة | داخلين المكان
منة : بتاع النسوان اهو قولتلك اجيبله عروسة
علياء ' بتضحك ' : اتهدي بقي ما الواد مؤدب اهو
حمزة ' بيضحك ' : حمدالله عالسلامة
منة : الله يسلمك يا استاذ حمزة
علياء : كل سنة وانت طيب
حمزة : وانتي طيبة يا علياء ربنا يخليكي
منة : كل سنة وانت يا حبة عيني علي نياتك وكل البنات اخواتك
علياء وحمزة | بيضحكوا
يوسف ' جي عليهم ' : ايه ده في ايه
منة : ازيك يا يوسف روحت فين اما شوفتنا
يوسف | بص لحمزة باستغراب بس من ضحكهم فهم ان هي بتألش عليه هو كمان
يوسف : مش كفاية عليا واحدة في المناهدة ولا ايه يا منة
منة : اه صح فكرتني والله بتصعب عليا
يوسف | قعدهم مع صحابهم بعد اما عرفهم عليهم ، وجاب كرسي وقعد جمب علياء
يوسف : عاملة ايه
علياء ' بابتسامة ' : الحمدلله مبسوط اني جيت ؟
يوسف : انتي ايه رايك
علياء : طبعا لازم تكون مبسوط عشان انا معاك
يوسف : خليكي عارفة دايما ايه اللي بيبسطني
علياء ' ضحكت ' : هما كل البنات ديه صحابك
يوسف : مش كلهم اوي بس معظهم كانوا معانا في الجامعة والمدرسة
.. بنت جديدة دخلت المكان وسلمت علي كل اللي قاعدين لحد اما وصلت ليوسف
..... : انت اخر واحد كنت اتوقع انه هنا مش معقول
يوسف ' ابتسم ' : ازيك يا سارة
سارة : تمام مش انت المفروض تبقي في دبي
علياء | بصالها باستغراب
يوسف : لا اجلت السفر
سارة : ايه ده ازاي ديه نادين بتخلص حاجتها هنا عشان قيلالي انك ماضيت عقد بتلت سنين انك هتمسك الشغل هناك وهي هتروح معاك
يوسف | راح لحمزة بعيد .
يوسف : انت ازاي تقول لسارة تيجي
حمزة : مقولتلها قابلتها صدفة واللي كانوا معايا قالولها وانت عارف سارة لازقة
يوسف : اهي عكت الدنيا وجابت سيرت العقد بتاع دبي
حمزة : وهو انت مكنتش قايل لعلياء عالعقد كنت مستني وانت مسافر تقولها
يوسف : كنت محتاج اظبط علاقتي بيها الاول
حمزة : لازم تتكلم معاها عشان انت مش هاتشوفها تاني قبل فرح اختها
يوسف | اقنعهم انه يوصلهم ، وعلياء طول الطريق ساكتة ، لحد اما وصل منة ونزلت من العربية
يوسف : هتفضلي ساكتة كتير
علياء : هتكلم اقول ايه
يوسف : تقولي انك مضايقة
علياء | موبايلها رن
علياء : ثواني
يوسف : مين
علياء | مردتش عليه وردت عالمكالمة
علياء : لا والله منستكش كنت هكلمك بكرة
يوسف | باصلها انها ردت علي ولد ، واستناها تخلص المكالمة بعد اما عرف انه محمد
علياء : تمام انا هعرف هما هيبقوا جاهزين علي امتة واقولك ومش عارفة مين هيركب معاك واحنا راجعيين بس ممكن ابقي انا يعني ان شاء الله
علياء | خلصت المكالمة
يوسف : تركبي مع مين !
علياء : محمد
يوسف ' بحدة ' : وتركبي معاه ليه
علياء : عشان انا اصلا مكلماه ان يبقي يروح ياخد خلاتي عشان يجيبهم في الزفة وبعد مهنوصل بسمة اللي مش هيبقي ليه مكان هيركب معاه وطبعا هيبقي عيب اما مركبش معاهم
يوسف : ده انتي مرتبة ومتفقة معاه وكنتي هتعرفيني كل ده امتة
علياء : واعرفك ليه وهو انت كنت عرفتني انك ماضي عقد ومسافر مع نادين
يوسف : نادين !! انا معرفش ايه اللي مدخلها اصلا هي اللي معشمة نفسها فهي بره الموضوع بس العقد كنت هقولك عليه
علياء : امتة وانت مسافر بص يا يوسف اه انا عارفة ان في حاجات كتير عنك معرفهاش ومش هجبرك انك تحكي حاجة غصب
يوسف ' بنفاذ صبر ' : عارف ان ليكي حق تضايقي بس كنت عاوز وقت عشان اقرب منك
علياء ' بحدة ' : وقربت يا يوسف قربت ودلوقتي هاتمشي
يوسف : طيب يا علياء بعد فرح بسمة هنتكلم وهحكيلك علي كل حاجة
علياء | مضايقة
يوسف : ومحمد مالوش انه يوصلك انا هكون موجود شوفي عاوزة ايه وانا هعملهولك
علياء : لا مش هينفع انا اهلي عارفين محمد مش عارفينك .. فمفيش مشكلة انه يعمل كدة
يوسف : متضايقنيش مش كفاية انك عازماه وهيكون في الفرح
علياء ' بحدة ' : خلاص لو شايف انك هتضايق ماتجيش
يوسف : ماجيش !
علياء : اه ماتجيش
___________________
اسفة جدا علي اللي هقولوا لاول مره مش هينفع التفاعل ده ، واول ما بتاخر في الحلقات بلاقي رسايل كتير بتطلب اني انزل الحلقة واول ما انزلها ملاقيش تفاعل ، رأيكم بيفرق معايا وبيشجعني ؟ ♥️
#دعاءالسيدعامر
#دعاء_السيد
