رواسي الدهر

مقتطفات

مرحبا يا حلوين شلونكم؟
رجعتلكم بقصه جديده، قصه احداثها تموت
احداث ممطروقه بعالمنه
استلمتها من قبل ما اعتزل و بما انو رجعت ف رجعت
البطله سلمتني قصتها

نبلش بيها وياكم بالعطله ان شاء الله و اتمنى تعجبكم ...

لتنسون التصويت و التعليق بين الفقرات🤍

#رواسي_الدهر
#الكاتبة روح الدليمي
➰➰➰➰➰➰➰➰➰➰➰➰➰➰

المشهد الاول:-

صوت اطلاق نار قوي من قوته
حطيت ايدي على اذاني و ضغطت عليها حتى ما اسمع شي..

اخذتلي صفنه اريد اعرف اني وين
و شنو الي صار
و شوكت اجيت لهنا كلشي ماعرف!..

بعد مده مو قليله صار هدوء
وره شوي سمعت صوت خطوات قريبه
الخوف امتلكني و جسمي احتلته الرجفه..
كل اعضائي احسها صارت ترجف من كميه الرعب الي داشوفها..

منو هذا؟ شنو يريد مني!
ليش جابني لهنا؟!
اسأله هواي براسي بس ماكو جواب!

قاطع افكاري صوت قفل الباب و هوَ ينفتح معلن عن دخول شخص

انفتح الباب و دخل ضوء خفيف من برا بس بسرعه رجع الظلام لان انسدت الباب بقوه..

كلشي ما اشوف ظلام دامس..
فقط اسمع صوت خطوات قريبه مني..
قشعر بدني من لمسته لخدودي المتروسه دموع..

تقرب مني و حجه بهجس..

_هذا الخوف و الرجيف خلي لبعدين راح تحتاجي

نطقت بكلمات و حروف متقطعه من شده الخوف..

_ش شرايد مممنييي مم ممنو أنتَ

_مو منج من ابوج العار

بحركه سريعه منه جرني من قميصي و صاح ب اذني ..

_حضري نفسج للتعذيب راح اخليج تتمنين الموت و متحصلي!

بجيت بخوف من تهديده بجيت على نفسي الي ماعرف شنو مصيرها؟

**********

المشهد الثاني :-

الم و دوخه فضيعه براسي، كل جسمي يرجف
متهستره.. اريد اخذ العلاج مينطيني

وكفت يم الباب و صرت ادك عليه و ايدي ترجف
بالكوه اضرب بيدي على الباب..

_تعاااال افتحلييي الباب، تعبت اريد العلاج جيبه راسي راح ينفجر

سمعت صوت خطواته قريبه من الباب
ابتعدت عن الباب لما فتحه و دخل للغرفه، صار يباوعلي
بنظرات ماعرفت افسرها.. ضحك مستهزء و گال

_كتلج ما انطيج لحد ما توافقين

تقدمت عليه رفعت ايدي اريد اضربه، بس سبقني و لوه ايدي وره ظهري و همس ب اذني..

_تردين الحبوب، وافقي تتزوجيني و اشبعج بيهن

_انته واحد نذل تعرف بروحك

فرني عليه و عصرني من خصري بقوه
و گال

_تموتين على الانذال

_عوفني خليني اموت، ليش هيج دتعذبني ؟

قربني عليه اكثر و همس ..

_لان احبج

يتبع...

-سبحان الله
-الحمد لله
- لا إله إلا الله
- الله أكبر
- أستغفر الله
- لا حول و لا قوة إلا بالله
- سبحان الله وبحمده
- سبحان الله العظيم
- اللهم صل على محمـد وآل مـحـمـد

#رواسي_الدهر
#الكاتبه روح الدليمي